سرخیاں انکی مفہوم ہمارے

راشد بھائی حافظ حسین احمد کے کہنے کا مطلب یہ تھا کہ صوفی محمد مفت کی بجائے کچھ ان کی طرح کچھ لینا بھی سیکھیں۔ ورنہ تو عوام کو مفت کے مفتیوں کی عادت پڑ جائے گی ۔
:201: :201: :201:

 

السلام علیکم۔

کالے رنگ میں سرخی
نیلے رنگ میں مفہوم ​

اسلام آباد (جنگ نیوز) صدر مملکت آصف علی زرداری نے کہا ہے کہ سید یوسف رضا گیلانی ایک طاقتور وزیراعظم ہیں،
وہ روزانہ 100 ڈنڈ بیٹھکیں نکال کر پٹھے مضبوط بناتے ہیں۔ ثبوت کےطور پر گیلانی صاحب کی مضبوط لمبی گردن ملاحظہ کی جاسکتی ہے

ان سے اختلاف کی خواہش ضرور ہے لیکن ان خواہشات کو پورا کرنا ممکن نہیں ہے،
کیونکہ وہ ہر بات بلا چون و چرا مان جاتے ہیں لہذا اختلاف کی نوبت نہیں آتی ۔

این آر او ماضی کا حصہ بن گیا ہے،
اسکا مقصد مجھ سمیت چند سیاستدانوں‌کی طہارت ہی تھی۔ آئندہ ایسی ضرورت پڑی تو کسی اور نام سے طہارت خانہ بنایا جائے گا۔

17ویں ترمیم کا خاتمہ پیپلز پارٹی کے منشور کا حصہ ہے،
اور تاریخ گواہ ہے کہ پی پی پی نے اپنے منشور پر کبھی عمل نہیں کیا۔

میثاق جمہوریت پر عملدرآمد کیا جائے گا ۔
ایک تو عوام " فعل مستقبل "‌کے جملے کبھی نہیں سمجھ پاتی ۔

صدر مملکت نے کہا کہ 17 ویں ترمیم اپنی موت آپ مر چکی ہے
لیکن جناب صدر ! ابھی اوپر تو آپ نے فرمایا تھا کہ پی پی کے منشور کا حصہ ہے ؟ :143:

صدر مملکت نے کہا کہ وہ عمر قید کاٹ چکے ہیں
اور اب پاکستانی عوام کو بھی ایسی ہی سزا دینا چاہتے ہیں۔

میرے خلاف 8 سال میں مقدمات ثابت نہیں ہوئے ؟
اب اسکا یہ مطلب نہیں لیا جانا چاہیے کہ مقدمات جھوٹے تھے۔

 

یہ پوسٹ کسی کو پسند نہیں آئی ؟ :139:

 

بہت خوب نعیم بھائی
میں نیچے دی گئی خبر کا تبصرہ یوں کروں گا

اسلام آباد (جنگ نیوز) صدر مملکت آصف علی زرداری نے کہا ہے کہ سید یوسف رضا گیلانی ایک طاقتور وزیراعظم ہیں،
وزیر اعظم گیلانی اتفاق کے سرئیے سے بنے ہیں

صدر مملکت نے کہا کہ وہ عمر قید کاٹ چکے ہیں
1987 میں ایک نکاح خواں نے عمر قید کی سزاسنائی تھی جس سے 27 دسمبر 2007 کورہائی مل چکی ہے۔

این آر او ماضی کا حصہ بن گیا ہے،
گڑھے مردے اکھاڑنے کا کوئی فائدہ نہیں

 

بےاختیار ہنسی آگئی یہ تبصرے پڑھ پڑھ کے۔ :201:

 

نعیم بھائی اور راشد بھائی ۔ آپ دونوں کی حسِ مزاح لاجواب ہے۔ :hasna:

 

تبصرے بہت اچھے اور سچے ہیں :101:

 

قوم غیرت اور آزادی کی قیمت پر بیرونی امداد کو ٹھوکر مار دے گی ۔ شہباز شریف
آصف زرداری بھی بیرونی امداد کو ٹھوکر مار دیں گے جو سیدھی سوئس اکاؤنٹ میں جاکر گرے گی

پنجاب کے‌حکمران تنگ نظر ہیں۔ چوہدری شجاعت
میری نظر تنگ نہیں‌کمزور ہے اس لئے چشمہ لگاتا ہوں

کوئٹہ میں طالبان قیادت ہے تو امریکہ خود چیک کرلے وزارت خارجہ
طالبان قیادت تو جی ایچ کیو اور کے آرایل میں بھی چھپی ہوئی ہے، امریکہ

