سوالیہ بیت بازی

جواب: سوالیہ بیت بازی

کب تک ابھی رہ دیکھیں اے قامتِ جانانہ
کب حشر معین ہے، تجھ کو تو خبر ہو گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مَیں نے سونپی تھی تجھے آخری پُونجی اپنی
چھوڑ آیا ہے مری ناؤ تہہِ آب کہاں؟

 

جواب: سوالیہ بیت بازی

جانے کب طوفان بنے اور رستہ رستہ بچھ جائے
بند بنا کر سو مت جانا ،دریا آ خر دریا ہے
۔۔۔۔۔۔۔۔۔۔۔۔۔۔۔۔۔۔۔۔۔
ناکام تمناؤں پہ محجوب سا اک دل
سرمایہء جاں یہ ہے تو پھر ناز کریں کیا

 

جواب: سوالیہ بیت بازی

تاروں سے سجا لیں گے رہِ شہرِ تمنّا
مقدور نہیں صبح، چلو شام ہی آئے
۔۔۔۔۔۔۔۔۔۔۔۔۔۔۔۔۔۔۔۔۔

گزرا ہے وقت گَر تو گزر کر کِدھر گیا
ساکن اگر رہا، تو کہاں پر سفر گیا؟

 

جواب: سوالیہ بیت بازی

وقتِ معلوم کی دہشت سے لرزتا ہوا دل
ڈوبا جاتا ہے کہ مہلت نہیں ملنے والی
۔۔۔۔۔۔۔۔۔۔۔۔۔۔۔۔۔۔
جانے کس پر ہو مہرباں قاتِل
بے سبب مرگِ ناگہاں کی طرح

 

جواب: سوالیہ بیت بازی

ایسے قاتل کو کوئی ہاتھ لگاتا ہے فراز
شکر کر شکر کہ وہ دشمنِ جاں خواب میں تھا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نویدِ جانفزاء ہے کیا خبر قاتل کے آنے کی
بتاؤ تو سہی تم داغؔ ایسے شادماں کیوں ہو؟

 

جواب: سوالیہ بیت بازی

مجھ کو بہلانے کی خاطر،میری تسکیں کے لیے
یہ خبر لوگ اڑاتے ہیں کہ وہ آتے ہیں
صبر کی تاب کہاں حسنِ جہاں تاب کہاں
لوگ اب ہوش سے جاتے ہیں کہ وہ آتے ہیں
۔۔۔۔۔۔۔۔۔۔۔۔۔۔۔۔۔۔
کھوج میں کس کی بھرا شہر لگا ہے امجد
ڈھونڈتی کس کو سرِ دشت ہوا ہے کب سے

 

جواب: سوالیہ بیت بازی

تم جس کو ڈھونڈتے ہو، وہ ملتا بھی ہے کہیں
ہے بھی کسی مقام پہ، رہتا بھی ہے کہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہے کون دونوں میں ظاہر، ہے کون پردے میں
چھپا ہوا ہے جو نظروں سے دام، تُو ہے کہ میں

 

جواب: سوالیہ بیت بازی

تم جس کو ڈھونڈتے ہو، وہ ملتا بھی ہے کہیں
ہے بھی کسی مقام پہ، رہتا بھی ہے کہیں

۔۔۔۔۔۔۔۔۔۔۔۔۔۔۔۔۔

ہے کون دونوں میں ظاہر، ہے کون پردے میں
چھپا ہوا ہے جو نظروں سے دام، تُو ہے کہ میں

 

جواب: سوالیہ بیت بازی

دلِ ناداں تجھے ہوا کیا ہے؟
آخر اس درد کی دوا کیا ہے؟

 

جواب: سوالیہ بیت بازی

ہے جلوہ گاہ تیرا ،کیا غیب کیا شہادت
یاں بھی شہود تیرا واں بھی شہود تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کیوں آ کے ہر اک شخص میرے زخم کریدے
کیوں میں بھی ہر اک شخص کو حال اپنا سناؤں؟

