پسندیدہ غزلیات، نظمیات

بہت خوب ۔ یہاں تو خوب محفل جمی ہوئی ہے۔
دوستی پر چند سطور میں بھی شئیر کرتا ہوں امید ہے پسند آئیں گی۔

دوستی

دوستی ایک رشتہ ہے ایسے احساس کا
جو بارش کی پہلی و آخری بوند کا ہے
دوستی کھلتے پھولوں کی خوشبو میں ہے
دوستی ڈھلتے سورج کی کرنوں میں ہے
دوستی ہر نئے دن کی امید ہے
دوستی ہر نئی صبح کی نوید ہے
دوستی خواب ہے، دوستی جیت ہے
دوستی پیار ہے ، دوستی گیت ہے
دوستی ہر ساز کا سنگیت ہے
دوستی ہے ہر خوشی
دوستی ہے زندگی
دوستی ہے آگہی
دوستی ہے بندگی
دوستی سنگ چلتی ہواؤں میں ہے
دوستی تو برستی گھٹاؤں میں ہے
دوستی دوستوں کی وفاؤں میں ہے
ہاتھ اٹھا کے مانگی گئی ہے جو دعا
دوستی تو درحقیقت ان دعاؤں میں ہے
زندگی کو جینا ہوتو دوستی کرلو
زندگی کو پانا ہوتو دوستی کرلو

 

تری دنیا میں یارب زیست کے سامان جلتے ہیں
فریبِ زندگی کی آگ میں انسان جلتے ہیں

دلوں میں عظمت۔ توحید کے دیپک فسردہ ہیں
جبینوں پر ریا وکبر کے فرمان جلتے ہیں

ہوس کی باریابی ھے خرد مندوں کی محفل میں
روپہلی ٹکلیوں کی اوٹ میں ایمان جلتے ہیں

حوادس ر قص فرما ہیں قیامت مسکراتی ھے
سنا ھے ناخدا کے نام سے طوفان جلتے ہیں

شگوفے جھولتے ہیں اس چمن میں بھوک کے جھولے
بہاروں میں نشیمن تو بہر عنوان جلتے ہیں

کہیں پازیب کی چھن چھن میں مجبوری تڑپتی ھے
ریا دم توڑ دیتی ھے ، سنہرے دان جلتے ہیں

مناؤ جشنِ مے نوشی، بکھیرو زلفِ مے خانہ
عبادت سے تو ساغر شیطان جلتے ہیں

 

عاصف صاحب بہت خوب۔
کیا بات ہے ساغر صدیقی کی شاعری کی

 

رقص کرنے کا ملا حکم جو دریاؤں میں
ہم نے خوش ہو کے بھنور باندھ لئے پاؤں میں

ان کو بھی ہے کسی بھیگے ہوئے منظر کی تلاش
بوند تک بو نہ سکے جو کبھی صحراؤں میں

اے میرے ہمسفرو تم بھی تھکے ہارے ہو
دھوپ کی تم تو ملاوٹ نہ کرو چھاؤں میں

جو بھی آتا ہے بتاتا ہے نیا کوئی علاج
بٹ نہ جائے تیرا بیمار مسیحاؤں میں

حوصلہ کس میں ہے یوسف کی خریداری کا
اب تو مہنگائی کے چرچے ہیں زلیخاؤں میں

جس براہمن نے کہا ہےکہ یہ سال اچھا ہے
اس کو دفناؤ میرے ہاتھ کی ریکھاؤں میں

وہ خدا ہے تو کسی ٹوٹے ہوئے دل میں ہوگا
مسجدوں میں اسے ڈھونڈؤ نہ کلیساؤں میں

ہم کو آپس میں محبت نہیں کرنے دیتے
اک یہی عیب ہے اس شہر کے داناؤں میں

مجھ سے کرتے ہیں قتیل اس لئے کچھ لوگ حسد
کیوں میرے شعر ہیں مقبول حسیناؤں میں



(قتیل شفائی)​

 

چلیں ساگراج بھائی، کسی بہانے تو آپ 'حسیناؤں' میں شامل ہوئے۔ :176:

 

چلیں ساگراج بھائی، کسی بہانے تو آپ 'حسیناؤں' میں شامل ہوئے۔ :176:[/quote:359ilb6t]
ارے یہ کیا کہہ دیا آپ نے۔
جہاں تک بات ہے حسین ہونے کی تو یہاں تک آپ کا حسنِ نظر واضح ہے۔ لیکن اس کے بعد جو آپ نے حرکت کی ہے اس سے تو یہ حسنِ ظن نہیں بلکہ حسن کے غائب ہونے کے بعد صرف زن ہی نظر آتا ہے۔ اس لئے معذرت
:201:
(مذاق کیا ہے پلیزز برا نہیں مانیئے گا)

