مزاحیہ شاعری

کون کہتا ہے کہ !!!

کون کہتا ہے کہ موت آئی تو مر جاؤں گا
میں بڑا سیانا ہوں منجھی تَھلّے وڑھ جاؤنگا​

 

عنایت علی خان کی نظم ٹیکس

عنایت علی خان کی ٹیکس پر لکھی گئی ایک نظم ارسال کر رہا ہوں۔ امید ہے آپ لوگ اس سے محظوظ ہوں گے۔

بلدیہ! تیرے ثنا خوانوں سے معمور ہے شہر
تو تو سیٹھانی ہے اس کی تیرا مزدور ہے شہر
ٹیکس بڑھ جائیں ‌اگر حد سے تو مجبور ہے شہر
اس قدر ٹیکس ادا کرنے سے معذور ہے شہر

اُونچی کرسی سے یہ پستی کی صدا بھی سن لے
شاعرِ شہر سے تھوڑا سا گلہ بھی سن لے

تو نے جو ٹیکس لگایا وہ اٹھایا ہم نے
تیرے احکام کو آنکھوں ‌سے لگایا ہم نے
تیرے ہر بل کو بہر طور چکایا ہم نے

ٹیکس پہ ٹیکس لگاؤ تمہیں ‌ڈر کس کا ہے
شہر کس کا ہے مری جان یہ گھر کس کا ہے

‌کس کی جرات کہ کرے تیری شکایت زنہار
تیرے احسان ہیں‌ اتنے کہ نہیں جن کا شمار
ہر گلی کوچے میں‌ پھرتی ہوئی کتوں کی قطار
رات بھر مچھروں کی فوج کی ہر سو یلغار

دجلہ و نیل کا سڑکوں پہ گماں ہوتا ہے
ہر گٹر طبلہء عطار یہاں ہوتا ہے

لیکن اس شہر کی رونق تیرے قدموں پہ نثار
اپنے شیدائوں کو اس طرح سے پیاسا تو نہ مار
ٹیکس پانی کا بڑھا کر تو نہ کر ایک سے چار
اس شہر کا بڑھ جائے نہ کوفے سے وقار

مفت کی چیز پہ اتنی نہ گرانی کر دے
یعنی پٹرول کے داموں‌ تو نہ پانی کر دے

یہ شہر واقع ہے ایک بڑے دریا پر
یوں بھی ہوتا ہے کہ اس شہر کے باسی اکثر
تشنہ لب ماہی بے آب کی صورت گھر گھر
آبرو کو تری دیتے ہیں ‌دعا بل بل کر

لب جو سوکھے گلہء آب رسانی نہ رہا
تجھ کو روکنے کے لئے آنکھ میں‌ پانی نہ رہا

شاہراہوں کی عجب شکل بنائی تو نے
جنگ خندق کی ہمیں‌ یاد دلائی تو نے
شہریوں کی نہ سنی ایک دُہائی تو نے
شہر کی شکل بیاباں ‌سے ملائی تو نے

کون خوش بخت سڑک تھی جو کھدائی نہ گئی
ہاں جو کھدوائی گئی پھر وہ بنائی نہ گئی

کیا ستم ہے کہ لگاتی ہے ہر بات پہ ٹیکس
حسن اور عشق کی مسنون ملاقات پہ ٹیکس
شادی پر اور ولیمے کی مدارات پہ ٹیکس
اک نہیں ‌ہے تو فقط مرگِ مفاجات پہ ٹیکس

بلدیہ ٹیکس لگانے پہ جب آ جاتی ہے
جلوہء کثرتِ اموات دکھا جاتی ہے

غم و ناز پہ انداز پہ انگڑائی پہ ٹیکس
کمرے پہ نالی پہ دالان پہ انگنائی پہ ٹیکس
سقہ پہ دھوبی پہ بقال پہ اور نائی پہ ٹیکس

سیٹھ تو سیٹھ بھنگی بھی نہ چھوڑا تو نے
بلدیہ! شہر کو بل دے کے نچوڑا تو نے

مرگِ عشاق پہ، پیدائش اولاد پہ ٹیکس
بر سرِ بزمِ سخن داد پہ بے داد پہ ٹیکس
گریہ و نالہ و بے تابہ و فریاد پہ ٹیکس
ہر دلِ شاد پہ اور ہر دلِ ناشاد پہ ٹیکس

زیست کا بوجھ اٹھانے پہ بھی لگ جائے نہ ٹیکس
ٹیکس پہ نظم سنانے پہ بھی لگ جائے نہ ٹیکس

افسروں کی ترے دن رات بنی بات رہے
ٹھیکیداروں ہی کے ہاتھوں ‌سدا بات رہے
رات دن “قائدِ اعظم“ سے ملاقات رہے
فرق کیا پڑتا ہے گر ہم نہ بد اوقات رہے

تو نہ مٹ جائے گی ہم جیسوں‌کے مٹ جانے سے
“تشنہء مے کو تعلق نہیں پیمانے سے“​

 

بہت خوب

 

بہت خوب عمران علی، ٹیکس پر نظم بہت اچھی لگی۔ ہماری اردو میں خوش آمدید۔ ہم امید کرتے ہیں کہ آپ ہماری اردو میں ایک اچھا اضافہ ثابت ہوں گے۔

 

بیماری !!!

بیمار اِک پڑا تھا
درِ اسپتال پر
معلوم ہو رہا تھا
کوئی غوث یا ولی
پوچھا جو میں نے
آپ کو لاحق ہے کیا مرض ؟
آنکھوں میں آنسو بھر کے کہا
ڈی این اے سحر !!!