لوڈشیڈنگ اب دسمبر 2009 کی بجائے جون 2010 میں‌ختم ہوگی
اگر جون میں ختم نہ ہوسکی تو دسمبر 2010 میں ختم ہوگی

حکومت بھٹو کی روٹی، کپڑا اور مکان کی پالیسی پر کاربند ہے صدر زرداری
عوام کو بھوکا، ننگا اور بے گھر کرکے ہی دم لیں گے

فوجی ہونے کے باوجود حقیقی جمہوریت متعارف کرائی
پیپلزپارٹی پیٹریاٹ، ق لیگ، ایم ایم اے بناکر

کیری لوگر بل کی شرائط ملکی مفاد اور اسلامی کے خلاف ہیں ساجد میر
لیکن پھر بھی قبول کرلینی چاہئے

 

ہاہاہاہاہاہا۔۔۔ بہت خوب راشد بھائی ۔ آپ نے بہت مزیدار تبصرے کیے۔ :101:

 

آپ کی محبت اور اعلی ظرفی ہے۔ بہت شکریہ ۔

 

جواب: سرخیاں انکی مفہوم ہمارے

کالے رنگ میں سرخی
نیلے رنگ میں مفہوم​

وزیراعظم سید یوسف رضا گیلانی نے امریکا جانے والے پاکستانیوں کی جامہ تلاشی کو امتیازی سلوک قرار دیا ہے۔

بھولے وزیراعظم جامہ تلاشی کو شاید پاجامہ تلاشی سمجھ کر اتنا احتجاج کررہے ہیں۔ ورنہ تو اس سے پہلے پاکستانی وزراء تک کی جامہ تلاشی لی جا چکی ہے۔

انہوں نے کہا کہ امریکا جامہ تلاشی کی فہرست سے پاکستان کا نام نکالے۔

کیونکہ ہم تو " حمام میں سب ننگے " کے قائل ہیں ۔ پھر جامہ تلاشی کیسی ؟

انہوں نے کہا ایسی پالیسیوں سے پاکستانی عوام میں بے چینی اور اضطراب جنم لیتا ہے ۔

اور پاکستانی عوام جیسی خوشحال و محفوظ و مطمئن قوم کوبےچینی و اضطراب میں‌ مبتلا کرنا بہت نامناسب ہے ۔

انہوں نے کہا کہ امریکا پاکستان کو سول نیو کلیئر ٹیکنالوجی دے کر عوام میں اپنا امیج بہتر بناسکتا ہے۔

وزیراعظم صاحب ! اسلام آباد میں‌بلیک واٹر اسی نیک مقصد کے لیے تو ڈیرہ جمائے ہوئے ہیں بس آپ خاطر جمع رکھیں۔

امریکا پاکستان اور بھارت کے مابین کشمیر اور پانی سمیت دیگر دیرینہ مسائل کے حل کیلئے اپنا کردار ادا کرے۔

خیال رہے جناب۔ امریکی کردار ادا کرنے سے فائدہ ہمیشہ اسلام دشمن ممالک کو ہی ہوتا ہے۔

وزیراعظم نے گذشتہ 8 برسوں میں دہشت گردی کے خلاف جنگ میں تقریباً 35ارب ڈالر کی اقتصادی لاگت برداشت کرنے کے معاملہ کو اجاگر کرتے ہوئے کہا کہ امریکا پاکستان کو معیشت کی بحالی میں مدد دے۔

گویا "دہشتگردی کے خلاف جنگ " کو بھیک مانگنے والوں‌کی ایکسرے رپورٹ کے طور پر دکھایا جارہا ہے۔

وزیراعظم نے پاکستان کورقوم کی فراہمی تیز تر بنیاد پر کرنے کی ضرورت پر زور دیا۔

ظاہر ہے آجکل انکے اقتدار کو کافی خطرات ہیں۔ رقوم جتنی جلدی ہم تک پہنچ جائیں اتنا ہی اچھا ہے۔

وزیراعظم نے ڈرون حملوں کے جاری رہنے اور پاکستان کو ڈرون ٹیکنالوجی دینے میں ہچکچاہٹ پر اپنی حکومت کی طرف سے مایوسی کا اظہار کیا۔

جیسے ننھا بچہ اپنے طاقتور باپ سے چاکلیٹ کی فرمائش پوری نہ ہونے پر مایوسی کا اظہار کرتا ہے۔

جنگ نیوز ۔

 

جواب: سرخیاں انکی مفہوم ہمارے

ھم اپنے پچلھے کچھ غلط منصوبوں اور اپنی غلطیوں پر بہت ھی عوام سے شرمندہ ھیں،!!!!!! الیکشن سے پہلے عوام کے پرخلوص لیڈر کا ایک بیان،!!!!!!!!

