لفظِ “یاد“ پر شعر کہیں

کبھی یاد تیری جو آگئی ، یوں‌ زخم دل کے کِھلا گئی
جو صبا قریب سے ہو چلی، اسے بڑھ کے سینے لگا لیا​

 

+++

 

نہ اب وہ یادوں کا چڑھتا دریا، نہ فرصتوں کی اداس برکھا
یوں ہی ذرا سی کسک ہے دل میں، جو زخم گہرا تھا بھر گیا وہ

(ناصر کاظمی)​

 

+++

 

جب کلی گلاب بن جائے
یاد تیرا ہی تو شباب آئے​

 

+++

 

ٹوٹا طلسمِ وقت تو کیا دیکھتا ہوں میں
یادوں کے اُس مقام پہ تنہا کھڑا ہوں میں​

 

+++

 

یادوں کی رم جھم میں دھندلا گیا ہے دلِ سادہ
تو جو مل جاتا تو چمک جاتا یہ آئینہ بھی​

 

+++

 

تیری یاد میں جو میں گم ہوا ، وہ سمجھ رہے تھے میں سو گیا
تجھے مل رہا تھا میں خواب میں، مجھے دوستوں نے جگا دیا ۔۔​

 

++++

 

یادِ مصطفیٰ ایسی بس گئی ہے سینے میں
جسم ہوکہیں اپنا، دل تو ہے مدینے میں​

 

+++

 

یاد میں تیری جاگ جاگ کے ہم رات بھر کروٹیں بدلتے ہیں
میاں مچھر ہمارے کانوں میں ٹیکوں کے تجربے بھی کرتے ہیں​

 

:

​

آج سب میں گُھل ملِ جاؤں ، مجھکو کیا خبر کل تک میں

کس کو بھول جاؤں ، کس کو یاد آؤں میں

 

Re: :

اب کے ساون میں تیری یاد کے بادل ہی رہے
اب کے روئے ہیں‌ بہت بارشوں کے ساتھ ہم​

 

+++

 

مجھے شکوہ نہیں مجھے برباد رہنے دے
مگر للہ میرے دل میں اپنی یاد رہنے دے​

 

+++

 

اے یاد مجھے یاد نہ آنا کہ ترے آنے سے
جاگ جاتے ہیں کئی کرب و الم پھر سے

(رضا)​

 

+++

 

عالی کس کو فرصت ہوگی، ایک تمہی کو رونے کی
جیسے سب یاد آتے ہیں یوں ہی تم یاد آ جاؤ گے

(جمیل الدین عالی)​

 

+++

 

شام دیتی ہے پتہ اُس دن کے ڈھلنے کا
یاد اس دن کی کیسے بھلائیں اے دوست

(عامر شریف)​

 

+++

 

آنکھوں میں چبھ گئیں تری یادوں کی کرچیاں
میں ہوں، تیرا خیال ہے اور چاند رات ہے​

‌