سوالیہ بیت بازی

جواب: سوالیہ بیت بازی

اب کسے ساحِل اُمید سے تکتا ہے فراز
وہ جو ایک کشتی دل تھی اسے غرقاب سمجھ
۔۔۔۔۔۔۔۔۔۔۔۔۔۔
ہر کوئی ہے دل کی ہتھیلی پہ صحرا رکھے
کسے وہ سیراب کرے کس کو پیاسا رکھے؟

 

جواب: سوالیہ بیت بازی

تم پریشاں نہ ہو بابِ کرم وا نہ کرو
اور کچھ دیر پکاروں گا چلا جاؤں گا
اسی کوچے میں جہاں چاند اُگا کرتے ہیں
شبِ تاریک گزاروں گا چلا جاؤں گا
۔۔۔۔۔۔۔۔۔۔۔۔۔۔۔۔۔
خواب تھا ، یا خیال تھا ، کیا تھا ؟
ہجر تھا ، یا وصال تھا ، کیا تھا ؟

 

جواب: سوالیہ بیت بازی

اس کے بغیر آج بہت جی اداس ہے
جالب چلو کہیں سے اسے ڈھونڈ لائیں ہم
۔۔۔۔۔۔۔۔۔۔۔۔
شرح غم کیسے کریں لطف بیاں کیسے ہو؟
اپنے لہجے میں ترے منہ کی زباں کیسے ہو؟

 

جواب: سوالیہ بیت بازی

موسم تھا بے قرار تمھیں سوچتے رہے
کل شام بار بار تمھیں سوچتے رہے
بارش ہوئی تو گھر کے دریچے سے لگ کے ہم
چپ چاپ سوگوار تمھیں سوچتے رہے
۔۔۔۔۔۔۔۔۔۔۔۔۔۔
طرب زادوں پہ کیا بیتی،صنم خانوں پہ کیا گزری؟
دلِ زندہ! ترے مرحوم ارمانوں پہ کیا گزری؟

 

جواب: سوالیہ بیت بازی

شرحِ فراق، مدحِ لبِ مشکبو کریں
غربت کدے میں کس سے تری گفتگو کریں
کب تک سنے گی رات، کہاں تک سنائیں ہم
شکوے گِلے سب آج ترے رُو بُرو کریں
۔۔۔۔۔۔۔۔۔۔۔۔۔۔
تاریخ نے پسپائی میرے نام لکھی ہے
پسپائی ہوئی کس کے سبب کون پڑھے گا؟

 

جواب: سوالیہ بیت بازی

ساغر ساغر پیاس کے شعلے مرہم مرہم زخم کی آنچ
ہم جیسے معصوموں سے بھی کر گئے دنیا داری لوگ
۔۔۔۔۔۔۔۔۔
یہ منظر کون سا منظر ہے پہچانا نہیں جاتا
مہ خانوں سے کچھ پوچھو شبستانوں پہ کیا گزری؟

 

جواب: سوالیہ بیت بازی

شاید قریب پہنچی صبحِ وصالِ ہمدم
موجِ صبا لیے ہے خوشبوئے خوش کناراں
ہے اپنی کشتِ ویراں، سرسبز اس یقیں سے
آئیں گے اس طرف بھی اک روز ابرو باراں
۔۔۔۔۔۔۔۔۔۔
وہ بھی کیا دن تھے کہ ہر وہم یقیں ہوتا تھا
اب حقیقت نظر آئے تو اسے کیا سمجھوں؟

 

جواب: سوالیہ بیت بازی

حُسن ھر بار شرارت میں پہل کرتا ہیے
بات بڑھتی ہیے تو پھر عشق کے َسر ہوتی ہیے

 

جواب: سوالیہ بیت بازی

جانے والے کو نہ روکا کہ بھرم رہ جائے
میری آواز پہ کب اس نے ٹھہر جانا تھا
۔۔۔۔۔۔۔۔۔
تم آسکو تو شب کو بڑھا دوں کچھ اور بھی
اپنے کہے پہ صبح کا تارا ہے ان دنوں

 

جواب: سوالیہ بیت بازی

یاد کرکے مجھے تکلیف ہی ہوتی ہوگی
ایک قصہ ہوں پرانا سا ، بُھلا دے مجھ کو
۔۔۔۔۔۔۔۔۔۔۔۔۔۔
جب غم مری دھڑکن مری باتوں سے عیاں تھا ، تو کہاں تھا؟
جب چاروں طرف درد کے دریا کا سماں تھا، تو کہاں تھا؟

 

جواب: سوالیہ بیت بازی

ہم وہاں ہیں جہاں سے ہم کو بھی
کچھ ہماری خبر نہیں آتی
-----------------------

حالی نشاطِ نغمہ و مے ڈھونڈتے ہو اب
آئے ہو وقتِ صبح، رہے رات بھر کہاں؟

 

جواب: سوالیہ بیت بازی

جی ڈھونڈتا ہے پھر وہی فرصت کے رات دن
بیٹھے رہیں تصورِ جاناں کیے ہوئے
۔۔۔۔۔۔۔۔۔۔۔۔۔۔۔
نہ ملتا غم تو بربادی کے افسانے کہاں جاتے؟
اگر دنیا چمن ہوتی تو ویرانے کہاں جاتے؟

 

جواب: سوالیہ بیت بازی

میری چھت سے رات کی سیج تک کوئی آنسووں کی لکیر ہے
ذرا بڑھ کر چاند سے پوچھنا ، وہ اسی طرف سے گیا نہ ہو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجھے اپنے ضبط پہ نا زتھا سرِ بزم رات یہ کیا ہوا؟
میری آنکھ کیسے چھلک گئی؟ مجھے رنج ہے یہ برا ہوا

 

جواب: سوالیہ بیت بازی

نئے زمانوں کا کرب اوڑھے ضعیف لمحے نڈھال یادیں
تمھارے خوابوں کے بند کمروں میں لوٹ آئیں تو لوٹ آنا
۔۔۔۔۔۔۔۔۔۔۔۔۔۔
عشق معیار وفا کو نہیں کرتا نیلام
ورنہ ادراک نے دکھلائے تھے رستے کیا کیا

 

جواب: سوالیہ بیت بازی

اب کس کے لیے اہتمامِ رخت کروں
میرا رفیقِ مسافت تو ہار بیٹھا ہے
۔۔۔۔۔۔۔۔۔۔۔۔
اے فصیلِ عدم! اے حلقئہ اسرار! ابھی
کِتنے سَر چاہییں دیوار کو در ہونے تک؟

 

جواب: سوالیہ بیت بازی

اچھی نہیں نزاکتِ احساس اس قدر
شیشہ اگر بنو گے تو پتھر بھی آئے گا
۔۔۔۔۔۔۔۔۔۔۔۔۔۔۔۔۔
تیرے جمال کا پر تو ہے سب حسینوں پر
کہاں کہاں تُجھے ڈُھونڈوں، کِدھر کِدھر جاؤں