خوشی کی پسندیدہ شاعری

جواب: خوشی کی پسندیدہ شاعری

خوشی جی بہت خوب شیئرنگ ہے :222:

 

جواب: خوشی کی پسندیدہ شاعری

بس ایک بوند زندگی

سو چپ رہو سو مان لو
اگر وہ کہہ رھے ھیں کہ تمہاری سانس ان کی زندگی پہ بوجھ ھے
تو اپنی سانس گھونٹ لو
ابھی تمہارے ان ُبنے وجود میں دھرا بھی کیا ھے
ننھی ننھی دھڑکنیں چلیں تو کیا رکیں تو کیا
سوچپ رہو سو مان لو
ٹھہر نہیں سکے گی تیز آندھیون کے سامنے یہ جگنوؤں سی روشنی
اٹل چٹان فیصلوں کی زد میں ایک پھوٹتی ہوئی کلی
پکارتے چنگھاڑتے کڑے بھنور کی راہ میں
بس ایک بوند زندگی
مجھے پتہ ھے ظلم ھے
مگر تمہیں خبر نہیں ، تمہیں ابھی سے کیا خبر
کسی بھی ظلم ، درد، گھاؤ ، موت اور زندگی کے ذائقے
تمہاری نرم دھڑکنوں نے کچھ بھی تو سہا نہیں
حسین تتلیاں بہار ، پھول ۔پیڑ۔چھاؤں۔دھوپ۔پتیوں کے پانیوں کے سلسلے
تمہاری کوری سانس نے کسی کو بھی چھوا نہیں
سوچپ رہو سو مان لو
اگر وہ کہہ رھے ھیں کہ
تمہیں مٹانے کے سوا
کوئی بھی راستہ نہیں
تو ان کی بات مان لو


گلناز کوثر

 

جواب: خوشی کی پسندیدہ شاعری


آتش ہجر وہ رنگوں سے بجھا آیا ہے
کینوس پر تری تصویر بنا آیا ہے

موسمِ عشق ہی اب پھول کھلائے تو کھلے
دل تو ہر شاخ پہ اک تتلی بٹھا آیا ہے

اے وہ لڑکی جو کبھی گھر سے نکلتی ہی نہیں
دیکھ در پر ترے اک آبلہ پا آیا ہے

وقت کی میز سے وہ خواب اُٹھا لے کوئی
وہ جسے بھول کے عجلت میں چلا آیا ہے

چھوڑ آیا ہے سمندر کو دہائی دیتے
پیاس کو اپنی وہ ساحل پہ بٹھا آیا ہے

اپنی کٹیا میں کہیں اُس نے وہ دکھ بھوگا تھا
جس کو بھولا ہے تو جنگل بھی گنوا آیا ہے

اشک عیّار کی زنبیل میں کیا ہے یہ جمیل
گریہ ء سرخ ہے یا خون بہا آیا ہے

جمیل الرحمن

 

جواب: خوشی کی پسندیدہ شاعری

عمدہ! بہت خوب۔

 

جواب: خوشی کی پسندیدہ شاعری

بہت شکریہ مبزی

 

جواب: خوشی کی پسندیدہ شاعری

اک خواب ہے اور مستقل ہے
وہ شخص نہیں وہ میرا دل ہے

وہ رنگ ہے، نور ہے کہ خوشبو
دیکھو تو وہ کس قدر سجل ہے

اے میرے بدن خبر ہے تجھ کو
تجھ سے مری روح متصّل ہے

جلتا تھا وہ اک چراغ تنہا
اب اس کا ظہور دل بہ دل ہے

کیا دل کو بہار دے گیا ہے
وہ زخم جو آج مندمل ہے

اک عالمِ وصل میں مسلسل
زندہ ہے وہ دل جو منفعل ہے

عبید اللہ علیم

 

جواب: خوشی کی پسندیدہ شاعری

خوبصورت غزل ہے۔۔بہت خوب!

 

جواب: خوشی کی پسندیدہ شاعری

بہت شکریہ ۔
کیسے ھیں کہاں ہوتے ھیں

 

جواب: خوشی کی پسندیدہ شاعری

اللہ کا شکر خیریت سے ہوں۔ آج کل آپ کے ہی دیس میں ہوں۔ ویسے آپ کدھر ہیں۔ سب خیریت؟

 

جواب: خوشی کی پسندیدہ شاعری

خوبصورت پسند

 

جواب: خوشی کی پسندیدہ شاعری

خوبصورت :flor:

 

جواب: خوشی کی پسندیدہ شاعری

آپ سب کا بے حد شکریہ بڑی نوازش