پسندیدہ غزلیات، نظمیات

یہ معجزہ بھی محبت کبھی دکھائے مجھے
کہ سنگ تجھ پہ گرے اور زخم آئے مجھے

میں اپنے پاؤں تلے روندتا ہوں سائے کو
بدن مرا سہی، دوپہر نہ بھائے مجھے

میں گھر سے تیری تمنا پہن کے جب نکلوں
برہنہ شہر میں ‌کوئی نظر نہ آئے مجھے

وہی تو سب سے زیادہ ہے نکتہ چیں میرا
جو مسکرا کے ہمیشہ گلے لگائے مجھے

وہ میرا دوست ہے سارے جہاں‌کو ہے معلوم
دغا کرے وہ کسی سے تو شرم آئے مجھے

میں اپنی ذات میں نیلام ہورہا ہوں قتیل
غمِ حیات سے کہہ دو خرید لائے مجھے

(قتیل شفائی)​

 

میں اپنی ذات میں نیلام ہورہا ہوں قتیل
غمِ حیات سے کہہ دو خرید لائے مجھے

(قتیل شفائی)​

بہت خوب نعیم صاحب

 

س

​

ہٹ کر محاذِ جنگ سے وہ ڈر لگا اسے
پتاّ کہیں جو کھڑکا تو لشکر لگا اُسے

سورج کے اُس طرف بھی تھے منظر کئی مگر
آنکھیں گنوا کے ایک ہی منظر لگا اُسے

مجھ سے بھی جب نہ اُس کے مسائل کا حل ہوا
پھر یہ ہوا کہ میں بھی ستمگر لگا اُسے

کہتا تھا جو کہ ساتھ جئیں گے مریں گے ہم
میں مر گیا تو مجھ سے بڑا ڈر لگا اُسے

اب اتنا تنگ نظر ہو گیا ہے وہ
اُڑتا ہوا جہاذ ذمیں پر لگا آُسے!

----------

 

کیسے میں تیری یاد کو دل سے نکال دوں
کیونکر میں اپنی روح جسم سے نکال دوں

آ میرے ستمگر ، میرے پاس آ کے مانگ
کر اپنی وفاؤں سے تجھے مالامال دوں

اس مکتبِ جہان میں اتنا سبق ملا
ہو‌گا عروج جسقدر خود کو زوال دوں

چندا کی روشنی مجھے مدھم سی ہے لگے
جی چاہے اسکے حسن کو ترا جمال دوں

جب بھی کبھی خدا نے فرمایا آج مانگ
رکھ اسکی بارگاہ میں تیرا سوال دوں

یہ تابناک شمس و قمر جس کے زیرِ پا
اسکے حُسن کی اور رضا کیا مثال دوں

(نعیم رضا)​

 

پھر حریفِ بہار ہو بیٹھے
جانے کس کس کو آج رو بیٹھے

تھی، مگر اتنی رائگاں بھی نہ تھی
آج کچھ زندگی سے کھو بیٹھے

تیرے در تک پہنچ کے لوٹ آئے
عشق کی آبرُو ڈبو بیٹھے

ساری دنیا سے دور ہو جائے
جو ذرا تیرے پاس ہو بیٹھے

نہ گئی تیرے بے رُخی نہ گئی
ہم تری آرزو بھی کھو بیٹھے

فیض ہوتا رہے جو ہونا ہے
شعر لکھتے رہا کرو بیٹھے

(فیض)​

 

::

​

غم کی بارش نے بھی تیرے نقش کو دھویا نہیں
تو نے مجھ کو کھو دیا، میں نے تجھے کھویا نہیں

نیند کا ہلکا گلابی سا خمار آنکھوں میں تھا
یوں لگا جیسے وہ شب کو دیر تک سویا نہیں

ہر طرف دیوار و در اور ان میں آنکھوں کے ہجوم
کہہ سکے جو دل کی حالت وہ لب گویا نہیں

جرم آدم نے کیا اور نسلِ آدم کو سزا
کاٹتا ہوں ذندگی بھر میں نے جو بویا نہیں

جانتا ہوں ایک ایسے شخص کو میں بھی منیر
غم سے پتھر ہو گیا لیکن کبھی رویا نہیں

(منیر نیازی)

 

عبدالجبار بھائی ۔ آپ کا انتخاب ہمیشہ کی طرح بہت خوب ہے۔ لیکن مجھے منال کے معنی تو پلیز بتا دیں۔ شکریہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سجیلہ جی ۔ آپ کا شاعرانہ ذوق بہت کمال ہے۔ بہت عمدہ غزل ہے۔

 

سب کے کلام بہے اچھے ہیں

 

تم نے سن لیا ہو گا

​

چاھتوں کے موسم میں

ذخم جو بھی لگ جائے

عمر بھر نہیں سلتا

تم نے سن لیا ہو گا

شہر کی ہواؤں میں

وہ جو اک دیوانہ

آتے جاتے راہی کو

راستوں میں ملتا تھا

اب کہیں نہیں ملتا

-----------------------------------

(خزاں نصیب!!)

