بلوچستان کے مسائل کے حل میں سنجیدگی ضروری ہے

پاکستان اس وقت کئی مسائل کا شکار ہے ایک طرف مہنگائی، بیروزگاری، لوڈشیڈنگ، بدامنی عام ہے تو دوسری طرف حکومتی رٹ کو چیلنج کیا جارہا ہے۔ سوات، بلوچستان، بونیر، کراچی بدامنی کا شکار ہے۔ بلوچستان ایک طرف غیر ملکی سازشوں کا مرکز ہے تو دوسری طرف بلوچستانی عوام کو یہ باور کرایا جارہا ہے کہ ان کے مسائل کا ذمہ دار پنجاب ہی ہے۔

ذوالفقار علی بھٹو نے سردار اختر مینگل کی حکومت ختم کرکے صوبے میں اضطراب، بے چینی بڑھا دی۔اور بعد میں بلوچستان میں مری اور بگٹی قبیلے پر لشکر کشی کردی جس کا ذمہ دار پنجاب کو قرار دیا جاتا رہا۔ مشرف دور میں نواب اکبر بگٹی کو ہلاک کیاگیا جس کی وجہ سے ملبہ ایک بار پھر پنجاب پر ڈال دیا گیا۔ پھر آصف زرداری کے دورحکومت میں تین سرداروں کو ہلاک کیا گیا تو پھر پنجاب زیر عتاب آگیا۔

دیکھا جائے تو بھٹو، زرداری، پرویز مشرف کا تعلق سندھ سے تھا نا کہ پنجاب سے۔ لیکن اس کے باوجود بلوچستان میں مقیم پنجابیوں، سندھیوں پختونوں پر حملے کی وارداتیں عام ہوچکی ہیں ان کے قتل اور گھروں کو جلانے کی کوشش کی جارہی ہے۔ بلوچستان میں نفرت پھیلانے کے پیچھے کونسے ہاتھ کارفرما ہیں ان میں ماضی کے صدر مشرف، بھٹو قابل ذکر ہیں جبکہ موجودہ صدر آصف زرداری بھی سنجیدگی کا مظاہرہ نہیں کررہے۔

ان حالات میں میاں محمد نواز شریف کا کردار مثبت ہے۔ انہوں نے وزیراعظم گیلانی کو کچھ دن پہلے تجویز دی کہ قومی کانفرنس بلائی جائے لیکن اس تجویز کے کچھ دن بعد ہی زرداری لیبیا کے دورہ پر چلے گئے حالانکہ لیبیا کا دورہ بعد میں بھی کیا جاسکتا تھا۔جب تک زرداری صاحب آمادہ نہیں ہوتے یہ کانفرنس ممکن نہیں کیونکہ حکومت کی باگ دوڑ ان کے ہاتھ میں ہے۔ دوسری طرف کراچی میں دہشت گردی کی وارداتیں ہورہی تھیں اور معصوم لوگ جانوں سے ہاتھ دھورہے تھے تو زرداری‌صاحب طرابلس میں شہیدوں کے مزاروں پر حاضری فرمارہے تھے حالانکہ انہیں اسی وقت دورہ ادھورا چھوڑ کر وطن واپس آنا چاہئے تھا۔ جب برطانیہ میں 7 جولائی کو بم دھماکے ہوئے تو ٹونی بلئیر بیرون ملک تھے وہ دورہ ادھورا چھوڑ کر واپس آگئے۔ اسے کہتے ہیں‌ذمہ داری

بلوچستان کے مسائل کیا ہیں اور انہیں کیسے حل کیا جاسکتا ہے۔ امید ہے کہ حکومت کو بلوچیوں کا موقف معلوم ہوگا۔ بلوچیوں کے مسائل باآسانی حل کئے جاسکتے ہیں۔ بلوچی رہنماؤں کو ایک کانفرنس کے تحت بلایا جائے اور ان سے پوچھا جائے کہ ان کے مسائل کیا کیا ہیں اور ان کے مسائل جنگی بنیادوں پر حل کئے جائیں۔ مجھ جیسے ناقص العلم قاری کے مطابق بلوچستان کے درج ذیل حل ہوسکتے ہیں۔

1۔ بلوچستان کے تمام میگا پراجیکٹس میں پہلے بلوچیوں کوشریک کیاجائے۔ اگر ان میں اتنی اہلیت نہ ہوتو ان کی مناسب ٹریننگ کی جائے۔

2۔ بلوچیوں کی جن زمینوں سے گیس نکلتی ہے ان علاقوں میں ایک ضابطہ کے تحت مکمل خودمختاری دی جائے۔ بلوچیوں کو صنعتیں بنا کر دی جائیں تاکہ وہ ایل پی جی، سی این جی گیس خود تیارکرسکیں۔

