اوکلاہوما میں بگولے سے تباہی

امریکی شہر اوکلاہوما سٹی کے مضافات میں آنے والے طوفانِ بادوباراں سے کم از کم 24 افراد ہلاک ہوگئے ہیں



بہ شکریہ بی بی سی اردو

 

امریکی محکمۂ موسمیات کا کہنا ہے کہ یہ طاقت کے لحاظ سے ای ایف 4 درجے کا بگولا تھا جو کہ فوجیتا سکیل پر دوسرا طاقتور ترین درجہ ہے۔

 

طوفانی بگولے سے سب سے زیادہ نقصان شہر کے جنوب میں مور نامی علاقے میں ہوا

 

بگولے کی زد میں آ کر درجنوں گاڑیاں اور ٹرک بھی تباہ ہو گئے۔ اس کے علاوہ ایک ریڈیو سٹیشن بھی بگولے کی لپیٹ میں آیا ہے۔

 

320 کلومیٹر فی گھنٹا کی رفتار سے چلنے والی ہواؤں نے محلے کے محلے تباہ کر دیے اور عمارتیں اکھاڑ کر رکھ دیں۔

 

علاقے کا پلازا ٹاورز ایلیمنٹری سکول طوفان کی براہِ راست زد میں آیا، جس نے سکول کی چھت اکھاڑ دی اور دیواریں گرا دیں اور یہاں متعدد بچے زخمی ہوئے

 

علاقے کے ایک اور سکول کو بھی نقصان پہنچا جہاں اساتذہ نے بچوں کو محفوظ جگہوں پر منتقل کیا

 

امدادی کارکن متاثرہ علاقے میں پھنسے افراد کو محفوظ مقامات پر منتقل کر رہے ہیں اور امریکی صدر نے اوکلاہوما کو بڑی تباہی سے متاثرہ علاقہ قرار دیا ہے

 

مور شہر ماضی میں بھی بگولوں کا نشانہ بن چکا ہے اور مئی 1999 میں یہاں آنے والے ایک طوفان کے دوران روئے زمین پر تیز ترین ہوائیں ریکارڈ کی گئی تھیں۔

 

اللہ تعالی سب کو محفوظ و مامون رکھیں۔۔۔۔
اور اوکلاہاما کے متاثڑین کی مشکلات کا ازالہ فرمائیں۔۔۔۔

 

فینی اور فاسٹ کام ناپائیدار ہوتا ہے مگر جدید دور کے تقاضے بھی نرالے ہیں۔۔۔۔۔۔۔۔۔۔
اللہ تعالی ہم سب کو کسی آزمائش میں نہ ڈالیں۔۔۔۔۔۔

 

اللہ تعالی سب کو محفوظ رکھیں۔۔۔۔