اجنبی دیس میں
ایسے بھی ھوا کرتا ہے
چاھتیں راہ بھٹک جاتی ہیں
اور نہیں ملتی سرائے کوئی
اور کوئی جاننے والا بھی نہیں ہوتاکہیں آس نہ پاس
دل کسی ڈوبے ہوئے ڈر سے دھڑک اُٹھتا ہے
شہر ہو جاتا ہےکچھ اور بھی تنگ و تاریک
میں شہر میں کیسا ہوں کسی روز بجھے دیکھنے آ

------------------------------------

(ہجر کی مسافت میں)

ہجر کی مسافت میں

تمھارے بن جاناں

بار بار گبھرا کر

زندگی کے رستے سے

دُور دُور ہو جائے

جیسے کوئی دیوانہ

وحشتوں کے گھیرے میں

شہر کے گلی کوچے

چھوڑ کر کسی بنَ میں

دُوریوں سے ٹکرا کر

چوُر چُور ہو جائے!

------------------------

(پر یہ دل یہ سودائی)

منظروں سرابوں کی

شدتوں سے گبھرا کر

راہ تو بدل لی ہے

پر یہ دل یہ سودائی

روک روک لیتا ہے

ڈُوب ڈُوب جاتا ہے!
-----------------

(فرحت عباس شاہ) شام کے بعد!

----------

 

سجیلہ جی ۔ یہ کلام میرے دل کو بہت اچھا لگا۔

آپکے باقی کلام بھی عمدہ ہیں۔ آپ نے بہت اچھا ذوق پایا ہے۔

 

س

​

سبھی کے پاؤں میں بے سمت بیقراری ہے
تمھارے شہر میں کوئی تو ناگواری ہے

کھڑی ہے دیر سے دہلیز پر وہی آہٹ
وہ جس نے ترکِ تعلق میں شب گزاری ہے

ہمارے بعد بھی آئیں گے لوگ ہم جیسے

ازل سے حرفِ محبت کی بات جاری ہے

اگرچہ رونے اور ہنسنے میں فرق ہے، لیکن
تمھیں تو علم ہے ،دونوں کی ضرب کاری ہے

وگرنہ کون تھا ایسا،کے مجال یہ تھی
ہمی نے شوق سے بازی پھر آج ہاری ہے

ہم اپنی آنکھ میں ندیاں پرو کے لائے ہیں
ہمارے پاس یہی ایک وضعداری ہے

کوئی تو مسلہ ہے نا،کوئی تو مسلہ ایسا
کہ چار سوئے عناصر پہ کرب طاری ہے

عجیب لطف و کرم ہے غریب لوگوں پر
تمھارے ہاتھ کی حدت میں غمگساری ہے

کسی نحیف سے پل میں کبھی نہ کام آئے
یہ کیسا عجز ہے،کیسی یہ انکساری ہے

تمھارے حوصلے بے ثمر ٹھرے
ہمارے دل کی فضا اب بھی سوگواری ہے!


--------

 

؛

​

رونق بخشنے،

جباّر بھائی کوشش کرؤں گی رونق بخشنے کی!


------------------------------------------------------

--------------------

 

سجیلا بہت اچھی غزلیں پوسٹ کی آپنے
۔۔

آدھا چہرہ
تمہیں کیسے میں لکھ بھیجوں
کہ میری آنکھ میں سپنے
محض کچھ کرچیاں بن کر
بصورت درد بیٹھے ہیں
محض اک گرد میں لتھڑی
کتاب زیست ہاتھوں میں
ابھی محفوظ ہے جس مین
میرا آدھا حسین چہرہ
ابھی آدھا حسین چہرہ
کسی پیارے سے چہرے سے
ابھی مجھ کو چرانا ہے
ابھی کیسے میں لکھ بھیجوں
کہ تم سپنے سمیٹو بھی
مجھے محتاط رہنا ہے
ابھی کیسے میں لکھ بھجوں
کہ بنجر ہے زمیں ساری
ابھی تم بیچ نہ لکھنا
میرے اس آدھے چہرے پر
جو تیرے پاس رکھا ہے
ابھی آدھے ہیں ہم دونوں
تو پھر آدھے کا حصہ بھی
ہوا آدھا
ابھی آدھا
ابھی کیسے میں لکھ بھیجوں
میرے چہرے کا وہ حصۃ
تمہیں بخشا جو مالک نے
مجھے دے دو

