پاپ سنگر مائیکل جیکسن انتقال کر گئے بی بی سی اُردو لاس اینجلس سے موصول ہونے والی اطلاعات کے مطابق مشہور پاپ گلوکار مائیکل جیکسن ہسپتال میں انتقال کر گئے ہیں۔ ان کی عمر پچاس سال تھی۔اس سے پہلے موصول ہونے والی اطلاعات میں کہا گیا تھا کہ انہیں ہسپتال داخل کرا دیا گیا ہے۔ ابتدائی طور پر مائیکل جیکسن کی صحت کے بارے میں متضاد اطلاعات سامنے آ رہی ہیں۔ امریکی ٹی وی چینل سی بی ایس اور اخبار لاس اینجلس ٹائمز کا کہنا ہے کہ ان کا انتقال ہو چکا ہے جبکہ دوسری طرف سی این این کا کہنا تھا کہ وہ ہسپتال میں کومے کی حالت میں ہیں۔لیکن بعد میں اس بات کی تصدیق کر دی گئی کہ مائیکل جیکسن انتقال کر گئے ہیں۔لاس اینجلس کے فائر ڈیپارمنٹ کے مطابق طبی عملے کو شہر کے بیل ایئر علاقے میں واقع مائیکل جیکسن کے گھر بلایا گیا تھا۔فائر ڈیپارٹمنٹ کے مطابق گھر سے انہیں یونیورسٹی کالج ہسپتال لے جایا گیا۔ ڈیپارٹمنٹ کے مطابق راستے میں طبی عملے ان کو ہوش میں لانے کی کوشش کرتارہا۔ پاپ سٹار مائیکل جیکسن کی عمر پچاس سال تھی اور وہ جولائی میں لندن میں اپنے فن کا مظاہرہ کر کے شوبز کی دنیا میں واپس آ رہے تھے۔مائیکل جیکسن کے پرستار یونیورسٹی کالج ہسپتال کے باہر اکٹھے ہو گئے ہیں جبکہ پولیس نے ایمرجنسی سنٹر کے گرد رکاوٹیں کھڑی کر دی ہیں۔مائیکل جیکسن نے اپنے فنی کیریئر کا آغاز اپنے فیملی گروپ جیکسن فائیومیں ایک چائلڈ سٹار کی حیثیت سے کیا تھا۔ بعد میں انہوں نے عالمی شہرت حاصل کر لی اور سولو آرٹسٹ کے طور ’تھرِلر‘ اور ’بیڈ‘ جیسے شہرہ آفاق گانے تخلیق کیے۔لیکن حالیہ سالوں میں ان کی شخصیت تنازعات اور مالی مشکلات میں گھری ہوئی نظر آئی اور وہ تقریباً گوشہ تنہائی میں چلے گئے۔
شکریہ آزاد بھائی ۔ خبر کو مکمل حوالہ جات کے ساتھ پڑھ کر اسکی صداقت کا یقین ہوگیا۔ بےشک ہر جان کو موت کا ذائقہ چکھنا ہے۔ :yes: اللہ تعالی ہمارا خاتمہ بالایمان کرے آمین۔
جھوٹی خبر یہاں لگا کے مجھے کوئی ایوارڈ نہیں ملنا تھا جھوٹ بولنے کی عادت ھے نہ لکھنے کی ، سننا ضررو پڑتا ھے کیونکہ دوسروں کو منع نہیں کیا جا سکتا آپ کے ایسے ہی طنز صارفین کو بد دل کر دیتے ھیں اس فورم میں آنے سے ، ثبوت کے لئے تعداد چیک کر لیں صارفین کی،
عام تاثر یہی ہے کہ مائیکل جیکسن مسلمان ہوگیا تھا اور اس کا نام میکائیل رکھا گیا تھا لیکن کہیں سے تصدیق نہیں ہوئی چلو اگر مسلمان ہوگیا تھا تو اللہ جنت نصیب فرمائے ورنہ۔۔۔۔۔۔۔۔واللہ عالم
بجو بہنا۔ مسزمرزا باجی ماشاءاللہ اب سی این این کی رپورٹر بن گئی ہیں کیا ؟ :mashallah:[/quote:2qjc10ud] اللہ ہم سب کا خاتمہ بالایمان کرے آمین خبر سن کر ذہن میں آیا کہ کسی دن میں نے بھی اچانک چلے جانا ہے لیکن امید ہے دنیا اچھے لفظوں میں یاد کرے گی انشاءاللہ :hands:
مرنے والے کو برا نہیں کہنا چاہئے لیکن دیکھاجائے تو مائیکل جیکسن نے قدرت کے خلاف کام کیا ہے۔ اس کا رنگ سیاہ تھا لیکن اس نے سرجری کے ذریعے سفید کرالیا اور وہ کینسر کا شکار ہوگیا۔ میرا خیال ہے کہ یہ اللہ تعالٰی کی طرف سے اس کے لئے ایک سزا تھی۔ اللہ تعالٰی انسان کو جیسا بناتا ہے ٹھیک بناتا ہے۔ شاید مائیکل جیکسن کےذہن میں تھا کہ وہ اگر سفیدفام ہوجائے تو اسے سفید فام کے برابر وقار ملے گا۔
مائیکل جیکسن کی وفات پر دنیا کو افسوس ہوا لیکن خوشی کی بات ہےکہ مائیکل جیکسن فوت ہو ا تو اس وقت ہوا جس وقت وہ مسلمان ہو چکا تھا ۔ اس کے علاوہ آ ج مختلف اخبارات میں تھا کہ اس کی تدفین بھی اسلامی طریقے پر کی جائے گی۔ کل نفس ذائقۃ الموت (القرآن) ہر جان کو موت کا ذائقہ چکھنا ہے۔ یہ تو قانون قدرت ہےکہ ہر جان کو ایک نہ ایک دن موت آنی ہے اور اس سے کوئی انکار نہیں کرسکتا ۔
مائیکل جیکسن کا ایک بھائی "Jermaine" کافی عرصہ پہلے مسلمان ہوچکا ہے اور بقول اس کے وہ مائیکل جیکسن سمیت باقی فیملی کو بھی اسلامی تعلیمات سے آگاہ کرتا رہتا تھا۔ بعض ذرائع کے مطابق مائیکل جیکسن کی آخری رسومات اسلامی روایات کے مطابق کرنے پر سب سے زیادہ زور بھی وہی دے رہا ہے۔ واللہ ورسولہ :saw: اعلم