 

چلیں ساگراج بھائی، کسی بہانے تو آپ 'حسیناؤں' میں شامل ہوئے۔ :176:[/quote:2mukw2w3]
ارے یہ کیا کہہ دیا آپ نے۔
جہاں تک بات ہے حسین ہونے کی تو یہاں تک آپ کا حسنِ نظر واضح ہے۔ لیکن اس کے بعد جو آپ نے حرکت کی ہے اس سے تو یہ حسنِ ظن نہیں بلکہ حسن کے غائب ہونے کے بعد صرف زن ہی نظر آتا ہے۔ اس لئے معذرت
:201:
(مذاق کیا ہے پلیزز برا نہیں مانیئے گا)[/quote:2mukw2w3]


:201: حضور آپ کھل ڈل کر مذاق کریں۔ انشاءاللہ برا منانے والی کوئی بات ہی نہیں (مطلب، جب تک سب باتیں 'ہماری اردو' کی روایات کے اندر رہیں۔ جو کہ آپ کی تو ہوتی ہی ہیں)۔

 

میں نے کہا کہ میرے لیے کچھ دعاکرو
اُس نے کہا دعا پہ نہ تکیہ کرو

میں نے کہا ذہن پہ رہتا ہے بوجھ سا
اُس نے کہا چھپ کے کہیں رولیا کرو

میں نے کہا “کام و دہن” بے مزا سے ہیں
اُس نے کہا حافظ و غالب کو پڑھا کرو

میں نے کہا دوست نبھائیں گے میرا ساتھ؟
اُس نے کہا کہ وقت پہ تجزیہ کرو

میں نے کہا کہ ڈوبتی جاتی ہے نبض وقت
اُس نے کہا کہ کوئی غزل ابتدا کرو

میں نے کہا کہ اصل کی مجھ کو تلاش ہے
اُس نے کہا کہ اپنا تعاقب کرو

میں نے کہا شعار زمانہ ہے سخت گیر
اُس نے کہا شعور سے ردِ بلا کرو

(قمر صدیقی)
ارضان کے بلاگ سے ماخوذ ​

 

بہت شکریہ۔

 

بہت خوب کاشفی صاحب۔

 

تو ہے گر مجھ سے خفا،خود سےخفا ہوں میں بھی
مجھ کو پہچان کہ تیری ہی ادا ہوں میں بھی

اک تجھ سے ہی نہیں فصلِ تمنا شاداب
وہی موسم ہوں وہی آب و ہوا ہوں میں بھی

ثبت ہوں دستِ خاموشی پہ حناء کی صورت
ناشنیدہ ہی سہی تیرا کہا ہوں میں بھی

چاند بن کر تیرے آنگن میں اتر ہی جاؤں
رات کے پچھلے پہر مانگی دعا ہوں میں بھی

یوں نہ مرجھا کہ مجھے خود پہ بھروسا نہ رہے
پچھلے موسم میں تیرے ساتھ کھلا ہوں میں بھی

جانے کس راہ چلوں کون سے رخ مڑ جاؤں
مجھ سے مت مل کہ زمانے کی ہوا ہوں میں بھی



(مظہر امام)​

 

خوب

 

پاس منزل کے پہنچ کر کوئی موڑا نہ کرے
آدھے رستے میں ہمیشہ مجھے چھوڑا نہ کرے

بھیک کی طرح وہ دیتا ہے رفاقت مجھ کو
اتنا احسان میری جان پہ تھوڑا نہ کرے

ٹوٹ کر چور اگر ہو گئی جڑنے کی نہیں
کوئی طعنوں سے انا کو مری پھوڑا نہ کرے

وہ حفاظت نہیں کرتا نہ کرے رہنے دو
زخم سے میرے مرا درد نچوڑا نہ کرے

برف لمحات میں تنہائی سے ڈر لگتا ہے
سرد لمحوں کو مری ذات میں جوڑا نہ کرے

چوڑیاں کر نہیں سکتی ہیں تشدد برداشت
جاتے جاتے وہ کلائی کو مروڑا نہ کرے

میں تیاگ آئی ہوں جس کے لئے سب کو نیناں
کم سے کم وہ تو مرے مان کو توڑا نہ کرے


(فرزانہ نیناں)

 

