نیلو رانی کا ذوق

اس محبت کے لیے شکریہ نادیہ رضا بہن۔

 

بےباک صاحب
آپ جیسے صاحبِ ذوق کو میرا انتخاب پسند آیا۔ میری خوش بختی۔
آپ کا بہت شکریہ

 

ماشاءاللہ نیلو جی،بہت اچھا ذوق ہے آپ کا

حسن آواز میں‌ہو شعر میں‌یا صورت میں
اہلِ دل کے لئے غارت گرہ جاں ہوتی ہے :yes:

 

نیلو باجی ۔
آپ نے شاعری کے چوپال میں‌خوبصورت اضافہ فرمایاہے۔
بہت عمدہ کلام ہے۔ :a180:

 

بےمثال صاحب اور نور بہنا ۔
حوصلہ افزائی کے لیے بہت ممنوں ہوں۔

 

تعبیر ہو جسکی اچھی سی ،کوئی ایسا خواب نہیں دیکھا
کوئی ٹہنی سبز نہیں پائی ،کوئی شوخ گلاب نہیں دیکھا

ایسا ہے کہ تنہا پھرنے کا کچھ اتنا زیادہ شوق نہیں
تیرے بعد سو ' ان آنکھوں نے کبھی جشن ِ مہتاب نہیں دیکھا

ہم ہجر زدہ سودائی تھے ، جلتے رہے اپنے شعلوں میں
اچھا ہے کہ توُ محفوظ رہا ، تونےُ یہ عذاب نہیں دیکھا

بس اتنا ہوا ہم تشنہ دہن لوٹ آئے بھرے دریاؤں سے
کوئی اور فریب نہیں کھایا ،کوئی اور سراب نہیں دیکھا

ہم سا جو شکستہ قلب ملا ،اُسے دل سے لگا کر چُوم لیا
اس سے بہتر اس سے بڑھکر کوئی کار ِثواب نہیں دیکھا

 

قرارِ جاں بھی تمھی، اضطرابِ جاں بھی تمھی
مرا یقیں بھی تمھی ہو، مِرا گماں بھی تمھی

تمھاری جان ہے نکہت، تمھارا جسم بہار
مِری غزل بھی تمھی، میری داستاں بھی تمھی

یہ کیا طِلسم ہے، دریا میں بن کے عکسِ قمر
رُکے ہوئے بھی تمھی ہو، رواں دواں بھی تمھی

خدا کا شکر، مرا راستہ معیّن ہے
کہ کارواں بھی تمھی، میرِ کارواں بھی تمھی

تمھی ہو جس سے ملی مجھ کو شانِ استغنا
کہ میرا غم بھی تمھی، غم کے رازداں بھی تمھی

نہاں ہو ذہن میں وجدان کا دُھواں بن کر
افق پہ منزلِ ادراک کا نشاں بھی تمھی

تمام حُسنِ عمل ہوں، تمام حُسنِ بیاں
کہ میرا دل بھی تمھی ہو، مرِی زباں بھی تمھی​

 

واہ نیلو صاحبہ ۔ کیا عمدہ انتخاب ارسال فرمایا ہے۔
دونوں کلام بہت ہی خوبصورت ہیں۔ :a180:

 

واہ نیلو بہت خوب :a165:

 

بہت خوب۔۔

 

قرارِ جاں بھی تمھی، اضطرابِ جاں بھی تمھی
مرا یقیں بھی تمھی ہو، مِرا گماں بھی تمھی

تمھاری جان ہے نکہت، تمھارا جسم بہار
مِری غزل بھی تمھی، میری داستاں بھی تمھی​

بہت خوب نیلو جی ، ، ماشاء اللہ

 

نیلو رانی بہن۔ عمدہ انتخاب ہم تک پہنچانے کے لیے شکریہ ۔
آپ ہماری اردو کے دیگر چوپالوں کے ساتھ ساتھ شاعری چوپال میں بھی خوبصورت اضافہ ہیں۔ :mashallah:

 

نیلو رانی جی کچھ شیئر کریں۔۔۔

 

