غزل کہتے ہیں

جواب: غزل کہتے ہیں

جذبہ ایمان – (طرحی غزل)​

* * *​

جذبہ ایمان کا سینے میں اگر ہوتا ہے
وقت اوروں کی بھلائی میں بسر ہوتا ہے​

یہ جو ہر ذرے میں پوشیدہ شرر ہوتا ہے
اس سے آ گاہ فقط اہل نظر ہوتا ہے​

ہر بشر کیلئے ممکن نہیں انساں ہونا
یوں تو دنیا میں ہر انسان بشر ہوتا ہے​

تیری قدرت ہے فقط ورنہ یہ آب نیساں
"سیپ کی کوکھ میں پل کر ہی گہر ہوتا ہے"​

ذہن پر فہم و فراست کے مطابق ہی سدا
صاحب علم کی صحبت کا اثر ہوتا ہے​

رنج کے بعد خوشی آتی ہے ایسے جیسے
شب کے پردے سے عیاں نور سحر ہوتا ہے​

جھوٹ پھر جھوٹ ہے مٹنا ہے مقدر اس کا
سچ کا آخر میں مگر میٹھا ثمر ہوتا ہے​

خوب جی بھر کے لہو دل کا پلاتا ہوں اسے
یوں توانا مری الفت کا شجر ہوتا ہے​

میری غزلوں میں وہ نام آتا ہے ایسے غوری
جلوہ گر جیسے ستاروں میں قمر ہوتا ہے​

- - - - - - - - - - - ​

 

جواب: غزل کہتے ہیں

عمر گزری تویہ خیال آیا
خس وخاشاک جان کر مجھ کو
کتنے دکھ تھے کہاں سنبھال آیا
موجۂ غم کہاں اچھال آیا
اس سے پہلے کہ خاک ھوجاتا
پھرکریداھےزخم دل میں نے
میں زمانےپہ خاک ڈال آیا
جس گھڑی وقت اندمال آیا
سنگ تھاتوکوئی دراڑ نہ تھی
کاٹ لیں سب نے انگلیاں اپنی
آئینہ بن گیاتو بال آیا
سامنے جب وہ خوش جمال آیا
ایک لمحے نے روک رکھاھے
اس محبت کے سنگ زاروں سے
سالہاسال سے نہ سال آیا
ھرکوئی ھوکے پائمال آیا
درمیاں ٹھیک ہی گزرتی تھی
پھرمراواردیکھناباقی
جب عروج آیاتب زوال آیا
میری غیرت کاجب سوال آیا

 

جواب: غزل کہتے ہیں

ہم اہلِ جبر کے نام و نسب سے واقف ہیں
سروں کی فصل جب سے اُتری تھی تب سے واقف ہیں

کبھی چھپے ہوئے خنجر، کبھی کھچی ہوئی تیغ
سپاہِ ظلم کہ ایک ایک ڈھب سے واقف ہیں

ہے رات یوں ہی تو دشمن نہیں ہماری کہ ہم
درازئ شبِ غم کے سبب سے واقف ہیں

وہ جن کی دستخطیں محضر ستم پہ ہیں ثبت
ہر اُس ادیب، ہر اُس بےادب سے واقف ہیں

نظر میں رکھتے ہیں عصرِ بلند یامئی مہر
فراتِ جبر کے ہر تشنہ لب سے واقف ہیں

کوئی نئی تو نہیں حرفِ حق کی تنہائی
جو جانتے ہیں وہ اس اَمر رب سے واقف ہیں

افتخار عارف​

 

جواب: غزل کہتے ہیں

اے جذبہء دل گر میں چاہوں ہر چیز مقابل آجائے
منزل کے لئے دو گام چلوں اور سامنے منزل آ جائے

اے دل کی خلش چل یونہی سہی چلتا تو ہوں ان کی محفل میں
اس وقت مجھے چونکا دینا جب رنگ پہ محفل آجائے

اے رہبرِکامل چلنے کو تیار تو ہوں پر یاد رہے
اس وقت مجھے بھٹکا دینا جب سامنے منزل آجائے

