نذرانہء عقیدت بحضور نبی آخرالزماں حضرت محمد صلی اللہ علیہ وسلم

تو کجا من کجا

تو امیر حرم میں فقیر عجم
تیرے گُن اور یہ لب
میں طلب ہی طلب
تو عطاء ہی عطاء
تو کجا من کجا

تو عبد آفریں میں ہوں دو چار پل
تو یقیں میں گماں میں سخن تو عمل
تو ہے معصومیت میں نری معصیت
تو کرم میں خطاء
تو کجا من کجا

تو ہے اہرام انوار باندھے ہوئے
میں درودوں کی دستار باندھے ہوئے
کعبہء عشق تو میں تیرے چار سُو
تو اثر میں دعا
تو کجا من کجا

تو حقیقت ہے میں صرف احساس ہوں
تو سمندر میں بھٹکی ہوئی پیاس ہوں
میرا گھر خاک پر اور تیری رہگزر سدرۃ المنتہا
تو کجا من کجا

میرا ہر سانس تو خون نچوڑے میرا
تیری رحمت مگر دل نہ توڑے میرا
کاسہء ذات ہوں تیری خیرات ہوں
تو سخی میں گدا
تو کجا من کجا

ڈگمگاؤں جو حالات کے سامنے
آئے تیرا تصور مجھے تھامنے
میری خوش قسمتی میں تیرا امتی
تو جزا میں رضا
تو کجا من کجا

میرا ملبوس ہے پردہ پوشی تیری
مجھ کو تاب سخن دے خموشی تیری
تو جلی میں خفی تو اٹل میں نفی
تو صلہ میں گلہ
تو کجا من کجا

دوریاں سامنے سے جو ہٹنے لگیں
جالیوں سے نگاہیں لپٹنے لگیں
آنسوؤں کی زباں ہو میری ترجماں
دل سے نکلے صدا
تو کجا من کجا

تو امیر حرم میں فقیر عجم
تیرے گُن اور یہ لب
میں طلب ہی طلب
تو عطاء ہی عطاء
تو کجا من کجا

شاعر: مظفر وارثی​

 

جواب: نذرانہء عقیدت بحضور نبی آخرالزماں حضرت محمد صلی اللہ علیہ وسلم

سبحان اللہ ۔
صلی اللہ علی سیدنا ومولانا محمد وعلیٰ آلہ وصحبہ وبارک وسلم

 

جواب: نذرانہء عقیدت بحضور نبی آخرالزماں حضرت محمد صلی اللہ علیہ وسلم

خوبصورت انداز تکلم، دھیمہ اظہار عقیدت اور عمدہ انتخاب۔
ایسی محبت رسول ہم سب کے حصے میں آئے۔ آمین

دوریاں سامنے سے جو ہٹنے لگیں
جالیوں سے نگاہیں لپٹنے لگیں
آنسوؤں کی زباں ہو میری ترجماں
دل سے نکلے صدا
تو کجا من کجا


جزاک اللہ۔

 

جواب: نذرانہء عقیدت بحضور نبی آخرالزماں حضرت محمد صلی اللہ علیہ وسلم

جزاک اللہ ۔۔۔۔۔

 

جواب: نذرانہء عقیدت بحضور نبی آخرالزماں حضرت محمد صلی اللہ علیہ وسلم

سبحان اللہ ۔ ہزار بار بھی پڑھیں اور ہزار بار بھی سنیں تو دل نہیں‌بھرتا۔ اللہ کریم مظفر وارثی صاحب پر اپنی رحمت فرمائے اور ان کی کامل بخشش ومغفرت فرمائے امین۔
صلی اللہ علی سیدنا ومولانا محمد وعلیٰ آلہ وصحبہ وبارک وسلم