آئی ٹی کے حوالے سے کچھ خاص

کمپیوٹر نیٹ ورک پر بجلی کی ترسیل
برطانیہ کی ایک کمپنی ڈی ایس پی ڈیزائن نے ایک ایسا کمپیوٹر بنایا ہے جو بجلی دیوار میں لگے ساکٹ کی بجائے ایک نیٹ ورک کیبل سے حاصل کرتا ہے۔
کمپنی کا کہنا ہے کہ انہیں امید ہے کہ ان کا یہ کمپیوٹر ایسی جگہوں پر کامیاب ثابت ہوگا جہاں نیٹ ورک کیبل یا ’ایِتھر نیٹ‘ کے علاوہ بجلی کی تاریں بچھانا ممکن نہیں ہوتا۔

ایتھر نیٹ کی اصطلاح عمومی طور پر کمپیوٹروں کو آپس میں جوڑنے یا نیٹ ورک کرنے کے لئے استعمال کی جاتی ہے۔ یہ کمپیوٹر ایک ایسے پراجیکٹ کا نتیجہ ہے جس کا مقصد بیشتر کمپیوٹر ہارڈ وئیر کو نیٹ کے ذریعے بجلی یا پاور پہنچانا تھا۔

پاور اوور ایتھرنیٹ کچھ اس طرح کام کرتا ہے۔

ایِتھر نیٹ کیبل میں جو ڈیٹا بھیجا جاتا ہے وہ وولٹیج میں تبدیل ہوجاتا ہے اور کیبل میں موجود فالتو تاروں کو ڈیٹا کے لئے استعمال کیا جاتا ہے۔ اب تک پاور اوور ایتھر نیٹ کے ذریعے 15.4 واٹ تک بجلی بھیجی جاسکتی ہے جو کمپیوٹر کی زیادہ تر آلات کو چلانے کے لئے کافی ہوتا ہے لیکن خود ڈیسک ٹاپ کمپیوٹر کو انفرادی طور پر چلانا ابھی ممکن نہیں۔

پاور اوور ایتھر نیٹ کے بارے میں کہا جارہا ہے کہ یہ دنیا بھر میں بجلی کی ترسیل میں اہم کردار ادا کرسکتا ہے کیونکہ اس کی تاروں اور ان میں استعمال ہونے والے کنیکٹرز پوری دنیا میں ایک ہی طرح کے ہوتے ہیں۔

 

واقعی دنیا بہت تیزی سے آگے بڑھ رہی ہے۔ مجھے تو لگتا ہے عنقریب بلاواسطہ بھی بجلی اور ڈیٹا کی ترسیل شروع ہوجائے گی

 

مکمل تو نہ جانے کب ترسیل ہو گی لیکن ابھی بھی انفرا ریڈ ڈیوائس اور بلیوٹوتھ ڈیوائس کے ذریعے کسی حد تک ڈیٹا کی ترسیل ممکن ہے

 

میں نے کہیں سے اڑتی اڑتی سنی تھی کہ جاپان والے تو بندہ ٹرانسمٹ کرنے کی بھی سوچ رہے ہیں۔ یہ بات کہاں‌تک درست ہے ؟؟

 

محترم جناب نعیم صاحب:
آپ نے تو اک نئی انفارمیشن دے دی میرے علم میں یہ بات پہلے تو نہیں تھی چلیں ابھی آگئی ہے تو اس پر بھی اب سرچنگ شروع کر دیتے ہیں کچھ نا کچھ تو معلومات مل ہی جائیں گی نا۔۔

 

گوگل ارتھ پر آوازوں کی آمد

گوگل کی مقبول ویب سائیٹ گوگل ارتھ پر جلد آوازوں کو متعارف کرایا جا رہا ہے۔ اس سلسلے میں گوگل کے ماہرین نے ایک ایسا سافٹ تیار کیا ہے جس میں دنیا بھر سے مختلف آوازوں کو جمع کیا گیا ہے۔ ان آوازوں کی مدد سے صارفین اپنی منتخب جگہ کو باسانی تلاش کر سکے گیں۔ اس کے لیے دنیا بھر سے ہزاروں آوازیں جمع کی گیں ہیں ان میں پرندوں، دریا کی لہروں اور شارک مچھلی تک کی آوازیں شامل ہیں۔اس خصوصی سافٹ ویئر کو 40 سال کی محنت سے تیار کیا ہے۔توقع ہے کہ اس سال کے آخر تک اس سافٹ وئیر کو گوگل ارتھ پر پیش کر دیا جائے گا۔اس کے علاوہ اس میں مطلوبہ جگہ اور خطہ کا وقت اور وہاں کے موسم کی معلومات بھی دستیاب ہوں گی۔

 

بہت شکریہ بھائی۔ اچھی انفارمیشن ہے