 

جواب: سوالیہ بیت بازی

درد ہی خود ہے خود دوا ہے عشق
شیخ کیا جانے تُو کہ کیا ہے عشق

چھوٹا غالب جی خوش آمدید۔۔۔اس لڑی میں پہلے پچھلے سوالیہ شعر کا جواب لکھیے اور پھر اپنا سوالیہ شعر لکھیں۔

 

جواب: سوالیہ بیت بازی

ایسے سادہ دل لوگوں کی چارہ گری کیسے ہو
درد کا درماں اور کوئی ہو، کہنا حال کسی سے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وہ نظر تیرے کرم کی، میرے ساقیا کِدھر ہے؟
جو لبوں تک آ چکے تھے، وہی جام بجھ گئے ہیں

 

جواب: سوالیہ بیت بازی

وہ تو جاں‌لے کے بھی ویسا ہی سُبک نام رہا
عشق کے باب میں سب جرم ہمارے نکلے
۔۔۔۔۔۔۔۔۔۔۔۔۔۔۔
کسی کو اپنے عمل کا حساب کیا دیتے
سوال سارے غلط تھے جواب کیا دیتے

 

جواب: سوالیہ بیت بازی

سوال ایک تھا، لیکن مِلے جواب بہت
پڑھی ہے میں نے محبت کی یہ کتاب بہت
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تمھاری آنکھوں میں چھلکیں ندامتیں کیسے
جواب بننے لگا تھا سوال کیا اُس کا

 

جواب: سوالیہ بیت بازی

ایسا نہ ہوکہیں تجھے لاجواب کردوں میں
کچھ سوال رہنے دے، کچھ جواب رہنے دے
۔۔۔۔۔۔۔۔۔۔۔۔۔۔۔۔۔۔۔۔
کہیں کیا جو پوچھے کوئی ہم سے میر
جہاں میں تم آئے تھے کیا کر چلے

 

جواب: سوالیہ بیت بازی

اس جہاں میں آکے ہم کیا کر چلے
بارِ عصیاں سر پہ اپنے دھر چلے
۔۔۔۔۔۔۔۔۔۔۔۔۔۔۔۔۔۔۔۔۔

نہیں ہے کچھ بھی میرے ذہن میں سوا اُسکے
میں اُس کی یاد بھلا دوں، تو یاد کیا رکھوں؟

 

جواب: سوالیہ بیت بازی

کیوں اٹا ہوا ہے غبار میں ، غمِ زندگی کے فشار میں
وہ جو درج تھا ترے بخت میں ، سو وہ ہو گیا ، اسے بھول جا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انہی خوش گمانیوں میں کہیں جاں سے بھی نہ جاؤ
وہ جو چارہ گر نہیں ہے اسے زخم کیوں دکھاؤ

 

جواب: سوالیہ بیت بازی

میرا غم نہ کر میرے چارہ گر! تیری چارہ جوئی بجا، مگر
میرا درد ہے میری زندگی، مجھے دردِ دل کی دوا نہ دے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کہاں سے سیکھ لئے اہلِ درد کے انداز؟
صدائیں دینے لگے ہو قضا کے لہجے میں

 

جواب: سوالیہ بیت بازی

ابھی تو پر بھی نہیں تولتا اڑان کو میں
بلا جواز کھٹکتا ہوں آسمان کو میں
۔۔۔۔۔۔۔۔۔۔۔۔۔۔۔۔۔۔۔
بے فیض رہبروں سے مرتّب جو ہو چلی
احوال کی وہ شکل، گوارا ہمیں ہو کیوں

 

جواب: سوالیہ بیت بازی

خدا کا نام کوئی لے تو چونک اٹھتے ہیں
ملے ہیں ہم کو وہ رہبر خدا کے رَستے میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یہ بھی دیکھو کہ کہاں کون بلاتا ہے تمھیں
محضرِ شوق پڑھو، محضرِ سرکار پہ خاک

