مہر غلام درد دا کلام

کارآمد ھائے بیکار نسے ساڈی زندگی پیار دے کم آ گئی
کائنات توں ماہگی دل جئی شے ہنس مکھ دلدار دے کم آگئی
ساڈی شاعری کئیں دی عظمت دے پل پل پرچار دے کم آگئی
سَر بھانوٰیں قدمی درد رہیا پر پگ سردار دے کم آگئی
محترم جناب غلام محمد درد ​

 

بہت شکریہ محترم بلال ملک صاحب انشا اللہ میں ہور کلام وی احباب دی خدمت اِچ پیش کراں گا سلامتی ہووے

 

انشا اللہ جناب ہارون رشید صاحب سدا سکھی رہوو پسندیدگی دا شکریہ

 

تیتھوں وکھریاں میں کیہڑے کم دا ہاں وتھوں کیہڑے پیچ تے گھتاں
کوٹھے درد کھلودِن ایریاں تے لکھ پکیاں ہوون چھتاں
پرواہ نیئں نِت لِتڑیندا ود اکھیاں تے دے پیا لتاں
میں پاگل ہاں تیرے نال ونجا کے ساری زندگی روندا وتاں
مہر غلام درد

 

بہت شکریہ محترم

 

اَسی اوہ بندے نئیں جو سجنڑ بنڑا کہ منڑ مکر زُبان توں وننجیے
سانوں گھٹی اے جدنڑ لٹیونڑ دی کیوں ڈر نقصان توں ونجیے
بھائی وال دے ویکھ کے میلے کپڑے کیویں بھل پہچان توں ونجیے
ہووے لگدیاں واسطے نیت ملوٹی لگے درد جہان تو ونجیے
مہر غلام درد

 

ہارون رشید صاحب تعارف بہت عرصہ پہلے پڑھیا سی تے کجھ سہی طرح یاد نئیں رہیا تے غلط بیانی کرن تے روح نئی من دا اس واسطے انشا االلہ دا تِن دِن تک تفصیلی تعارف کرواواں گا کیوں انہاں دے نال عنقریب ملاقات متوقع اے
تے پسندیدگی لئی ممنون آں

 

عابد تمیمی صاحب دا اِک دوہڑا احباب دی نظر
میری اکھیاں گداگر نئیں سخاوت کردیاں مویاں
بنڑا کے جملے ہنجئوواں دے دعا وت کردیاں مویاں
اوہدی تصویر نو عابد نظر چمدی ختم ہو گئی
اِدا مطلب تاں ایہہ بنڑدا اے تلاوت کردیاں مویاں
عابد تمیمی ​

 

کھوہ واہدن آپنڑیاں واریاں تے تیری واری اے بخت ہڈا لے
تن کیں پچنڑاں اے انڑ پھردیاں تے ہمتاں لا زور آزما لے
چلو درد غریب تے ترس نہ کر بھلا اپنڑیں کانڑ کما لے
جیہڑا ڈھلی اوئی رُت اِچ کم آوی کوئی ہک ادھ سجنڑ بچا لے
مہر غلام محمد درد

 

نوازش جناب دی میری بھرپور کوشش ہووے گی تُہاڈیاں اُمیداں تے پورا اُترن دی

 

اج ہر کوئی ویہدا ای آپنڑیں سیہدے رہے جگ تے اصل دے لپ نئیں
تینوں کیں پچھنڑاں انڑ پِھردیاں تے بِنڑ سوچیاں سینا ٹھپ نئیں
وَس نئیں اِخلاق نُمائیشی تے باہں کہیں دی اُلر کے نپ نئیں
بھانویں درد مسیت اِچ رَہندے ہوونڑ فطرت بدلیندے سپ نئیں
مہر غُلام درد

 

اجاں پچھلے زخم وی نئیں اٹھرانڑیں وت مار شدید آ گئی اے
سجنڑاں دا اُو درد رسائیاں دی ناکام اُمید آ گئی اے
نئیں ڈھئی خیرات زیارت دی انجے سکدی دید آ گئی اے
مسے چائی ہائی عید فطر دی پھُو ڑی اُتوں مُنڑ بکر عید آ گئی اے
مہر غُلام درد ​