کاش میں تیرے بن گوش کا بندا ہوتا رات کو بے خبری میں جو مچل جاتامیں تو ترے کان سے چپ چاپ نکل جاتا میں صبح کو گرتے تری زلفوں سے جب باسی پھول میرے کھو جانے پہ ہوتا ترا دل کتنا ملول تو مجھے ڈھونڈتی کس شوق سے گھبراہٹ میں اپنے مہکے ہوئے بستر کی ہر اک سلوٹ میں جونہی کرتیں تری نرم انگلیاں محسوس مجھے ملتا اس گوش کا پھر گوشہ مانوس مجھے کان سے تو مجھے ہر گز نہ اتارا کرتی تو کبھی میری جدائی نہ گوارا کرتی یوں تری قربت رنگیں کے نشے میں مدہوش عمر بھر رہتا مری جاں میں ترا حلقہ بگوش کاش میں تیرے بن گوش کا بندا ہوتا!
جواب: بُندہ مجید امجد کا ایک خوبصورت کلام! جسے وصی شاہ نے کنگن کے عنوان سے چربہ لگایا ہے۔ شکریہ ھارون بھائی!
جواب: بُندہ السلام علیکم بہت شکریہ محترم، ہم پہلا مصرع پڑھ کر اسکرین بند کرنے والے تھے کیوںکہ وصی شاہ یا اس کے اسٹائل کی نظم پڑھ کر سر پیٹنے کا دل کرتا (غصہ سے)۔۔۔۔ لیکن پھر سوچا ہارون بھائی کی پوسٹ ہے پڑھ لیتے۔۔۔۔۔ تو انکشاف ہوا کہ یہ تو مجید امجد کا کلام ہے اور شاہ صاحب نے نقل ماری ہوئی۔۔۔۔ اس معلومات کا زیادہ شکریہ۔۔۔خوش رہیں
