چج دے دوہڑے

تسی وی چنگے چنگے دوہڑے پوسٹ کرو

 

جواب: چج دے دوہڑے

کچی تندوں نال جے ہُٹھ بنئے چن کے تائیں راہندیاں تگیاں
کم ضرف نوں سجن بناں بیٹھاں تائیں توڑ نہ چڑھیاں لگیاں
جہڑے ہائے تعریف دا پُل بَندے اج اوہا کریندن بھگیاں
سائیں حیدر ازل توں سادے ہاسے تاہیں لوگ کریندن ٹھگیاں

 

جواب: چج دے دوہڑے

اِنجیں تھک پئے او میری غُربت توں بھئ وال تاں ماڑے ناسے
گھاٹے سہ کے تیری لج رکھی ، لجپال تاں ماڑے ناسے
تیری اودر کر غمگیں گئی ایڈے حال تاں ماڑے ناسے
لوکاں کان تاں کملے جیئوجئے سہی تیرے نال تاں ماڑے ناسے

 

جواب: چج دے دوہڑے

ساڈا خون حیات وفا دار آ تیرے عیب کجیندے وَتے آں
تیرے دل جئے میلے برتن نوں اکیھں نال منجیندے وَتے آں
طوئیں جھہڑے جھہڑے پاسے اُنگل بھنوائی اوھا سجن سٹیندے وتے آں
طوئیں‌انج سانھ ڈھائے تے چاء کے سٹیا ہتھ سجن ملیندے وتے آں​

 

جواب: چج دے دوہڑے

انتالی گنڈھاں کھولیاں سب سیاں رل کے
عنایت سیج تے آوسی ہن میں ول بھلکے
چوڑابانہیں سردھڑی ہتھ سوہے گنگنا
رنگن چڑھی شوہ وصل دی میں تن من رنگنا


بلھے شاہ (رحمۃ اللہ علیہ)

 

جواب: چج دے دوہڑے

انج دا نقطہ دسیا اوہنے عقلاں دی مت ماری گئ اے
جو سُنیا نئ پلے پییاں جو آکھی اوہ یاد نہ رہی اے
سو گلاں دی اکو گل اے جہڑی ساڈے پلے پئ اے
صورت جس پکا لئ حیدر اوہا جان سوہاگن تھئ اے

 

جواب: چج دے دوہڑے

سانوں کلیاں چھڈ پردیس گیوئیں طوئیں عشق نوں لائیاں لیکاں
تارے عرش تے ڈانواں ڈول ہوگئے سُن میں بے وس دیاں ڈیکاں
ہتھ رکھ کے ڈُبدیاں نبظاں تے کیتے ترس پئے ڈھیر شریکاں
لا وارس سمجھیا سائیں حیدر تیرے شہر دیاں وسنیکاں