امریکہ کوئی کتا بھی قتل کردے تو میں اسے شہید کہوں گا: فضل الرحمن

اسلام آباد (آئی این پی + این این آئی) جمعیت علماءاسلام (ف) کے سربراہ مولانا فضل الرحمن نے کہا ہے کہ امریکہ پاکستان اور افغانستان میں خونریزی کررہا ہے۔ امریکہ کوئی کتا بھی قتل کردے تو میں اسے شہید کہوں گا۔ تحریک انصاف ڈرون حملوں اور نیٹو سپلائی پر پوائنٹ سکورنگ کررہی ہے، اگر وہ سنجیدہ ہوتی تو خیبر پی کے اسمبلی میں چند ماہ قبل ہماری پیش کردہ قرارداد کو موخر نہ کرتی۔ طالبان سے مذاکرات قومی معاملہ ہے، وزیراعظم اس ایشو پر دوبارہ اے پی سی بلائیں۔ پارلیمنٹ ہاﺅس کے باہر صحافیوں سے گفتگو کرتے ہوئے انہوں نے کہا ڈرون حملوں کے حوالے سے پاکستانی حکومت کے امریکہ سے معاہدوں کی باتیں صرف قیاس آرائیاں ہیں۔ وفاقی کابینہ کے اجلاس کے بعد ڈرون حملوں کے حوالے سے کوئی بریفنگ نہیں ہوئی ۔ انہوں نے کہا تحریک انصاف کی جانب سے وفاقی حکومت کو الٹی میٹم دینا درست نہیں کیونکہ طالبان سے مذاکرات ایک قومی معاملہ ہے۔ ڈرون حملے کے بعد حکومت اور طالبان میں جو تناﺅ پیدا ہوا اسے ختم کرنا ہوگا، ہمیں ایک میز پر بیٹھ کر مشترکہ موقف اختیار کرنے اور مذاکرات پر دوبارہ تمام جماعتوں کو اکٹھا کرنے کی ضرورت ہے۔ انہوں نے کہا بہت سے لوگ مذاکرات کو برقرار رکھنا چاہتے ہیں اور ہم ملک کیلئے ملکر کام کرنا چاہتے ہیں اسلئے کوئی جماعت سولو لائن لیکر ڈیڈ لائن دینے سے گریز کرے۔ انہوں نے مزید کہا اس میں کوئی شک کی بات نہیں کہ عوام اس وقت بہت اذیت میں ہیں لیکن موجودہ صورتحال میں حکمت سے کام لینے کی ضرورت ہے۔ حالیہ ڈرون حملے سے امن عمل کو شدید دھچکا لگا ہے اور اسکی تمام تر ذمہ داری امریکہ پر عائد ہوتی ہے۔
http://www.nawaiwaqt.com.pk/E-Paper/Lahore/2013-11-06/page-1/detail-4

 

اس بیان پر انہیں شرعی فتوا بھی لگ سکتا ہے ۔

 

لیکن یہ بیان دینے سے جنہیں انکی اصلیت کا نہیں پتہ انہیں بھی پتہ چل گیا ہو گا

 

ان کے بزرگ بھارت نواز تھے اور پاکستان کو کبھی بھی دل سے تسلیم نہیں کیا ۔اور محمد علی جناح رحمتہ اللہ علیہ کو برا بھلا کہتے تھے ۔اور یہ صاحب بھارت نواز کے ساتھ اور بھی بہت کچھ نواز ہیں

 

اچھا جی تو یہ ویسے ہی ہوائیاں اُڑاتے ہیں