قصہِ آشقاں ۔۔۔۔۔۔۔

شاعری،گلوکاری کی طرح عشق کرنا بھی فنونِ لطفیہ میں سے ہے دنیا میں تین قسم کے عاشق ہیں۔ایک وہ جو خود کو عاشق کہتے ہیں دوسرے وہ جنہیں لوگ عاشق کہتے ہیں اور تیسرے وہ جو عاشق ہوتے ہیں

میرا دوست ّفّ کہتا ہے عاشق دراصل آشک ہے وہ اتنا محبوب سے پیار نہیں کرتا جتنا شک کرتا ہے ہمارے ہاں جتنے بھی اچھے عاشق ملتے ہیں وہ کتابوں میں ہیں یا قبرستانوں میں کسی عاشق کے بارے میں جاننے کیلئے کہ وہ سچا عاشق ہے یا نہیں، اس سے یہ پوچھو کہ کیا تم سچے عاشق ہو؟ اگر وہ اپنے منہ سے خود کو سچا کہے تو سمجھ لیں کہ وہ جھوٹا ہے اور اگر وہ کہتا ہے، نہیں تو بات واضح ہے

کامیاب عاشق وہ ہوتا ہے جو عشق میں ناکام ہو کیونکہ جو کامیاب ہو جائے وہ عاشق نہیں خاوند ہوتا ہے۔ شادی سے پہلے وہ بڑھ کر محبوبہ کا ہاتھ پکڑتا ہے اپنی محبت کیلئے، جبکہ شادی کے بعد وہ بڑھ کر بیوی کا ہاتھ پکڑتا ہے اپنے بچاؤ کیلئے۔

جو شخص یہ کہے کہ اس کی بیوی نے کبھی حکم عدولی نہیں کی ،یہ وہی شخص ہے جس نے اپنی بیوی کو کبھی حکم ہی نہیں دیا۔ ویسے بھی محبوبہ میں سب سے بڑی خوبی یہی ہوتی ہے کہ بندے کو ُاسے طلاق نہیں دینا پڑتی۔عورت کا عشق مرد کے عشق سے ہزار درجے بہتر ہے کہ عورت کو عشق میں کامیابی کی صورت میں کسی کے ساتھ شادی تو کرنا پڑتی ہے

میرا دوست ّفّ کہتا ہے عاشق ہونا اور بات ہے عاشق لگنا اور بات ہے حالانکہ عاشق لگنا کون سا مشکل ہے

ایک ہفتہ پانی بند رہے اور نائی دھوبی سے بندہ پرہیز کرے تو بڑے سے بڑے عاشق کا مقابلہ کر سکتا ہے۔ سچا عاشق وہ ہوتا ہے جو جتنی بار عشق کرتا ہے سچا کرتا ہے۔کہتے ہیں عاشق خوبصورت نہیں ہوتے۔اس کی ایک وجہ تو یہ ہے کہ جو خوبصورت ہوتے ہیں وہ عاشق نہیں ہوتے، لوگ ُان پر عاشق ہوتے ہیں۔ عاشقوں کی تعداد تیس سال کی عمر تک سو فیصد، پچاس کی عمر میں پچاس فیصد اور ستر سال کی عمر میں ایک دو فیصد رہ جاتی ہے کیونکہ ایک دو فیصد ہی عاشق ہوتے ہیں جو ستر سال تک رہ جاتے ہیں۔

دوسروں کو پریشان کرنے کے دو ہی طریقے ہیں یا تو اس کی ان خامیوں کا ذکر کرو جو اس میں ہیں یا اس کی خوبیوں کا ذکر کرو جو اس میں نہیں ہیں۔ اور یہی عاشق کرتا ہے ہیں۔وہ محبوب کا نقشہ کھنچ رہا ہو تو لگتا ہے محبوب کی کھنچائی کر رہا ہے جیسے ناگن زلفیں یعنی بالوں کی جگہ لٹکتے ہؤے سانپ

سروقد یعنی جوں جوں نیچے آتا پھیلتا جاتا ہے، چاند چہرہ یعنی چاند کی طرح گڑھوں اور داغ دھبوں والا، پھر ہرنی جیسی چال یعنی چارپایوں کی طرح چلنا، شاید وہ اسی لئے کہتا ہے کہ اس جیسا محبوب پوری دنیا میں نہیں۔

عاشق نے ہمیشہ محبوب کو ملزم سمجھا۔ اس پر اپنے سپئرپارٹس کی چوری کا الزام لگایا۔ دل،جگر،نیند وغیرہ کی گمشدگی کا پرچہ بھی محبوب کے نام کٹایا۔ یہاں تک کہ اس کو سِرعام قاتل کہا۔اس دنیا میں جلسے جلوسوں کا بانی بھی عاشق ہی ہے کہ اس نے سب سے پہلے محبوب کا جلوس نکالا۔

کوئی نہیں کہ سکتا کہ عاشق بےوقوف ہوتا ہے یا عقلمند کیونکہ عشق وہ کام ہے کہ عقلمند اور بےوقوف دونوں اکٹھے شروع کریں تو ہفتہ بعد ہی ان میں الگ الگ تمیز کرنا مشکل ہو جائے۔ بہرحال عشق کرنے سے پہلے بندہ اتنا تو عقلمند ہونا چاہئے کہ اسے پتہ ہو کہ اس کام کا عقل سے کوئی تعلق نہیں۔

