یہ دل کا نگر ہے کہ مدینے کی فضا ہے

الہام کی رم جھم کہیں بخشش کی گھٹا ہے
یہ دل کا نگر ہے کہ مدینے کی فضا ہے

آیات کے جھرمٹ میں تیرے نام کی مسند
لفظوں کی انگوٹھی میں نگینہ سا جڑا ہے

سانسوں میں مہکتی ہیں مناجات کی کلیاں
ہر دل کے کٹورے پہ تیرا نام لکھا ہے

ہیں تیرے خدو خال سے خیرہ مہ و انجم
یا دھوپ نے سایہ تیرا خود اوڑھ لیاہے

کیا رات نے پہنی ہے ملاحت تیری تن پر
یا دن تیرے اندازِ صباحت پہ گیا ہے

سورج کو ابھرنے نہیں دیتا تیرا حبشی
بے ذر کو ابوذر تیری بخشش نے کیا ہے

قرآں نے قسم کھائی ہے اس شہرِ اماں کی
جس شہر کی گلیوں میں تیرا تلوہ لگا ہے

اک بار تیرے نقشِ قدم چوم لیا تھا
اب تک یہ فلک شکر کے سجدے میں جھکا ہے

ثقلین کی قسمت تیری دہلیز کا صدقہ
عالم کا مقدر تیرے ہاتھوں پہ لکھا ہے

خورشید تیری راہ میں بھٹکتا ہوا جگنو
والعصر تیری نیم نگاہی کی ادا ہے

اب اور بیاں کیا ہو کسی سے تیری مدحت
یہ کم تو نہیں تیرا ثناخوان خدا ہے

اے گنبدِ خضریٰ کے مکیں میری مدد کر
یا پھر یہ بتا کون میرا تیرے سوا ہے

بخشش تیری آنکھوں کی طرف دیکھ رہی ہے
محسن تیرے دربار میں چپ چاپ کھڑا ہے​

 

سبحان اللہ۔ ایک ایک شعر سے عقیدتِ رسول :saw: کی انتہا جھلکتی ہے۔ :mashallah:

 

کیا عمدہ لکھا ہے، سبحان اللہ

تصحیح کرلیں ،ملاہت نہیں بلکہ ملاحت ہوتا ہے۔
کیا رات نے پہنی ہے ملاحت تیری تن پر
یا دن تیرے اندازِ صباحت پہ گیا ہے

 

شکریہ ۔ راجا نعیم بھائی ۔

 

سبحان اللہ۔ ہر شعر کی جتنی بھی تعریف کی جائے ، کم ہے۔
بہت خوبصورت نعت شریف ہے۔

 

جزاک اللہ سبحان اللہ
صلی اللہ علیہ وسلم

اے گنبدِ خضریٰ کے مکیں میری مدد کر
یا پھر یہ بتا کون میرا تیرے سوا ہے

بخشش تیری آنکھوں کی طرف دیکھ رہی ہے
محسن تیرے دربار میں چپ چاپ کھڑا ہے