ہاں یاد مجھے تم کر لینا آواز مجھے تم دے لینا
اس راہ محبت میں کوئی درپیش جو مشکل آجائے

اب کیوں ڈھونڈوں وہ چشمِ کرم، ہونے دے ستم بالائے ستم
میں چاہتا ہوں اے جذبہء غم مشکل پہ مشکل آجائے ​

سردار حسین بھزاد

 

جواب: غزل کہتے ہیں

اجڑے ہوئے لوگوں سے گریزاں نہ ہوا کر
حالات کی قبروں کے یہ کتبے بھی پڑھا کر

کیا جانیئے کیوں تیز ہوا سوچ میں گم ہے ؟
خوابیدہ پرندوں کو درختوں سے اڑا کر

اس شخص کے تم سے بھی مراسم ہیں تو ہونگے
وہ جھوٹ نہ بولے گا میرے سامنے آ کر

اب دستکیں دے گا تو کہاں اے غمِ احباب
میں نے تو کہا تھا کہ مرے دل میں رہا کر

ہر وقت کا ہنسنا تجھے برباد نہ کر دے
تنہائی کے لمحوں میں کبھی رو بھی لیا کر

وہ آج بھی صدیوں کی مسافت پہ کھڑا ہے
ڈھونڈا تھا جسے وقت کی دیوار گرا کر

اس شب کے مقدر میں سھر ہی نہیں محسن
دیکھا ہے کئی بار چراغوں کو بجھا کر

محسن نقوی

 

جواب: غزل کہتے ہیں

تسکین نہ ہو جس سے وہ راز بدل ڈالو
جو راز نہ رکھ پائے، ہمراز بدل ڈالو

تم نے بھی سُنی ہو گی بڑی عام کہاوت ہے
انجام کا جو ہو خطرہ ، آغاز بدل ڈالو

پُرسوز دِلوں کو جو مسکان نہ دے پائے
سُر ہی نہ مِلے جس ساز میں ، وہ ساز بدل ڈالو

دشمن کے ارادوں کو ہے ظاہر اگر کرنا
تم کھیل وہی کھیلو ، انداز بدل ڈالو

اے دوست کرو ہمت کچھ دُور سویرا ہے
اگر چاہتے ہو منزل ، تو پرواز بدل ڈالو

علامہ اقبال​

 

جواب: غزل کہتے ہیں

مرے دل کی راکھ کرید مت اسے مسکرا کے ہوا نہ دے
یہ چراغ پھر بھی چراغ ہے کہیں تیرا ہاتھ جلا نہ دے

نئے دور کے نئے خواب ہیں نئے موسموں کے گلاب ہیں
یہ محبتوں کے چراغ ہیں انہیں نفرتوں کی ہوا نہ دے

ذرا دیکھ چاند کی پتیوں نے بکھر بکھر کے تمام شب
ترا نام لکھا ہے ریت پر کوئی لہر آ کے مٹا نہ دے

میں اداسیاں نہ سجا سکوں کبھی جسم و جاں کے مزار پر
نہ دیئے جلیں مری آنکھ میں مجھے اتنی سخت سزا نہ دے

مرے ساتھ چلنے کے شوق میں بڑی دھوپ سر پہ اٹھائے گا
ترا ناک نقشہ ہے موم کا کہیں غم کی آگ گھلا نہ دے

میں غزل کی شبنمی آنکھ سے یہ دکھوں کے پھول چنا کروں
مری سلطنت مرا فن رہے مجھے تاج و تخت خدا نہ دے

بشیر بدر
​

 

