قبلہ اول کا دروازہ مسمار

مسجداقصیٰ کا دروازہ منہدم کرنے کی تیاریاں،علاقے میں کشیدگی​

مقبوضہ بیت المقدس ..............اسرائیل کی جانب سے مسجد اقصیٰ کے مغربی دروازے کو منہدم کرنے کی تیاریوں کے بعد علاقے میں شدید کشیدگی پھیل گئی ہے۔ فلسطین کے چیف جسٹس نے او آئی سی کا ہنگامی اجلاس بلانے کا مطالبہ کیا ہے۔ عرب ٹی وی کے مطابق اسرائیل کے زیر انتظام مقبوضہ بیت المقدس کی بلدیہ کے کئی بلڈوزرمسجد کے مغربی دروازے کو منہدم کرنے کے منصوبے پر عمل درآمد کے لئے مسجد اقصیٰ پہنچ گئے ہیں ۔ مسجد کے گرد سخت حفاظتی انتظامات کیے گئے ہیں اور پینتالیس سال سے کم عمر فلسطینیوں کو علاقے میں آنے سے روک دیا گیا ہے۔ فلسطین کے چیف جسٹس شیخ تیسر التمیمی نے بتایا کہ اسرائیلی حکام کی جانب سے مسجد اقصیٰ کے نیچے خفیہ سرنگیں اور گڑھے کھودنے کا سلسلہ کئی ہفتوں سے جاری تھااور اتوار کو مسجد اقصیٰ میں دیوار براق کے نزدیک لکڑی کی باڑھ اور وہاں موجود تاریخی حیثیت کے حامل دو کمروں کو منہدم کرنے کا فیصلہ کیا تھاتاہم موسم سازگارنہ ہونے کی وجہ سے اس گھناؤنی سازش پر عمل درآمد ملتوی کردیا گیا تھا انہوں نے فلسطینی قوم سے اپیل کی کہ وہ قبلہ اول کو بچانے اور اسرائیلی بلڈوزروں کا راستہ روکنے کے لئے فوری طور پر مسجد اقصیٰ کے صحن تک پہنچیں ۔انہوں نے مطالبہ کیا کہ اس معاملے پر اسلامی کانفرنس تنظیم کا ہنگامی اجلاس طلب کیا جائے ۔

​

روزنامہ جنگ

 

اے خاصہءِ خاصان رُسل وقت دعا ہے
امت پہ تری آ کے عجب وقت پڑا ہے

جو دین بڑی شان سے نکلا تھا وطن سے
پردیس میں آج غریب الغرباء ہے

(الطاف حسین حالی)​

 

انٹرنیٹ پر تو ایسی معلومات بھی ملتی ہیں جن میں یہ کہا جاتا ہے کہ یہ دراصل مسجد اقصی ہے ہی نہیں۔

بلکہ مسجد اقصی اسکے قریب کوئی اور سادہ سی مسجد ہے۔۔۔ اور یہودی عبادت بھی وہیں کرتے ہیں۔ اس مسجد کو محض دکھاوے کو طور پر پیش کرتے ہیں۔ وغیرہ وغیرہ

اللہ تعالی ہی بہتر جانتے ہیں

 

چپ رہنے سے بہتر شور مچانا!