غمِ ہجراں نے جو گھیرا تو تیری یاد آئی

غمِ ہجراں نے جو گھیرا تو تیری یاد آئی

غمِ ہجراں نے جو گھیرا تو تیری یاد آئی
آنکھ سے اشک جو نکلا تو تیری یاد آئی

میرا ہر لفظ تیری مِدح کے سانچے میں ڈھلا
میں نے جب قلم اٹھایا تو تیری یاد آئی

تیری مِدحت، تیرا عرفان ہی ہر جا پایا
میں نے قرآن کو کھولا تو تیری یاد آئی

شبِ والیل میں دیکھی تیرے گیسو کی جھلک
والقمر چاند کو سوچا تو تیری یاد آئی

کر کے تسبیحِ اِلہ سجدے میں سر کو رکھ کر
وقتِ قعدہ جو میں بیٹھا تو تیری یاد آئی

دل کے آئینے سے ہر نقشِ خیالی دھو کر
میں نے جو خود کو بھلایا تو تیری یاد آئی

وہ قصیدہ جو تیری یاد میں دل پہ ہے لکھا
جب سرِ بزم سنایا تو تیری یاد آئی

شبِ ہجراں تیرے دیدار کی امیدوں پہ
مثلِ شمع جو میں رویا تو تیری یاد آئی

میں نے دربارِ الہی میں رضا بہرِ دعا
جب کبھی مانگنا چاہا تو تیری یاد آئی

(محمد نعیم رضا)​

 

جواب: غمِ ہجراں نے جو گھیرا تو تیری یاد آئی

ماشاء اللہ سبحان اللہ
کیا عمدہ کلام تخلیق کیا ہے،دلی داد حاضر ہے
اللہ تعالیٰ آپکو جزائے خیر عطا فرمائے آمین

 

جواب: غمِ ہجراں نے جو گھیرا تو تیری یاد آئی

نعیم بھائی جزاک اللہ خیر

 

جواب: غمِ ہجراں نے جو گھیرا تو تیری یاد آئی

اقراء بہن۔ حوصلہ افزائی کے لیے مشکور ہوں۔
جزاک اللہ خیرا

 

جواب: غمِ ہجراں نے جو گھیرا تو تیری یاد آئی

بہت شکریہ حسن بھائی ۔ اللہ تعالی آپکو خوش رکھے۔ آمین