اک انتخاب۔

جواب: اک انتخاب۔

تم کو معلوم بھی شاید کبھی ہو کہ نہ ہو
میری راتیں تیری یادوں سے سجی رہتی ہیں

میری سانسیں تیری خوشبو میں بسی رہتی ہیں
میری آنکھوں میں تیرا سپنا سجا رہتا ہے

ہاں میری دل میں تیرا عکس بسا رہتا ہے
تم کو میرے آنگن میں لگے پھول گواہی دیں گے
میں نے عرصے سے کسی پھول کو دیکھا نہیں تھا

تجھ کو سوچا ہے تو پھر تجھ کو ہی سوچا ہے فقط
تیرے سوا کسی اور کو سوچا ہی نہیں

تجھ کو معلوم شاید کبھی ہو کہ نہ ہو
ہم صرف تم پر ہی مرتے ہیں تمہی کو چاہتے ہیں

 

جواب: اک انتخاب۔

بلال بھائی آپ کا انداز تنقید برائےتنقید والا ھے
لیکن پھر بھی خوشی اس بات کی ھے کہ آپ نے
لچھ نشاندہی تو کی ۔
مگر ایک عرض ہے کہ آپ دوبارہ سے تصدیق کریں
کہ یہ شعر جیسے میں نے لکھا وہ ٹھیک ھے
یا پھر آپ نے جو لکھا ھے وہ ٹھیک ھے
تحقیق کے بعد مجھے لکھیں جو صیحیح
ھو گا وہی لکھا جائے گا۔

 

جواب: اک انتخاب۔

اس انتخاب پر داد
:a191::a180::a165:
:135:

 

جواب: اک انتخاب۔

عمر اتنی تو عطا کرے مرے فن خالق
کہ مرا دشمن مرے مرنے کی خبر کو ترسے

 

جواب: اک انتخاب۔

فن کمال ایسا عطا ہو یا رب مجھے
تا حشر محفلوں میں میرا نام آئے
ابن انور

 

جواب: اک انتخاب۔

ابن عبداللہ بھائی ۔ آپکا انتخاب قابل داد ہے۔
گوکہ بعض اشعار میں کچھ سقم ملتا ہے ۔ لیکن شاید ٹائپنگ کی غلطی ہے۔

 

جواب: اک انتخاب۔

دل کی باتیں
دل ہی جانے
کیا کرنے کو ہے
کیا سوچے ہے
کیا سمجھے ہے
جنوں ھے کہ سکوں ھے
حیراں ھے کہ پریشاں ھے
یا کہ
خوشی و شادمانی سے شاداں ھے
لیکن
دل کی بات صفحہء رخ پر
تو ہی ہوتی عیاں ھے
ابن انور

 

جواب: اک انتخاب۔

تمہاری یاد کے آنسو
میری پلکوں پہ ٹِکے تھے
پھرمیں نے
انہیں
اپنے ہاتھوں کی لکیروں میں
جذب کر لیا
کہ شائد
تمہاری یاد کے یہ
بھیگے موتی
میرے مقدر کی لکیروں کو
چمکا دیں
اور
میں
تمہیں پا لوں

 

جواب: اک انتخاب۔

محبت ایسا نغمہ ہے
ذرا بھی جھول ہے
لَے میں
تو
سُر قائم نہیں ہو تا

محبت ایسا شعلہ ہے
ہوا جیسی بھی چلتی ہو
کبھی مدھم نہیں ہوتا

محبت ایسا رشتہ ہے
کہ
جس میں بندھنے والوں کے
دلوں میں غم نہیں ہوتا

محبت ایسا پودا ہے
جو
تب بھی سبز رہتا ہے
کہ
جب موسم نہیں ہوتا

محبت ایسا دریا ہے
کہ
بارش روٹھ بھی جائے
تو پانی کم نہیں ہوتا

 

جواب: اک انتخاب۔

عشق ایسا عجیب دریا ہے
جو بنا ساحلوں کے بہتا ہے
ہیں غنیمت یہ چار لمحے
پھر نہ ہم ہیں، نہ یہ تماشا ہے