3۔ دوسرے صوبوں کو گیس کی فراہمی کی صورت میں حکومت آمدنی کم از کم پچاس فیصد حصہ بلوچستان حکومت کو دے۔

4۔ شرح خواندگی بڑھانے کے لئے بلوچستان میں ایک بڑی تعداد میں سکول، کالج، یونیورسٹیاں قائم کی جائیں، خاص طور پر ووکیشنل اور ٹیکنیکل انسٹی ٹیوٹ بنائے جائیں۔

5۔ بلوچستان میں افغانستان سے آنیوالوں کی باقاعدہ رجسٹریشن کی جائے تاکہ امن وامان کی‌صورت حال خراب نہ ہوں۔

6۔ بلوچستان کے حقوق اس شرط میں پورے کئے جائیں کہ یہاں سرداری نظام ختم کریں۔تاکہ برابری کی فضاء پیدا ہو اور لوگ سرداری نظام کے اثر سے نکل سکیں۔

7۔ بلوچستان کو وفاقی وزارتوں اور ملازمتوں میں متناسب نمائندگی دی جائے

8۔ بلوچستان میں تمام سرکاری ملازمتیں‌صرف بلوچیوں کو دی جائیں۔

9۔ بلوچستان میں‌صنعتوں کا جال بچھایا جائے جن میں پہلے بلوچیوں کو ملازمت دی جائے۔

ماضی میں ہم مشرقی پاکستان اسی وجہ سے کھو چکے ہیں کہ ہم نے مشرقی پاکستان کے لوگوں کو حقوق سے محروم رکھا، جس کا نتیجہ ہم بنگلہ دیش کی صورت میں بھگت رہے ہیں آج وہ بنگلہ دیش ترقی میں ہم سے آگے نکل گیا ہے اور ہم اس سے بہت پیچھے جارہے ہیں اس کی وجہ ناانصافی پر مبنی نظام ہے۔ خدانخواستہ بلوچستان میں جاری شورش کو کنٹرول نہ کیاگیا اور ہم بلوچستان سے ہاتھ دھو بیٹھے تو ان وسائل سے بھی ہاتھ دھو بیٹھیں گے جنہیں ہم استعمال کررہے ہیں۔طاقت سے مسائل حل نہیں ہوتے مزید الجھتے ہیں، اچھی سیاست وہی ہوتی ہے جو مذاکرت اور مفاہمت سے کی جائے۔اگر ابھی بلوچستان کے مسائل کے حل میں سنجیدگی نہ دکھائی گئی اور تاخیری حربے استعمال کئے گئے تو خدانخواستہ ایک اور نتیجہ بنگلہ دیش کی صورت میں نکل سکتا ہےاور پیپلزپارٹی کو ایک بار پھر ملک توڑنے کا ذمہ دار ٹھہرایا جاسکتا ہے۔

 

تصحیح کے لئے شکریہ محبوب بھائی :flor:

 

اچھی شئیرنگ ھے خان جی کی نشاندہی پہ اور بھی اچھی ہو گئی :a180:

 

السلام علیکم۔ راشد بھائی ۔ آپ کی تحریر بہت معلوماتی ہے۔ ماشاءاللہ ۔ بہت شکریہ ۔

محبوب خان بھائی ۔ آپ کا تعلق چونکہ بنیادی طور پر اسی علاقے سے ہے اس لیے آپ سے گذارش ہے کہ بلوچستان کے ماضی و حال پر کچھ روشنی ڈالیے تاکہ ہم سمجھ سکیں کہ حقائق کیا ہیں اور پراپیگنڈہ کیا ہے ۔

پیشگی شکریہ ۔

 

السلام علیکم۔ پیارے محبوب خان بھائی ۔

یقین کریں وطنِ عزیز کے اہم حصہ بلوچستان کے بارے میں اتنی جامع و تفصیلی معلومات ایک ہی نشست میں پہلی دفعہ پڑھنے کو ملیں۔ میں آپکا دل کی گہرائیوں سے ممنون ہوں ۔ بہت سی معلومات قابلِ فخر بھی ہیں۔ اور بہت سی قابلِ غور و فکر بھی ۔

محبوب بھائی ۔ آپ نے درست فرمایا کہ بنیادی تعلیم اور بنیادی انسانی حقوق کی فراہمی کسی بھی ریاست کے بنیادی فرائص میں ہوتا ہے اور وہی ریاستیں نقشہء ارضی پر تادیر موجود رہتی ہیں جو اپنے عوام کو یہ سہولیات بطریق احسن مہیا کرتی ہیں۔ ہمیں بطور پاکستانی اس امر پر سوچنا اور غور کرنا ہوگا اور ایسے نااہل حکمرانوں سے نجات حاصل کرنا ہوگی جو آج تک پاکستان کے مختلف خطوں کو اپنی مفاد پرستی کی بھینٹ چڑھا کر بنیادی حقوق سے محروم رکھے ہوئے ہیں۔

