لفظِ “عشق“ پر شعر کہیں

انتہا عشق کی کوئی نہ ہوس کی کوئی
دیکھنا یہ ہے کہ حد کون ، کہاں کھینچتا ہے

احمد فراز​

 

اس عشق میں جاں کو کھونا ہے، ماتم کرنا ہے رونا ہے
میں جانتا ہوں کیا ہونا ہے پر کیاکروں جب دل آ جائے

(بہزاد لکھنوی)​

 

عشق ہمارے خیال پڑا ہے خواب گیا آرام گیا
جی کا جانا ٹھہر گیا ہے صبح گیا یا شام گیا

(میر)​

 

ہم نے سبھی کو عشق میں بد ظن بنا لیا
تھا دل جو دوست اس کو بھی دشمن بنا لیا

بہادر شاہ ظفر​

 

نہ پوچھو عشق میں کیسا لگے ہے
بھری محفل میں بھی دل نہ لگے ہے
اے دنیا !! رونقیں تجھ کو مبارک
۔۔ تیرا ہر رنگ ویرانہ لگے ہے ۔۔

(نعیم رضا)​

 

میڈا عشق وی توں میڈا یار وی توں
میڈا دین وی توں ایمان وی توں
میڈا جسم وی توں میڈا روح وی توں
میڈا قلب وی توں جند جان وی توں
میڈا ذکر وی توں میڈا فکر وی توں
میڈا ذوق وی توں وجدان وی توں

خواجہ غلام فرید​

 

عشق گیا سو دین گیا ، ایمان گیا ایقان گیا
دل نے ایسا کام کیا جس میں سب ناکام گیا

(میر)​

 

گر کیا ناصح نے ہم کو قید، اچھا، یوں‌ سہی
یہ جنونِ عشق کے انداز چُھٹ جائیں گے کیا ؟

(غالب)​

 

اشکوں سے اپنے دل کی حکائت دامن پر ارقام کرو
عشق میں جب یہی کام ہے یارو لے کے خدا کا نام کرو​

ابن انشاء​

 

عشق چاہے کہ ابھی اور بگولے اٹھیں
وسعتِ دشت میری آبلہ پائی مانگے

(بشیر منذر)​

 

الٰہی عشق دے اس کا مدینے کا جو سلطاں ہے
محمد :saw: نام ہے تاج رسل ہے شاہ شاہاں ہے​

شاعر۔ معلوم نہیں​

 

عشق و محبت ، وفا جفا سب ہی تو افسانے ہیں
مجنوں لیلیٰ، رانجھا ہیر، قصے سب پرانے ہیں

(نعیم رضا)​

 

دو سوزِ بلال آقا ملے درد رضا سا
سرکار عطا عشقِ اویسِ قرنی ہو​

 

تم نے بھی میرے ساتھ اٹھائے ہیں دکھ بہت
خوش ہوں کہ روگِ عشق تنہا نہیں ہوں میں​

 

عشق وہ کارِ مسلسل ہے کہ ہم اپنے لیئے
ایک لمحہ بھی پس انداز نہیں کر سکتے​

 

عشق میں سارا وقت ‌ناس ہو گیا
ہم فیل ہو گئے اور وہ پاس ہو گیا

(رضا)​

 

مقتلِ‌جاں کی ضرورت ٹھہرے
ہم کہ شایانِ محبت ٹھہرے
عشق میں منزلِ آرام بھی تھی
ہم سرِ کوچہء وحشت ٹھہرے​

 

منصور کو ہوا لب گویا پیام موت
اب کیا کسی کے عشق کا دعویٰ کرے کوئی

علامہ اقبال​

 

منزلِ عشق میں تم کو خدا سمجھ بیٹھے
غلامی ہی کیا بندگی کی ہے ہم نے تری​

 

َ:

​

ہزار طرح کے روگ اس کے ساتھ آتے ہیں

یہ عشق بے سرو سامان تھوڑی ہوتا ہے

 

نہ رہا جنونِ وفا، یہ رسم، یہ دار کرو گے کیا
جنھیں جرمِ عشق پہ ناز تھا وہ گنہگار چلے گئے

(فیض)​

 

ترے عشق کی انتہا چاہتا ہوں
مری سادگی دیکھ کیا چاہتا ہوں​

 

میں خود پہ ہنس رہا تھا زمانے کے ساتھ ساتھ
وہ مرحلہ بھی عشق میں کس حوصلے کا تھا !
سن کر ہماری بات یہ کیا حال کر لیا ؟؟؟
تم رو پڑے ؟ یہ وقت دعا مانگنے کا تھا​

 

دمِ حساب رہا روز حشر بھی یہی ذکر
ہمارے عشق کا چرچا کہاں کہاں نہ ہوا

مومن خان مومن​

 

اب اس جوشِ آگہی میں آگے کی کیا سوچی ہے ؟
شعر کہوگے، عشق کروگے، کیاکیاڈھونگ رچاؤگے

(جمیل الدین عالی)​

 

کتاب عشق کہاں تک سناؤں گا اس کو
میں کوئی اور نیا دکھ بتاؤں گا اس کو​

(قمر رضا شہزاد)​