جواب: غزل کہتے ہیں

موسم بھی نہیں غم کا مگر ٹوٹ رہا ہے
کس حبس میں آنکھوں سے ثمر ٹوٹ رہا ہے

جیسے کسی ٹہنی پر لرزتے ہوئے پتے
اے موسم ہجراں میرا گھر ٹوٹ رہا ہے

سہمے ہوئے نکلے ہیں پرندے بھی میرے ساتھ
آندھی سے میرے گھر کا شجر ٹوٹ رہا ہے

یہ خون کے قطرے میرے چلنے کا صلہ ہیں
یا پاؤں سے چپکا ہوا در ٹوٹ رہا ہے

میں خواب کی سرحد پر کھڑا دیکھ رہا ہوں
مجھ جیسا کوئی شخص ادھر ٹوٹ رہا ہے

نکلے ہیں جنازوں کی طرح لفظ قلم سے
تخلیق کے پردے میں ہنر ٹوٹ رہا ہے

اک جلتی ہوئی کشتی سمندر میں رکی ہے
موجوں میں تذبذب ہے، بھنور ٹوٹ رہا ہے

یہ خواب قبیلہ کہیں آنکھوں سے نہ بہ جائے
ساحل سا پس دیدہ تر ٹوٹ رہا ہے​

 

جواب: غزل کہتے ہیں

غزل
جگرمُرادآبادی

اک لفظِ محبت کا ادنیٰ یہ فسانہ ہے
سمٹے تو دلِ عاشق، پھیلے تو زمانہ ہے

یہ کِس کا تصوّر ہے، یہ کِس کا فسانہ ہے؟
جو اشک ہے آنکھوں میں، تسبیح کا دانہ ہے

دل سنگِ ملامت کا ہرچند نشانہ ہے
دل پھر بھی مرا دل ہے، دل ہی تو زمانہ ہے

ہم عشق کے ماروں کا اتنا ہی فسانہ ہے
رونے کو نہیں کوئی، ہنسنے کو زمانہ ہے

وہ اور وفا دشمن، مانیں گے نہ مانا ہے
سب دل کی شرارت ہے، آنکھوں کا بہانہ ہے

شاعرہوں میں شاعر ہوں، میرا ہی زمانہ ہے
فطرت مرا آئینہ، قدرت مرا شانہ ہے

جو اُن پہ گزرتی ہے، کس نے اُسے جانا ہے؟
اپنی ہی مصیبت ہے، اپنا ہی فسانہ ہے

آغازِ محبت ہے، آنا ہے نہ جانا ہے
اشکوں کی حکومت ہے، آہوں کا زمانہ ہے

آنکھوں میں نمی سی ہے چُپ چُپ سے وہ بیٹھے ہیں
نازک سی نگاہوں میں نازک سا فسانہ ہے

ہم درد بدل نالاں، وہ دست بدل حیراں
اے عشق تو کیا ظالم، تیرا ہی زمانہ ہے

یا وہ تھے خفا ہم سے یا ہم ہیں خفا اُن سے
کل اُن کا زمانہ تھا، آج اپنا زمانہ ہے

اے عشق جنوں پیشہ! ہاں عشق جنوں پیشہ
آج ایک ستمگر کو ہنس ہنس کے رُلانا ہے

تھوڑی سی اجازت بھی، اے بزم گہہ ہستی
آ نکلے ہیں، دم بھ کو رونا ہے، رُلانا ہے

یہ عشق نہیں آساں، اتنا ہی سمجھ لیجئے
اک آگ کا دریا ہے اور ڈوب کے جانا ہے

خود حسن وشباب ان کا کیا کم ہے رقیب اپنا
جب دیکھئے، تب وہ ہیں، آئینہ ہے، شانا ہے

ہم عشقِ مجسّم ہیں، لب تشنہ ومستسقی
دریا سے طلب کیسی، دریا کو رُلانا ہے

تصویر کے دو رُخ ہیں جاں اور غمِ جاناں
اک نقش چھپانا ہے، اک نقش دِکھانا ہے

یہ حُسن وجمال اُن کا، یہ عشق وشباب اپنا
جینے کی تمنّا ہے، مرنے کا زمانہ ہے

مجھ کو اسی دُھن میں ہے ہر لحظہ بسر کرنا
اب آئے، وہ اب آئے، لازم اُنہیں آنا ہے

خوداری و محرومی، محرومی و خوداری
اب دل کو خدا رکھے، اب دل کا زمانہ ہے

اشکوں کے تبسّم میں، آہوں کے ترنّم میں
معصوم محبت کا معصوم فسانہ ہے

آنسو تو بہت سے ہیں آنکھوں میں جگر لیکن
بندھ جائے سو موتی ہے، رہ جائے سو دانا ہے

جگرمرادآبادی

​