 

جواب: سوالیہ بیت بازی

ایسا نہ ہو کبھی کہ پلٹ کر نہ آ سکوں
ہر بار دور جا کے صدائیں مجھے نہ دو
۔۔۔۔۔۔۔۔۔۔۔۔۔۔۔۔
توڑا ہے کس نے نوکِ سناں پر سکوتِ صبر
لب بستگی کو تابِ سخن کون دے گیا؟

 

جواب: سوالیہ بیت بازی

کیا نہیں شوقِ شہادت کو یہ کافی اعزاز
کہ مرا سَر ہے ترے نوکِ سناں کی رونق
۔۔۔۔۔۔۔۔۔۔۔۔۔۔۔۔۔۔۔۔

نبیؐ کے دِیں کو تمنّا تھی سرفرازی کی
حسینؓ سر نہ کٹاتے تو اور کیا کرتے؟

 

جواب: سوالیہ بیت بازی

آلِ نبیؐ کا کام تھا، آلِ نبیؐ ہی کر گئے
کوئی نہ لکھ سکا ادیبؔ، ایسی کتاب ریت پر
۔۔۔۔۔۔۔۔۔۔۔۔۔۔۔۔۔۔
کسے نذر دیں دل و جاں بہم کہ نہیں وہ کاکُلِ خم بہ خم
کِسے ہر نفس کا حساب دیں کہ شمیمِ یار بھی اب نہیں

 

جواب: سوالیہ بیت بازی

اِنشاؔ جی کیا عُذر ہے تم کو نقد دل و جاں نذر کرو
رُوپ نگر کے ناکے پر، یہ لگتا ہے محصُول میاں
۔۔۔۔۔۔۔۔۔۔۔۔۔۔۔۔۔۔۔۔۔

گروہِ دل زدگاں، ایسی بے کلی بھی کیا
کہ آہ و گِریہ سرِ عام تھوڑی ہوتا ہے

 

جواب: سوالیہ بیت بازی

روپڑا ہوں تو کوئی بات ہی ایسی ہوگی
میں کہ واقف تھا تیرے ہجر کے آداب سے بھی
۔۔۔۔۔۔۔۔۔۔۔۔۔۔۔۔۔۔۔
غزل گوئی نشاطِ جاں ہے لیکن
ادب کا احترامِ فن کہاں ہے؟

 

جواب: سوالیہ بیت بازی

اک تغافل سے اک توجہ تک
عشق آنسو بھی ہے تبسم بھی
۔۔۔۔۔۔۔۔۔۔۔۔۔۔۔۔۔۔۔
سمجھ میں ہی نہیں ‌آتی ہے کوئی بات ذوقؔ اُس کی
کوئی جانے تو کیا جانے کوئی سمجھے تو کیا سمجھے؟

 

جواب: سوالیہ بیت بازی

کوئی کیا سمجھے میں خود بھی اُس کو سمجھ نہ پایا
وہ بات کرتی ہے مُجھ سے اکثر پہلیوں میں
۔۔۔۔۔۔۔۔۔۔۔۔۔۔۔۔۔۔۔۔۔

وہ جھوٹ بول رہا تھا بہت سلیقے سے
میں اعتبار نہ کرتا تو اور کیا کرتا

 

جواب: سوالیہ بیت بازی

جادو ہے یا طلسم تمہاری زبان میں
تم جھوٹ کہہ رہےتھے مجھے اعتبار تھا
۔۔۔۔۔۔۔۔۔۔۔۔۔۔۔۔۔۔
شمع مزار تھی نہ کوئی سوگوار تھا
تم جس پہ رو رہے تھےوہ کس کا مزار تھا؟

 

جواب: سوالیہ بیت بازی

مزار یار پہ آئے گھونگٹ الٹا کر بولے
اب تو بے پردہ ہیں کیا رخ نہ دیکھو گے؟
​