محبوب خان بھائی ۔ ایک بار پھر دل سے شکریہ ادا کرتا ہوں کہ آپ نے اتنی محبت سے پیارے بلوچستان کے بارے ہمیں بتلایا ۔ آپکے قلم کی روانی سے اندازہ ہوتا ہے کہ آپ اس موضوع پر ابھی بہت کچھ مزید لکھ سکتے ہیں ۔ اور امید ہے کہ گاہے بگاہے یہ علمی کام سر انجام دیتے رہیں گے۔ انشاءاللہ ۔

اللہ تعالی آپکو جان و ایمان کی سلامتی عطا فرمائے۔ آمین

 

محبوب خان صاحب ۔ آپ تو :mashallah: بلوچستان کا انسائیکلوپیڈیا ہیں۔
بہت سا شکریہ

 

شکریہ محبوب بھائی مفید انفارمیشن ہیں۔

 

السلام علیکم۔ جناب محبوب خان صاحب۔
بلوچستان صوبہ سے متعلق مفصل معلومات ارسال فرمانے کے لیے شکریہ ۔ :titli:

 

میں بھی ادھر اپنی کوئی رہے دے سکتا ہوں :nose:

 

بہت خوب

 

حکمرانوں کی پالیسیوں میں تضاد ہے،بلوچستان کے عوام کو معاشی و سیاسی حقوق دئیے جائیں،قیام امن کیلئے سوات ضرورت جاؤنگا،ظفر الحق
جمعرات اپریل 23, 2009
اسلام آباد ( رپورٹ: قاسم نواز) پاکستان مسلم لیگ ( ن) کے چیئرمین راجہ ظفر الحق نے اعلان کیا ہے کہ وہ سوا ت میں قیام امن کے لیے وہاں ضرور جائیں گے اور مقامی لیڈر شپ سے مذاکرات کریں گے تاکہ یہ مسئلہ حل ہوسکے بلوچستان کے مسائل بھی مذاکرات سے حل کئے جاسکتے ہیں وہاں ابھی تک حالات کنٹرول میں ہیں تاہم رابطے اور اعتماد کی کمی کا سامنا ہے اندرونی و بیرونی سازشوں اور دخل اند ا ز یوں کا مقابلہ کرنے کے لیے تمام سیاسی جماعتوں کو اتحاد کا عملی ثبوت دینا چاہیے ان خیالات کا اظہار انہوں نے چیف ایڈیٹر’’ جناح‘‘ خو شنو د علی خان کو خصوصی انٹرویو دیتے ہوئے کیا خو شنو د علی خان نے اپنی گفتگو میں راجہ ظفر الحق سے سوال کیا کہ راجہ صاحب آپ جیسے قدوقامت کے سیاسی رہنما کو ضرور قیام امن کے لیے سو ات جانا چاہیے اس سے امن کا راستہ ضرور نکلے گا وقت گزر جاتا ہے اب آپ جیسے رہنماؤں کو سو ات کی طرف امن لانگ مارچ کرنا چاہیے جس پر مسلم لیگ ( ن) کے چیئرمین نے جواب دیا کہ وہ خود بھی سوچ رہے ہیں کہ سو ات میں قیام امن کے لیے وہاں جانا چاہیے اور وہاں جاکر مثالی لیڈر شپ سے بات کرنی چاہیے اور ان لوگوں اور رہنماؤں سے بھی رابطہ کرنا چاہیے کیونکہ مذاکرات سے مسائل حل ہوسکتے ہیں راجہ ظفر الحق نے مزید کہا کہ بلوچستان کے حالات اس وقت گھمبیر صورتحال اختیار کر چکے ہیں حکمرانوں کی پالیسیوں میں تضاد ہے جس کی وجہ سے حالات اس نہج تک پہنچ گئے ہیں اگر بلوچستان کے عوام کو اس کے معاشی اور سیاسی حقوق دے دئیے جائیں تو یہ مسئلہ بھی حل ہوسکتا ہے ا نہو ں نے کہا کہ ماضی میں بلوچستان کے عوام سے بڑی زیادتی ہوئی ہے سوئی گیس کی بلوچستان کو رائلٹی 50روپے اور سندھ اور پنجاب سے نکلنے والی گیس پر 200روپے رائلٹی دی جارہی ہے جو زیادتی ہے اس کو برابری کی سطح پر لانا چاہیے ملازمتیں میرٹ پر دی جائیں انہوں نے کہا کہ 77ء میں فوجی آپریشن بند ہوا تو وفاقی حکومت نے ریلوے ، وا پڈ ا اور مواصلات کے افسروں کی ایک