زندگی اک دکان کھلونوں کی
وقت بگڑا ہوا سا بچہ ہے
اے سرابوں میں گھومنے والے
دل کے اندر بھی ایک رستہ ہے

اس بھری کائنات کے ہوتے
آدمی کس قدر اکیلا ہے
آئنے میں جو عکس ہے امجد
کیوں کسی دوسرے کا لگتا ہے

 

جواب: اک انتخاب۔

ایسے اُترا ہوں دلوں سے کہ ہنسانا تو کُجا
ایک مدت سے رُلانے بھی نہیں آیا کوئی

کیا سبھی عہد فقط سانس کے چلنے تک تھے؟
قبر پہ دیپ جلا نے بھی نہیں آیا کوئی

یوں تو سو بار جُڑا، ٹوٹا، مگر اب کے امین
ایسے ٹوٹا کہ بنانے بھی نہیں آیا کوئی

 

جواب: اک انتخاب۔

نظم اُلجھی ہوئی ہے
سینے میں
مصرعے عطا ہوئے ہیں
ہونٹوں پر
اُڑتے پھرتے ہیں
تتلیوں کی طرح
لفظ کاغذ پہ
بیٹھتے ہی نہیں
کب سے بیٹھا ہوں
میں جانم
سادے کاغذ پہ
لکھ کے تیرا نام
بس تیرا نام ہی
مکمل ہے
اس سے بہتر بھی
نظم کیا ہوگی

 

جواب: اک انتخاب۔

یاد آیا تھا بچھڑنا تیرا پھر
نہیں‌ یاد کہ کیا یاد آیا
جب کوئی زخم بھرا داغ بنا
جب کوئی بھول گیا یاد آیا
یہ محبت بھی ہے کیا روگ فراز
جس کو بھولے وہ سدا یاد آیا

 

جواب: اک انتخاب۔

ابن عبداللہ بھائی بہت خوب زبردست :wow:

 

جواب: اک انتخاب۔

اب ہو کسی رنگ میں ظاہر تو مجھے کیا
ٹھہرے ترے گھر کوئی مسافر تو مجھے کیا
وہ رنگ فشاں آنکھ وہ تصویر نما ہاتھ
دکھلائیں نئے روز مناظر تو مجھے کیا

 

جواب: اک انتخاب۔

ہراک رہ رو ہر اک رہ گیر کو زنجیر کیا کرنا
انا کے نام پر ہر شخص کو تسخیر کیا کرنا

ہمیشہ جس کو عزت دی سر آنکھوں پہ بٹھایا
ذرا سی بات پر اب اس کو بے توقیر کیا کرنا

 

جواب: اک انتخاب۔

ہراک رہ رو ہر اک رہ گیر کو زنجیر کیا کرنا
انا کے نام پر ہر شخص کو تسخیر کیا کرنا

ہمیشہ جس کو عزت دی سر آنکھوں پہ بٹھایا
ذرا سی بات پر اب اس کو بے توقیر کیا کرنا

 

جواب: اک انتخاب۔

ابن عبداللہ بھائی زبردست شیئرنگ ہے :222:

 

جواب: اک انتخاب۔

ظلمت کو ضیاء صر صر کو صبا بندے کو خدا کیا لکھنا
پتھر کو گہر ، دیوار کو دَر ، کرگس کو ہما کیا لکھنا

اک حشر بپا ہے گھر گھر میں ، دم گُھٹتا ہے گنبدِ بے دَر میں
اک شخص کے ہاتھوں مدت سے رُسوا ہے وطن دنیا بھر میں
اے دیدہ ورو اس ذلت کو قسمت کا لکھا کیا لکھنا


یہ اہلِ چشم یہ دارا و جَم سب نقش بر آب ہیں اے ہمدم
مٹ جائیں گے سب پروردۂ شب ، اے اہلِ وفا رہ جائیں گے ہم
ہو جاں کا زیاں، پر قاتل کو معصوم ادا کیا لکھنا
ا

لوگوں ہی پہ ہم نے جاں واری ، کی ہم نے انہی کی غم خواری
ہوتے ہیں تو ہوں یہ ہاتھ قلم ، شاعر نہ بنیں گے درباری
ابلیس نُما انسانوں کی اے دوست ثنا کیا لکھنا
ا