 

یوں تو خاصی دیر میں جا کر عشق کا شعلہ بھڑکا ہے

چھوٹی عمر میں شادی کے نقصان کا پھر بھی دھڑکا ہے

دلہا اور دلہن کی عمریں پوچھیں تو معلوم ہوا

پچپن سال کی لڑکی ہے اور ساٹھ برس کا لڑکا ہے

ڈاکٹر انعام الحق جاوید

 

بہت خوب جبار بھائی :lol:

 

حُسن کے نخرے بہت ہیں
حُسن کے چرچے بہت ہیں

ذرا عشق کر کے دیکھیئے
عشق میں خرچے بہت ہیں
​

 

بہت خوب

 

کاش ایسا ہو جائے

 

ناکامِ تمنا دل اس سوچ میں رہتا ہے
یوں ہوتا تو کیا ہوتا، یوں ہوتا تو کیا ہوتا​

 

جبار جی آپ اتنی پابندیاں کیوں لگا رہے ہیں؟

 

آن لائن شاعری

آن لائن شاعری

اب بھاگتےہیں طفل کتابوں کے نام سے
استاد ”چیٹ رُوم“ میں بیٹھے ہیں شام سے
اب لڑکیوں کو اور کوئی کام ہی نہیں
اب کام چل رہا ہے صرف ”ڈاٹ کام“ سے

یہ بھی انٹرنیٹ کے ساغر کا ہے اِک ادنیٰ کمال
جام جب خالی ہوا تھوڑی سی وائن آ گئی
جو ہے میری ”آن“، لائن پر کبھی آتی نہ تھی
آج انٹرنیٹ پہ وہ بھی ”آن لائن“ آ گئی

بات ہوتی ہے پسِ چکوال انٹرنیٹ پر
نازیہ سلجھا رہی ہے بال انٹرنیٹ پر
میں نے بس اتنا ہی لکھا آئی لو یو اور پھر
اس نے آگے کر دیا تھا گال انٹرنیٹ پر

گرہ استاد سےلگوا رہے ہیں
وہ مصرعہ ’فیکس‘ سے بھجوا رہے ہیں
بہت سے’میل‘ اور ’فی میل‘ شاعر
غزل ”ای میل“ سےمنگوا رہے ہیں

کل کسی ’فی میل‘ نے”ای میل“ بھیجی ہے مجھے
آئی لو یُو دیکھ کر کِھلنے لگے سہرے کے پھول
ہاں اگر ”ای میل“ میں تحریر ہو نام اور پتہ
میرے کمپیوٹر کو ایسا وائرس بھی ہے قبول​

 

Re: آن لائن شاعری

اب بھاگتےہیں طفل کتابوں کے نام سے
استاد ”چیٹ رُوم“ میں بیٹھے ہیں شام سے
اب لڑکیوں کو اور کوئی کام ہی نہیں
اب کام چل رہا ہے صرف ”ڈاٹ کام“ سے​

 

جب سے بیگم نے مجھے مرغا بنا رکھا ہ

جب سے بیگم نے مجھے مرغا بنا رکھا ہے
میں نے نظروں کی طرح سر بھی جھکا رکھا ہے

برتنو! آج مرے سر پہ برستے کیوں ہو؟
میں نے تم کو تو ہمیشہ سے دُھلا رکھا ہے

پہلے بیلن نے بنایا تھا مرے سر پہ گومڑ
اور اب چمچے نے مرا گال سجا رکھا ہے

سارے کپڑے تو جلا ڈالے ہیں بیگم نے مگر
تن چھپانے کو یہ بنیان پھٹا رکھا ہے

وہی دنیا میں مقدر کا سکندر ٹھہرا
جس نے خود کو ابھی شادی سے بچا رکھا ہے

پی جا اس مار کی تلخی کو بھی ہنس کر یونہی
مار کھانے میں بھی قدرت نے مزا رکھا ہے​

 

سر درد ميں گولي يہ بڑي زود اثر ہے

سر درد ميں گولي يہ بڑي زود اثر ہے
پر تھوڑا سا نقصان بھي ہوسکتا ہے اس سے

ہو سکتي پيدا کوئي تبخير کي صورت
دل تنگ و پريشان بھي ہوسکتا ہے اس سے

ہوسکتي ہے کچھ ثقلِ سماعت کي شکايت
بے کار کوئي کان بھي ہوسکتا ہے اس سے

ممکن ہے خرابي کوئي ہو جائے جگر ميں
ہاں آپ کو يرقان بھي ہوسکتا ہے اس سے

پڑ سکتي ہے کچھ جلد خراشي کي ضرورت
خارش کا کچھ امکان بھي ہوسکتا اس سے

ہو سکتي ہيں ياديں بھي ذرا اس سے متاثر
معمولي سا نسيان بھي ہوسکتا ہے اس سے

بينائي کے حق ميں بھي يہ گولي نہيں اچھي
ديدہ کوئي حيران بھي ہوسکتا ہے اس سے

ہو سکتا ہے لاحق کوئي پيچيدہ مرض بھي
گردہ کوئي ويران بھي ہوسکتا ہے اس سے

ممکن ہے کہ ہو جائے نشہ اس سے ذرا سا
پھر آپ کا چالان بھي ہو سکتا ہے اس سے

(انور مسعود)​

 

ابا خیر سے ڈاکو ہیں

صاحبزادے کرتے کیا ہیں؟ لڑکی والوں نے پوچھا
جب دیکھو فارغ پھرتے ہیں یا پیتے تمباکو ہیں

لڑکے کی اماں جل کر بولیں، کام کرے اس کی جوتی
دو بھائی بھتہ لیتے ہیں، اور ابا خیر سے ڈاکو ہیں​