مشترکہ ٹیم کوئٹہ بھجوائی تھی جس نے تمام بے روزگار نوجوانوں کو بھرتی کیا تھا جس کی وجہ سے نہ صرف امن بحال ہوگیا تھا بلکہ اس سے ان کے خاندان کو بھی معاشی استحکام ملا اور انہیں محسوس ہوا کہ وہ بھی پاکستان کا حصہ ہیں راجہ ظفر الحق نے کہا کہ اگر ایک جاب کے لیے بی اے کی شرط ہے تو اسے کم کرکے ایف اے کر دیا جائے تاکہ زیادہ سے زیادہ نوجوان ملازمتوں میں آسکیں اور بلوچستان کے نوجوانوں کو پنجاب اور وفاق کے علاوہ دوسرے صوبوں اور فوج میں بھی ملاز متیں دی جانی چاہیئں انہوں نے کہا کہ بیورو کر یسی نے ہمیشہ وسائل کی تقسیم کیلئے آبادی کو بنیاد بنایا جس کی وجہ سے بلوچستان جو رقبے کے اعتبار سے آدھے پاکستان سے زیادہ ہے اس کے ساتھ ناانصافی ہوئی اس لیے اب ضرورت ہے کہ پہلے ناانصافی ختم ہو اور دوسرے علاقوں کو برابر لانے کے لیے اقدامات کیے جائیں راجہ ظفر الحق نے کہا کہ بلوچ سردار ترقی کے دشمن نہیں ہیں یہ سارا پروپیگنڈہ کیا جاتا ہے اگر انہیں آئین کے مطابق حقوق دئیے جائیں یو نیو ر سٹیا ں ، کالج اور میڈیکل کالج بنا دئیے جائیں تو حالات بہتر ہوسکتے ہیں صرف چھاؤنیاں بنانے سے مسائل حل نہیں ہوتے بلوچستان میں کاریز کا سسٹم ناکارہ ہوگیا ہے اگر وہاں پانی کی فراوانی شروع ہوجائے تو وہاں کی زمین دوسرے صوبوں سے بہتر فصل پیدا کرتی ہے اور سب کی پیداوار دوگنا ہوجائے گی سعودی عرب اور مصر کی طرح سمندری پانی کو قابل استعمال بنا کر پانی کا مسئلہ حل کیا جائے ایک سوال کے جواب میں راجہ ظفر الحق نے کہا طالبانائزیشن کے مسئلے کو سنجیدگی سے لینا چاہیے اس بارے میں بہت سے ممالک پاکستان کو غیر مستحکم کرنا چاہتے ہیں اور اپنے اپنے ایجنڈے کو آگے بڑھا رہے ہیں جن میں ان کی کوشش ہے کہ ہمارے اندرونی اختلافات کو بڑھایا جائے اور ان کی پہلی کوشش یہ ہے کہ ہمیں کمزور کرکے ہماری ایٹمی صلاحیت کو چھین لیا جائے اور باقی پاکستان کو چھپنے والے نقشوں کے مطابق مختلف حصوں میں تقسیم کر دیا جائے انہوں نے کہا کہ بلوچستان میں ابھی تک صورتحال کنٹرول میں ہے رابطہ کی کمی کی وجہ سے اعتماد کی کمی ہے اور بیرونی ہاتھ بھی اس میں ملوث ہے اس لیے ضرورت اس امر کی ہے کہ سب سیاسی جماعتوں کو مل کر HANDS OF PAKISTANبنایا جائے اور باہر سے آنے والوں کو مل جل کر روکنا چاہیے انہوں نے کہا کہ میاں نواز شریف کی پالیسیوں میں کوئی تضاد نہیں وہ پہلے ہی کہہ چکے ہیں کہ روایتی نظام بارے عوام میں بے چینی پائی جاتی ہے اور عام آدمی چاہتا ہے کہ اس کی زندگی میں آسانیاں پیدا ہوں اس لئے انہوں نے کہا تھا کہ اگر عدالتی اصلاحات نہ ہوئیں تو حالات اسی رخ کی طرف جاسکتے ہیں جس طرح سو ات کے ہیں اور پھر مارچ کو روکنے والے ناکام رہیں گے

 

السلام علیکم۔ محبوب خان بھائی ۔
اتنی تفصیلی معلومات مہیا کرنے پر آپ نے پھر سے مجھے اپنا گرویدہ کر لیا۔
بہت بہت شکریہ ۔

اللہ تعالی ہمارے ملک کو دشمنوں کی نظرِ بد سے محفوظ رکھے۔ آمین