گوگل اپنا کمپیوٹر آپریٹنگ سسٹم تیار کر رہا ہے

مائیکروسافٹ کے مقابلے میں گوگل اپنا کمپیوٹر آپریٹنگ سسٹم تیار کررہا ہے
وائس آف امریکہ
انٹرنیٹ کے سب سے معروف سرچ انجن کی مالک کمپنی گوگل کمپیوٹر مارکیٹ پر براہ راست کنٹرول حاصل کرنے لیے اپنا کمپیوٹر آپریٹنگ سسٹم بنارہی ہے۔ آپریٹنگ سسٹم کی مارکیٹ پر طویل عرصے سے سافٹ ویئر کی سب سے بڑی کمپنی مائیکروسافٹ کارپوریشن کو اجارہ داری حاصل ہے۔

گوگل نے یہ اعلان اپنی ویب سائٹ پر کیا ہے۔ کمپنی نے اپنے اعلان میں کہا ہے کہ اس کا سافٹ ویئر اس کے کروم انٹرنیٹ براؤز کی بنیاد پر ہوگا اور وہ 2010ء کے دوسرے نصف حصے میں صارفین کے لیے دستیاب ہوگا۔ گوگل کا کہنا ہے کہ اس کا کمپیوٹر چلانے کا یہ نظام ابتدا میں نیٹ بک نامی سستے لیپ ٹاپس کے لیے ڈیزائن کیا جائے گا۔ کمپنی کا کہناہے کہ نئے آپریٹنگ سسٹم کی نمایاں خصوصیات یہ ہوں گی کہ وہ برق رفتار ہوگا، زیادہ آسان ہوگا اور زیادہ محفوظ ہوگا۔

اس اقدام سے گوگل کا مقابلہ مائیکروسافٹ کے ساتھ مزید سخت ہوگیا ہے جس کے کمپیوٹر آپریٹنگ ونڈوز سسٹم کے تحت اس وقت دنیا کے لگ بھگ 90 فی صد کمپیوٹر کام کررہے ہیں۔

 

جی آزاد بھائی ۔ میں نے بھی یہ خبر پڑھی ہے۔
فی الحال گوگل کروم کی سپیڈ تو کافی سست ہے ۔ دیکھیے آپریٹنگ سسٹم کی سپیڈ کیسی ہوگی ۔
شئیرنگ کے لیے بہت شکریہ ۔

 

شکریہ نعیم بھائی
مگر میں گوگل کروم ہی استعمال کرتا ہوں اور میرے لیپ ٹاپ پر یہی انٹرنیٹ براؤز سب سے اچھا اور تیزی سے چلتا ہے۔ ابھی بھی میں گوگل کروم سے ہی ہماری اُردو پر آن لائن ہوں

 

اچھا۔ میں نے تو ایک آدھ دن استعمال کرکے سلو سپیڈ کی وجہ سے ڈیلیٹ کر دیا تھا۔
خیر ۔ اب دیکھیے آپریٹنگ سسٹم کیسا آتا ہے۔ اللہ کرے اسکی مطابقت Competabilityونڈوز سے اچھی ہو۔ ورنہ پھڈا پڑ جائے گا۔

 

کروم تو مجھے بھی پسند نہیں آیا
بہت ہی خراب کارکردگی دے رہا تھا میرے پاس تو

 

آپریٹنگ سسٹم کامیاب ہونا مشکل کام ہے اور پھر ونڈو تو کا مقابلہ کرنا گوگل کےلئے ایک بہت بڑا چیلنج ہے

 

انتظار ہے اسکا بھی ۔۔

 

دیکھتے ہیں اس میں‌گوگل کون سا تیر مارتا ہے

 

بھئی میرے پاس تو اب تک فائر فاکس اور کروم ہی سب سے تیز رفتار چلے ہیں۔
اور ان میں سب سے بہترین کروم چلا ہے۔ مگر اس میں کچھ سہولیات کا فقدان ہے اور یہ بعض اوقات اردو ٹھیک نہیں دکھاتا، ورنہ سپیڈ میں تو بہترین ہے۔

 

ونڈوز ایکسپلورر ہی ٹھیک ھے