ھمیں دوبارہ موقع دیجئے تاکہ آئیندہ مستقبل میں ھم اپنے غلط منصوبوں اور غلطیوں کو دوبارہ عوام کی خدمت میں پہلے سے بھی زیادہ بالکل منفرد اور خوبصورت انداز میں پیش کرسکیں،!!!!

 

جواب: سرخیاں انکی مفہوم ہمارے

شکریہ ھاروں بھائی َ!!!!!
آپ بھی تو کچھ آکھئے،!!!!!!

پچھلی دفعہ شاید آپ بھی شاید الیکشن میں کھڑے ھوئے تھے، آپ کچھ اپنی تقریروں کے اقتباس سنائیے ھم پھر اسکا جواب دیں گے،!!!!!!

 

جواب: سرخیاں انکی مفہوم ہمارے

ہارون بھائی ہمیں ڈرائیں مت پلیززززززززززز :neu:

 

جواب: سرخیاں انکی مفہوم ہمارے

آپ ویسے لگتے تو سیاست دان ھی ھیں،!!!! آپ سچ بتائیے اگر آپ اپنے علاقے سے کھڑے ھوجائیں، تو میرا خیال ھے کے سارے علاقے کے ووٹ آپکو ھی پڑیں گے،!!!!!

چلو ووٹ اگر نہیں پڑے تو کیا ھوا،!!! کچھ نہ کچھ اور تو ضرور پڑیں گے، یہ تو وہاں پر آپکی مقبولیت پر منحصر ھے،!!!!

 

جواب: سرخیاں انکی مفہوم ہمارے

دیکھیں ھاروں بھائی،!!!! کچھ تو پہلے سے ھی ڈر گئے،!!!!

اب تو آپکے علاقے میں نعرہ لگنا ھی چاھئے،!!!! آوئے ھی آوئے،!!!! ھارون بھائی آوئے ھی آوئے،!!!!

 

جواب: سرخیاں انکی مفہوم ہمارے

سب کو بھی جان گیا، تیرے آنے کے بعد
خود کو بھی پہچان گیا تیرے جانے کے بعد​

 

جواب: سرخیاں انکی مفہوم ہمارے

چلو ھارون بھائی،!!!! دوسری طرف اسل موضوع پر چلتے ھیں،!!!

ایک سیاست دان نے اپنی کامیابی پر ایک گلی میں جلسہ کیا، اور کہا،!!!!!
آج میں بہت خوش ھوں کہ اس دور حکومت میں ھر جگہ ھر گلی مجھے صاف ستھری نظر آرھی ھے،!!!!!!


کیونکہ اس گلی میں تو ان سیاست دان کے سالے صاحب کا مکان ھے، اس لئے صاف ستھری نظر آرھی ھے،!!!

 

جواب: سرخیاں انکی مفہوم ہمارے

ملک بچانے کیلئے عوام کو حقوق اور انقلابی تبدیلیاں لانی ہونگی، نوازشریف



مسلم لیگ ن کے قائد نواز شریف نے کہا ہے کہ پاکستان کو چلانا ملک کے 18 کروڑ عوام کی ذمہ داری ہے،

مفہوم ۔ اسی لیے ہم نے 2 بار وزیر اعظم بن کر بھی یہ ذمہ داری اپنے سر نہیں لی۔

اگر پاکستان کو بچانا ہے تو عوام کو حقوق دینے ہوں گے اور انقلابی تبدیلیاں لانی ہوں گیں۔

مفہوم ۔ لیکن بدقسمتی سے یہ باتیں ہمیں حکومت سے باہر رہ کر ہی یاد آتی ہیں ۔ حکمران بنتے ہی ہماری یادداشت سے محو ہوجاتی ہیں۔


ان خیالات کا اظہارانہوں نے منگل کو یہاں ایک وفد سے ملاقات کے دوران کیا۔

بشکریہ جنگ نیوز ۔

 

جواب: سرخیاں انکی مفہوم ہمارے

وسیم صاھب ۔ اپکے تبصرے تو بالکل ٹھیک ہھیں ۔

 

جواب: سرخیاں انکی مفہوم ہمارے

وسیم چاچو ۔ شکر ہے آپ کی حس مزاح بھی بیدار ہوگئی :201: