جسے خواب دیکھنا ہو ، وہ زمیں پہ آ کے دیکھے

جسے خواب دیکھنا ہو ، وہ زمیں پہ آ کے دیکھے
( قیصر الجعفری )

میں ہزار بار چاہوں کہ وہ مسکرا کے دیکھے
اُسے کیا غرض پڑی ہے جو نظر اُٹھا کے دیکھے

مرے دل کا حوصلہ تھا کہ ذرا سی خاک اُڑا لی
مرے بعد اُس گلی میں کوئی اور جا کے دیکھے

کہیں آسمان ٹُوٹا تو قدم کہاں رُکیں گے
جِسے خواب دیکھنا ہو ، وہ زمیں پہ آ کے دیکھے

اُسے کیا خبر کہ کیا ہے یہ شکستِ عہد و پیماں
جو فریب دے رہا ہے وہ فریب کھا کے دیکھے

ہے عجیب کشمکش میں مری شمعِ آرزو بھی
میں جَلا جَلا کے دیکھوں ، وہ بُجھا بُجھا کے دیکھے

اُسے دیکھنے کو : قیصر : میں نظر کہاں سے لاؤں ؟
کہ وہ آئینہ بھی دیکھے تو چُھپا چُھپا کے دیکھے

قیصر الجعفری​

 

بہت ہی خوب نادر بھائی۔۔بہت اعلی انتخاب ہے۔۔۔زبردست۔۔۔۔داد قبول کریں۔۔بہت ہی زبردست شاعری ہے۔۔۔

جسے خواب دیکھنا ہو ، وہ زمیں پہ آ کے دیکھے

 

بہت خوب نادر خان بھائی ۔
عمدہ انتخاب ہے۔

بہت خوب۔ :yes:

 

بہت عمدہ انتخاب ہے۔

خوش رہیے بھائی!

 

نادر بھائ بہت خوب انتخاب ہے،داد قبول کریں :flor:

 

'
تمام احباب کا شکریہ

 

نادر جی بہت خوب

 

؛
؛
بہت شکریہ
نادیہ رضا صاحبہ

 

نادر صاحب۔
کیا خوب انتخاب ہے۔ نمایاں کردہ شعر مجھے بہت زیادہ پسند آیا
زبردست ۔

 

ہے عجیب کشمکش میں مری شمعِ آرزو بھی
میں جَلا جَلا کے دیکھوں ، وہ بُجھا بُجھا کے دیکھے

واہ بہت خوب
حیرت ھے یہ کلام میں نے پہلے نہیں پڑھا یہاں

 

امید ہے نادر خان بھائی داد وصول کرنے " اب " تو آ ہی جائیں گے۔ :hpy:

 

نیلو صاحبہ آپ کا بیحد شکریہ۔۔۔ نادر بھائی کی طرف سے۔۔۔

 

نادر بھائی کی طرف سے بہت بہت شکریہ۔۔۔غزل کی پسندیدگی کے لیئے۔۔۔

 

جواب: جسے خواب دیکھنا ہو ، وہ زمیں پہ آ کے دیکھے

'
مبارز !

'
آپ زحمت نہ اُٹھائیں۔
اب میں آ گیا ہوں۔

 

جواب: جسے خواب دیکھنا ہو ، وہ زمیں پہ آ کے دیکھے

تھینکس ۔۔۔