حق بات پہ کوڑے اور زنداں ، باطل کے شکنجے میں ہے یہ جاں
انساں ہیں کہ سہمے بیٹھے ہیں ، خونخوار درندے ہیں رقصاں
اس ظلم و ستم کو لطف و کرم ، اس دُکھ کو دوا کیا لکھنا
ا

ہر شام یہاں شامِ ویراں ، آسیب زدہ رستے گلیاں
جس شہر کی دُھن میں نکلے تھے ، وہ شہر دلِ برباد کہاں
صحرا کو چمن، بَن کو گلشن ، بادل کو رِدا کیا لکھنا


اے میرے وطن کے فنکارو ! ظلمت پہ نہ اپنا فن وارو
یہ محل سراؤں کے باسی ، قاتل ہیں سبھی اپنے یارو
ورثے میں ہمیں یہ غم ہے ملِا ، اس غم کو نیا کیا لکھنا
ظلمت کو ضیاء، صَر صَر کو صبا ، بندے کو خدا کیا لکھنا

 

جواب: اک انتخاب۔

ظلمت کو ضیاء صر صر کو صبا بندے کو خدا کیا لکھنا
پتھر کو گہر ، دیوار کو دَر ، کرگس کو ہما کیا لکھنا

اک حشر بپا ہے گھر گھر میں ، دم گُھٹتا ہے گنبدِ بے دَر میں
اک شخص کے ہاتھوں مدت سے رُسوا ہے وطن دنیا بھر میں
اے دیدہ ورو اس ذلت کو قسمت کا لکھا کیا لکھنا


یہ اہلِ چشم یہ دارا و جَم سب نقش بر آب ہیں اے ہمدم
مٹ جائیں گے سب پروردۂ شب ، اے اہلِ وفا رہ جائیں گے ہم
ہو جاں کا زیاں، پر قاتل کو معصوم ادا کیا لکھنا


لوگوں ہی پہ ہم نے جاں واری ، کی ہم نے انہی کی غم خواری
ہوتے ہیں تو ہوں یہ ہاتھ قلم ، شاعر نہ بنیں گے درباری
ابلیس نُما انسانوں کی اے دوست ثنا کیا لکھنا


حق بات پہ کوڑے اور زنداں ، باطل کے شکنجے میں ہے یہ جاں
انساں ہیں کہ سہمے بیٹھے ہیں ، خونخوار درندے ہیں رقصاں
اس ظلم و ستم کو لطف و کرم ، اس دُکھ کو دوا کیا لکھنا


ہر شام یہاں شامِ ویراں ، آسیب زدہ رستے گلیاں
جس شہر کی دُھن میں نکلے تھے ، وہ شہر دلِ برباد کہاں
صحرا کو چمن، بَن کو گلشن ، بادل کو رِدا کیا لکھنا


اے میرے وطن کے فنکارو! ظلمت پہ نہ اپنا فن وارو
یہ محل سراؤں کے باسی ، قاتل ہیں سبھی اپنے یارو
ورثے میں ہمیں یہ غم ہے ملِا ، اس غم کو نیا کیا لکھنا
ظلمت کو ضیاء، صَر صَر کو صبا ، بندے کو خدا کیا لکھنا

 

خاموش ہو کیوں، دادِ جفا کیوں نہیں دیتے
بسمل ہو تو قاتل کو دعا کیوں نہیں دیتے

وحشت کا سبب روزنِ زنداں تو نہیں ہے
مہر و مہ و انجم کو بجھا کیوں نہیں دیتے

اک یہ بھی تو اندازِ علاجِ غمِ جاں ہے
اے چارہ گرو، درد بڑھا کیوں نہیں دیتے

منصف ہواگر تم تو کب انصاف کروگے
مجرم ہیں اگر ہم تو سزا کیوں نہیں دیتے

رہزن ہو تو حاضر ہے متاعِ دل و جاں بھی
رہبر ہو تو منزل کا پتہ کیوں نہیں دیتے

کیا بیت گئی اب کے فراز اہلِ چمن پر
یارانِ قفس مجھ کو صدا کیوں نہیں دیتے
(احمد فراز)