عائشہ جی بہت خوب
کیا بات ہے آپ کے انتخاب کی نیناں جی کی شاعری کی
:a180:

 

نئے دور کے نئے خواب ہیں نئے موسموں کے گلاب ہیں
یہ محبتوں کے چراغ ہیں انہیں نفرتوں کی ہوا نہ دے ​

بہت خوب محبوب خان بھائی ۔ اچھا کلام ہے ۔
پر یہ شعر بہت ہی عمدہ ہے :a180:

 

محبوب بھائی بہت خوبصورت کلام شئیر کرنے پر بہت شکریہ۔
محسن نقوی صاحب اور ڈاکٹر بشیر بدر صاحب دونوں کا کلام عمدہ ہے۔ بشیر بدر صاحب کی غزل تو میری پسندیدہ غزلوں میں سے ہے۔
آپ اچھا لکھتے ہیں، لکھتے رہیے گا۔

 

نذرانہ

تم پریشاں نہ ہو بابِ کرم وا نہ کرو
اور کچھ دیر پکاروں گا چلا جاؤں گا
اسی کوچے میں جہاں چاند اُگا کرتے ہیں
شبِ تاریک گزاروں گا چلا جاؤں گا

راستہ بھول گیا یا یہاں منزل ہے میری
کوئی لایا ہے یا خود آیا ہوں معلوم نہیں
کہتے ہیں حُسن کی نظریں بھی حسیں ہوتی ہیں
میں بھی کچھ لایا ہوں، کیا لایا ہوں معلوم نہیں

یوں تو جو کچھ تھا میرے پاس میں سب کچھ بیچ آیا
کہیں انعام ملا اور کہیں قیمت بھی نہیں
کچھ تمہارے لئے آنکھوں میں چھپا رکھا ہے
دیکھ لو اور نہ دیکھو تو شکایت بھی نہیں

ایک تو اتنی حسیں دوسری یہ آرائش
جو نظر پڑتی ہے چہرے پہ ٹھہر جاتی ہے
مسکرا دیتی ہو رسمآ بھی اگر محفل میں
اک دھنک ٹوٹ کے سینوں میں بکھر جاتی ہے

گرم بوسوں سے تراشا ہوا نازک پیکر
جس کی اک آنچ سے ہر روح پگھل جاتی ہے
میں نے سوچا ہے تو سب سوچتے ہوں گے شائید
پیاس اس طرح بھی کیا سانچے میں ڈھل جاتی ہے

کیا کمی ہے جو کرو گی میرا نذرانہ قبول
چاہنے والے بہت، چاہ کے افسانے بہت
ایک ہی رات سہی گرمیء ہنگامہءِ عشق
ایک ہی رات میں جل مرتے ہیں پروانے بہت

پھر بھی اک رات میں سو طرح کے موڑ آتے ہیں
کاش تم کو کبھی تنہائی کا احساس نہ ہو
کاش ایسا نہ گھیرے راہِ دنیا تم کو
اور اس طرح کہ جس طرح کوئی پاس نہ ہو

آج کی رات جو میری طرح تنہا ہے
میں کسی طرح گزاروں گا چلا جاؤں گا
تم پریشاں نہ ہو بابِ کرم وا نہ کرو
اور کچھ دیر پکاروں گا چلا جاؤں گا


(کیفی عظمی)

 

دل سےمت روٹھ میرے دیکھ منالے اس کو
کھو نہ جائےکہیں سینے سے لگا لے اس کو

وہ مسافر اسے منزل کی طرف جانا تھا
اس لئے کردیا رستےکے حوالے اس کو

مدتوں وجد میں رہتے ہوئے دیوانے کو
ہوش ایا ہے تو ہر بات سنا لے اس کو

کس لئےاب شب تاریک سےگھبراتی ہوں
خود ہی جب بخش دیئےسارےاجالےاس کو

کچھ ضروری تو نہں آپ کو سب کچھ مل جائے
جو ملے کیجیے دامن کے حوالے اس کو

نیلگوں جھیل میں ہے چاند کا سایہ لرزاں
موج ساکت بھی کوئی آئےسنبھالےاس کو

اپنےبےسمت بھٹکتے ہوئے نیناں کی قسم
کتنےخوش بخت ہیں سب دیکھنے والے اس کو

 

واہ کومل جی
بہت خوبصورت انتخاب ہے۔ :a180:

 

:a180:

 

واہ بھئی، بہت خوب۔ کمال کی روانی ہے اس غزل میں اور پیغامات بھی خوبصورت ہیں۔ بہت اچھا انتخاب ہے محبوب بھائی۔