 

خوب کہا

 

بہت خوب جی
کیا یہ ہماری اردو پیاری اردو والی کنول جی کی شاعری ہے؟

 

اک بات کہوں گر سنتے ہو
تم مجھ کو اچھے لگتے ہو
کچھ چنچل سے کچھ چپ چپ سے
کچھ پاگل پاگل لگتے ہو
اک بات کہوں گر سنتے ہو
تم مجھ کو اچھے لگتے ہو
ہیں چاہنے والے اور بہت
پر تم میں ہے اک بات بہت
تم اپنے اپنے لگتے ہو
یہ بات بات پہ کھو جانا
کچھ کہتے کہتے رک جانا
کسی الجھن میں تم لگتے ہو
اک بات کہوں گر سنتے ہو
تم مجھکو اچھے لگتے ہو

 

لاحاصل، بہت خوب،

 

لال پیلا ہونے کی ضرورت نہیں یہ آپ کےلئے نہیں تھی بلکہ کسی کے لئے بھی نہین تھی
سنڈے میگزین میرے پاس پڑا ہے اس پر لکھی تھی سو ایویں لکھ دی

 

:

​

یہ بات بات پہ کھو جانا
کچھ کہتے کہتے رک جانا

جو بات ہے ہم سے کہہ ڈالو

یہ کس اُلجھن میں رہتے ہو!


بہت خوب لاحاصل جی!قابلِ تعریف ہے!

 

:

بہت ہی اچھی شاعری ارسال کی ہے آپ نے!بہت اچھا انتخاب ہے!

 

میں نے صرف تعریف کی ہے ۔ اور یہ بھی پتہ ہے میرے لئے نہیں ہے لیکن جس کے لئے ہے کم از کم ۔۔۔۔۔ اس کا انکار تو نہ کیا ہوتا ۔

 

میں نے صرف تعریف کی ہے ۔ اور یہ بھی پتہ ہے میرے لئے نہیں ہے لیکن جس کے لئے ہے کم از کم ۔۔۔۔۔ اس کا انکار تو نہ کیا ہوتا ۔ [/quote:3vuba0fi]


اب مجھے شرم سے لال پیلا ہونا پڑے گا

 

اَلَم نصیبوں، جگر فگاروں
کی صبح افلاک پر نہیں‌ ہے
جہاں‌پہ ہم تم کھڑے ہیں‌دونوں
سحر کا روشن افق یہیں‌ہے

یہیں‌پہ غم کے شرار کھِل کر
شفق کا گلزار بن گئے ہیں
یہیں‌پہ قاتل دکھوں کے تیشے
قطار اندر قطار کرنوں
کے آتشیں ہار بن گئے ہیں

یہ غم جو اس رات نے دیا ہے
یہ غم سحر کا یقیں بنا ہے
یقیں‌جو غم سے کریم تر ہے
سحر جو شب سے عظیم تر ہے

(فیض احمد فیض)

 

بہت خوب نعیم بھائی!کیا غضب کا کلام ہے!

 

:

​

وہ دلنواز تو ہے لیکن نظر شناس نہیں

میرا علاج میرے چارہ گر کے پاس نہیں

تڑپ رہے ہیں ذبان پر کئی سوال مگر
میرے لیے کوئی شانِ التماس نہیں

تیرے جلوُ میں بھی دل کانپ کانپ اٹھتا ہے
میرے مزاج کو آسودگی بھی راس نہیں

کبھی کبھی جو تیرے قرب میں گزارے تھے
اب ان دنوں کا تصوّر بھی میرے پاس نہیں

گزر رہے ہیں عجب مقام سے دیدہ و دل
سحر کی آس تو ہے ذندگی کی آس نہیں

مجھے یہ ڈر ہے تیری آرذو نہ مٹ جائے
بہت دنوں سے طبعیت میرے اداس نہیں !

(ناصر کاظمی)

----------------------------------[/i]