عاشق،شاعر اور پاگل تینوں پر اعتبار نہیں کرنا چاہئے کیونکہ یہ خود کسی پر اعتبار نہیں کرتے۔ اس دنیا میں جس کی بدولت عاشق کی تھوڑی بہت عزت ہے وہ رقیب ہے جب رقیب نہیں رہتا تو اچھے خاصے عاشق اور محبوب میاں بیوی بن جاتے ہیں کہتے ہیں کہ رقیب اور عاشق کی بھی نہیں بنتی حالانکہ کہ رقیب ہی دنیا کا واحد شخص ہو تا ہے جس سے اس کا اتفاقِ رائے ہوتا ہے جسے عاشق پسند کرتا ہے وہ بھی اسے پسند کرتا ہے، جسے یہ منتخب کرتا ہے وہی اس کا انتخاب ہو تا ہے یہی نہیں وہ بھی اس پر جان دیتا ہے جس پر عاشق۔ بلکہ سچا اور حقیقی عشق ہوتا ہی وہ ہے جس میں رقیب جیب ہو۔

سچا عاشق وہ ہوتا ہے جو محبوب کیلئے زندگی قربان کر دے اور مردہ سچے عاشق سے زندہ جھوٹا عاشق بدرجہا فائدے میں رہتا ہے عشق کرنا تو نشہ کرنا ہے جس کیلئے بندہ کسی بھی لذت ماب کے سامنے جھکنے پر تیار ہوجاتا ہے عاشق محبوب کو عارضی خوشی دیتا ہے اور مستقل خوشی لے لیتا ہے۔ میرا دوست ًفً ایک ہی نظر میں عاشق ہو جاتا ہے کہتا ہے دوسری نظر ڈالنے تک تو بندے کو سوچنے کا موقع مل جاتا ہے کہتا ہے

(میرے ساتھ کوئی دوشیزہ مخلص نہیں نکلی جو مخلص نکلی وہ دوشیزہ نہیں تھی)

اس کی کلاس میں تیس لڑکیاں تھی ان میں سے ایک لڑکی اس لئے نارا ض رہتی کہ وہ اسے توجہ نہ دیتا اور باقی انتیس اس لئے کہ وہ توجہ دیتا۔ وہ عشق میں ہر روز سرخرو ہوتا ہے اس کے ہر بار سرخرو ہونے میں اس کی محبوبہ کے بھائی کا ہاتھ ہوتا

 

واہ واہ فنا جی! تُسی تے کمال دے آشق او۔

 

اچھا انتخاب ہے
بلکل ڈاکٹر یونس بٹ کا سٹائل ہے

 

ع س ق آپ عاشقوں کی تعریفیں کر رہے ہو الیکشن آپ کے سر پر ہے نہیں یقین تو سر پر ہاتھ لگا کر دیکھو

 

باربار الیکشن کی یاد دلانا

موٹروے جی! آپ تو مجھے اس طرح باربار الیکشن کی یاد دلا رہے ہیں جیسے میں نے آپ کی موٹرسائیکل پنکچر کی ہو۔ ایسے کام میں نے کبھی نہیں کئے۔ البتہ عامل بنگالی اپنی دکانداری چمکانے کے لئے لڑائیاں فساد کروانے کو ایسی حرکتیں کرتا رہتا ہے۔ ذرا اس کی بھی تو خبر لیں۔

 

پر کِتھّوں ؟؟؟

پر کِتھّوں عسق صاحب ؟؟؟

اب تو بنگالی بھول کے بھی ؛؛ موٹر وے ؛؛ نہیں جائے گا ۔ چاہے چیچو کی ملیاں کے راستے کیوں نہ جانا پڑے ۔

 

بہت مزیدار انتخاب

 

اِرتلاش جی! ہماری اردو پر خوش آمدید

 

خوشآمدید اِرتلاش جی !!!

ہماری طرف سے بھی ۔۔۔

خوش آمدید اِرتلاش جی !!!
براہِ کرم ؛؛ اِر ؛؛ کے معنی بتا دیں !!!

 

فنا جی بہت خوب

 

بہت شکریہ آپ سب احباب کا اور آپ کی حوصلہ افزائی کا

 

صرف شکریہ نہیں بلکے آئندہ بھی ایسا ہی اچھا لکھتے رہیں

 

جی انشاءاللہ پوری کوششں ہو گی

 

اللہ آپ کو کامیاب کرے آمین

 

بہت خوب فنا جی

 

نہایت خوب فنا جی

 

یکم ستمبر سے پہلے پہلے کوشش کرلو بعد میں تو اور ہی کوشش ہوگی

 

اور کونسی کوشش ذرہ وضاحت کریں خان جی

 

جبار پائی سچ کم بولا کریں :lol:

 

خدا خیر کرے جبار پائی

 

اور آج فنا جی فنا ہوگئے

 

خود سچ نہیں بول سکتے دوسروں کو تو بولنے دیں

 

ہاں تو اور کیا