پسندیدہ غزلیات، نظمیات

حال دل جا کے ان کو میرا بتایا جائے
کوئی بھی راز نہ اب ان سے چھپایا جائے

جن چراغوں سے نہ انسانوں کو کچھ فیض ملے
ایسے ناپاک چراغوں کو بجھایا جائے

جن چراغوں سے ملے روشنی انسانوں کو
ایسے پاکیزہ چراغوں کو جلایا جائے

قومی یکجہتی کے سب ملکر ترانے گاؤ
ہند سے فرقہ پرستی کو بھگایا جائے

ختم جھگڑوں کو کرو پیار سے سب ملکر رہو
ہم سبھی ایک ہیں دنیا کو دکھایا جائے

جو ہیں گلشن کو مٹانے کےلیئے آمادہ
ان کے منصوبوں کو مٹی میں ملایا جائے

مان لو باتیں تم عوض کی گرہ باندھ لو تم
اپنے گلشن کو گلستاں بنایا جائے

ڈاکٹر عوض زیدی عوض کیرانوی

 

:mashallah: بہنا جی ۔ سبق آموز شاعری ہے۔ :a180:

 

[/quote:22u1ln5n]
شکریہ محبوب خان بھائی ۔ :a191:

 

حاسدوں کے شہر میں
نفرتوں کے زہر میں
جینا بہت آسان تھا
دوستوں کے درمیاں
ہر پل وفا کے امتحاں
جینا بہت مشکل ہوا

 

مگر خوب :a180: :a180: آپی

 

سب کا بہت شکریہ :happy:

 

گفتگو کچھ اس طرح کی زخم گہرا کر دیا
رات اس نے میرا لہجہ بھی فسردہ کر دیا


پہلی صف میں بیٹھ کر فرمائش ِ اشعار کی
کل بھری محفل میں اس نے مجھ کو تنہا کر دیا

 

پہلی صف میں ۔

واہ خوشی جی واہ ۔

 

بہت شکریہ نعیم جی

 

بہت شکریہ خان جی

 

بہت ہی عمدہ جناب۔۔۔کس کے اشعار ہیں۔بہت ہی خوب ہیں۔۔

 

بہت شکریہ مبارز جی اعتبار ساجد کے

 

شکریہ خوشی جی۔۔

 

ھے یہ بازار جھوٹ کا بازار
پھر یہی جنس کیوں نہ تولیں ہم

کرکے ایک دوسرے سے عہد وفا
آؤ کچھ دیر جھوٹ بولیں ہم

 

شکریہ خان جی پھول بدلنے کا زیادہ شکریہ :happy:

 

زندگی کیا تری آہٹ کی صدا ہو جیسے
بندگی کیا، ترے ملنے کی دعا ہو جیسے

کسی خوشبو سے، کسی لمس کی سرگوشی سے
دلِ وارفتہ کا دروازہ کھلا ہو جیسے

سرخ چوڑی کی کھنک چھیڑ گئی پھر ہم کو
پھر تری یاد کا کنگن سا بجا ہو جیسے

تیری آواز کی رِم جھم سے شرابور ہے دل
میں تمھارا ہوں، یہ دھیرے سے کہا ہو جیسے

اس تصور سے ہی سرشار رہا کرتی ہوں
میرا آنچل ترے دامن سے بندھا ہو جیسے

کس سے مرمٹنے کی سیکھی ہے ادا کیا کہیے
شمع پر پھر کوئی پروانہ جلا ہو جیسے

بن تیرے زیست تھی اِک درد سمندر کی طرح
یا کڑی دھوپ میں اک آبلہ پا ہو جیسے

پھر پلٹ آئے ہو کیا سوچ کے جانِ جاناں
پا بہ زنجیر ابھی میری وفا ہو جیسے


نسرین سید​

 

بہت خوب۔۔عمدہ انتخاب ہے۔۔۔داد قبول کریں۔۔۔ :happy:

 

شکریہ مبارز صاحب ۔ :happy:

 

خوب نیلو جی

 

اوج افلاک ھے مری منزل
میری پرواز رک نہیں سکتی

میری آواز روکنے والو!
میری آواز رک نہیں سکتی

 

اچھا قطعہ ہے ۔ لیکن یہ لڑی پوری پوری غزلیات و نظمیات کی ہے۔ :139:

 

تو آپ شوق سے اس قطع کو ختم کر دیں یہاں سے ، ویسے یہ ایک مکمل قطعہ ھے

 

:a180: عمدہ انتخاب ہے۔ :a180:

 

:201: :201: :201: :201: :201: :201: :201: :201:


:a165: :a180:

 

آنکھ میں بوند نہ ہو دل میں سمندر رکھنا
دولتِ درد کو دنیا سے چھپا کر رکھنا

کل گئے گذرے زمانوں کو خیال آئے گا
آج اتنا بھی نہ راتوں کو منور رکھنا

اپنی آشفتہ مزاجی پہ ہنسی آتی ہے
دشمنی سنگ سے اور کانچ کا پیکر رکھنا

آس کب نہیں تھی دل کو تیرے آ جانے کی
پر نہ ایسی کہ قدم گھر سے نہ باہر رکھنا

ذکر اس کا ہی سہی بزم میں بیٹھے ہو فراز
درد کیسا ہی اٹھے ہاتھ نہ دل پر رکھنا


احمد فراز​