نہ میں شیشے سے نازک ہوں نہ پتھر آدمی ہوں

نہ میں شیشے سے نازک ہوں نہ پتھر آدمی ہوں
میں اس ہنگا مہ ہستی میں، یکسر آدمی ہوں

میرے ہمراہ تیرے قرب کی سر شاریاں ہیں
میں اپنے آپ میں کیا معطر آدمی ہوں

نجانے کون ہے اور آئنے سے کہہ رہا ہے
مری کیفیتیں سمجھو، میں دلبر آدمی ہوں

وراثت میں مجھے گٹھڑی دعاؤں کی ملی ہے
یقیناً میں مقدر کا سکندر آدمی ہوں

مجھے اس شخص کی باتوں پہ حیرت ہو رہی تھی
وہ خود کو کہہ رہا تھا میں قد آور آدمی ہوں

مرے اندر عجب کچھ کہکشا ئیں رقص میں ہیں
بظاہر تو میں اک ذرہ برابر آدمی ہوں

مرے دشمن، مرے بارے میں جو کہتا پھرے تُو
میں تجھ جیسے شریفوں سے تو بہتر آدمی ہوں

مری متٹھی میں جب اپنے لئے کچھ بھی نہیں ہے
تو کیا میں واقعی خود کو میسر آدمی ہوں

چلا جا ؤ ں گاب دامن جھاڑ کے اک دن اچانک
تبسمؔ میں تو ویسے بھی قلندر آدمی ہوں



ــــــــــــــــــــــــــــــ
نذیر تبسمؔ

 

جواب: نہ میں شیشے سے نازک ہوں نہ پتھر آدمی ہوں

واھ واھ واھ واھ واھ واھ