ان ڈٹھیاں جہدی تانگ دلاں نوں اے بن ملیوں جہدی یاری بن زلفوں جہدا دو جگ قیدی بن نیناں مست خماری بن ہجروں جہدی یاد ستاوے بن صورت خلق پجاری اعظم اوس دی حمد کی لکھاں میری حمد اوہدے کس کاری جان ازل دی روح ابد دی اتے باغ قدیم دا مالی آپ مبرا ہر جا کولوں نیں اس توں کوئی جا خالی ہر صورت تھیں پاک منزہ ہر صورت مظہر عالی اک تصویر دے رخ اعظم دونویں تفصیلی اجمالی اوہو ای اوہو اوہو ای اوہو سانوں دسیا ہور نہ کائی اوہو ای اوہو اک اکلا دِسے ہر پاسے ہرجائی وچ زمیناں تے اسماناں ہر پاسے نظر دوڑائی ہر آئینے دے وِچ اعظم اکو صورت نظریں آئی دعاوں کا طالب محمد انوش
جواب: حمد انوش جی بڑا سوہنا لگدا اے اوبندہ جہڑا اپنی ماں بولی دی آدر کردا اے تے اوہ وی حمد دی شکل وِچ۔۔۔ وسدے رہوو
جواب: حمد بہت بہت شکریہ میرے نہایت محترم الکرم صاحب ۔ اللہ تہانوں ہمشہ خوش تے آباد رکھے ۔ آمین ثم آمین
جواب: حمد بہت غلطیاں ہیں میں غافل وچ شالا معاف کرے او ذات صمد میں ای دور ودھاں او تاں نحن او اقرب میں ای ڈھاہ نہ سکیا نفس دی کند میں تکنا واں توں وچ ہر کؤٰٰ ئ شامل کوئ وکھرا نیں تے تھوں نیک تے بد آڈھا خوف امید وچ رھنا ایدھر جرم دی حد اھدر کرم دی حد (الحاج آڈھا خان مرحوم)