حاکم علی زرداری کا انتقال

صدرِ پاکستان آصف علی زردرای کے والد حاکم علی زرداری طویل علالت کے بعد اسلام آباد کے ایک ہسپتال میں انتقال کرگئے ہیں۔

حاکم علی زرداری اسلام آباد کے پاکستان انسٹیٹیوٹ آف میڈیکل سائنسز (پمز) میں پندرہ مارچ سے ایک نجی وارڈ میں زیر علاج تھے۔


صدارتی ترجمان فرحت اللہ بابر نے حاکم علی زرداری کے انتقال کی تصدیق کرتے ہوئے کہا کہ اُن کی نمازِ جنازے کا اعلان بعد میں کیا جائے گا تاہم اُن کی تدفین ان کے آبائی شہر نواب شاہ میں ہی ہوگی۔

پمز ہسپتال کے ایگزیکٹیو ڈائریکٹر کے مطابق حاکم علی زرداری کو دماغ کی شریان پھٹنے کی وجہ سے ہسپتال منتقل کیا گیا تھا۔

اس کے علاوہ سانس اور دل کی تکلیف ہونے کے علاوہ وہ گردوں کے عارضے میں بھی مبتلا تھے۔

حاکم علی زرداری کی دیکھ بھال کرنے والے ہسپتال کے ایک اہلکار نوید احمد کا کہنا ہے کہ اُنہیں دو ماہ سے مصنوعی سانس کی نالی لگائی ہوئی تھی جبکہ خوراک بھی نالیوں کے ذریعے ہی دی جاتی تھی۔
اُنہوں نے کہا کہ گُزشتہ ڈیڑھ ماہ سے حاکم علی زرداری کے جسم کے مختلف اعضاء کام کرنا چھوڑ گئے تھے۔

صدر آصف علی زرداری کے والد کو ہسپتال میں ایک نجی وارڈ میں رکھا گیا تھا اور اُن کی حفاظت کے لیے اسلام آباد پولیس کے پندرہ اہلکار چوبیس گھنٹے تک ان کے کمرے کے باہر سکیورٹی کی خدمات سرانجام دیتے رہے۔

حاکم علی زرداری کے داخل ہونے کی وجہ سے اس وارڈ میں عام لوگوں کا داخلہ محدود کر دیا گیا تھا۔

حکمراں جماعت پاکستان پیپلز پارٹی سے تعلق رکھنے والے ارکان پارلیمنٹ اُن کی عیادت کے لیے ہسپتال آتے تھے تاہم حاکم علی زرداری کی حالت تشویش ناک ہونے کی وجہ سے ڈاکٹر اُنہیں ملنے کی اجازت نہیں دیتے تھے۔

حاکم علی زرداری تین مرتبہ رکن قومی اسمبلی رہے جبکہ سنہ اُنیس سو اٹھاسی میں جب بینظیر بھٹو برسراقتدار آئیں تو اُنہیں (حاکم علی زرداری) کو پبلک اکاؤنٹس کمیٹی کا چیئرمین بنا دیا گیا۔

بی بی سی

 

جواب: حاکم علی زرداری کا انتقال

انا للہ وانا الیہ الراجعون

 

جواب: حاکم علی زرداری کا انتقال

واہ رضی صاحب بہت خوبصورت بات کی ہے

 

جواب: حاکم علی زرداری کا انتقال

لوگوں سے التماس ہے کہ دعا کرتے ہوئے پورا نام لیا کریں اب صرف آخری نام کے چکر میں














بڑے چل بسے ہیں