سلام عرض ہے۔
نعیم صاحب، نادیہ رانی، نور رانی ، بےباک صاحب اور مبارز صاحب
سب کی پسندیدگی کے لیے میں بہت ممنون ہوں۔
مجھ جیسی نئے صارف کی اتنی پذیرائی بہت حوصلہ افزائی ہے۔
شکریہ

 

جب ہم کہیں نہ ہوں گے تب شہر بھر میں ہوں گے
پہنچے گی جو نہ اس تک ہم اس خبر میں ہوں گے

تھک کر گریں گے جس دم بانہوں میں تیری آ کر
اُس دَم بھی کون جانے ہم کس سفر میں ہوں گے

[highlight=#FFFFFF:3gu4tgus]اے جانِ عہد و پیماں !! ہم گھر بسائیں گے ہاں
تُو اپنے گھر میں ہو گا ، ہم اپنے گھر میں ہوں گے[/highlight:3gu4tgus]

میں لے کے دل کے رشتے گھر سے نکل چکا ہوں
دیوار و دَر کے رشتے۔۔دیوار و دَر میں ہوں گے

ترے عکس کے سوا بھی اے حُسن وقتِ رخصت
کچھ اور عکس بھی تو اس چشمِ تر میں ہوں گے

ایسے سراب تھے وہ ایسے تھے کچھ کہ اب بھی
میں آنکھ بند کر لوں تب بھی نظر میں ہوں گے

اس کے نقوشِ پا کو راہوں میں ڈھونڈنا کیا
جو اس کے زیر پا تھے وہ میرے سر میں ہوں گے

وہ بیشتر ہیں جن کو کل کا خیال کم ہے
تُو رُک سکے تو ہم بھی ان بیشتر میں ہوں گے

آنگن سے وہ جو پچھلے دالان تک بسے تھے
جانے وہ میرے سائے اب کِس کھنڈر میں ہوں گے


جون ایلیا​

 

بہت خوب بہت ہی عمدہ و اعلی۔۔

 

بہت اچھا نیلو بہن
کیابات ہے آپ کے ذوق کی
اللہ خوش رکھے

 

مبارز صاحب اور عدنان بھائی ۔
اتنی پرخلوص پذیرائی کے لیے بہت شکریہ ۔ :a191:

 

واہ نیلو صاحبہ۔ آپ کا شاعرانہ ذوق بہت اچھا ہے۔ ماشاءاللہ
خوب شاعری ارسال فرما رہی ہیں۔

 

ماشاء اللہ نیلوفر بہن

بہت اچھی شاعری شئیر کی ہے آپ نے

 

عقرب صاحب اور راشد صاحب۔
آپ کا بہت شکریہ ۔

 

چاہتوں میں گِلے نہیں ہوتے
عشق میں ضابطے نہیں ہوتے

یاد کرتے ہیں دل ہی دل میں تجھے
اب ترے تذکرے نہیں ہوتے

اپنے دل میں دیئے جلا لو اب
راستوں میں دیئے نہیں ہوتے

کھو کے سب کچھ یہ خیال آیا
کاش ! ہم تم مِلے نہیں ہوتے

میری قسمت وہ بن تو جائے مگر
آج کل مُعجزے نہیں ہوتے​

 

واہ نیلوفر صاحبہ ۔
بہت عمدہ انتخاب ہے۔

اگر آپ شاعر کا نام بھی لکھ دیتیں تو انہیں بھی داد و ستائش پہنچا دیتے۔

 

واہ اچھا انتخاب ہے۔

جون ایلیا میرے بھی پسندیدہ شاعر ہیں۔۔۔۔۔۔۔۔۔۔کیا بات ہے ان کی اور کیا بات ہے آپ کے انتخاب کی۔واہہہہہہہہہہہہہ :a180: :a180: :a180: :a180:

 

سلام عرض ہے
نعیم صاحب اور علی عمران صاحب
آپ کے بہت سا شکریہ ۔

 

بہت ہی عمدہ انتخاب ۔ ۔

 

شکریہ ملک زلفی صاحب۔
بہت شکریہ

 

شاعر کا نام ضرور لکھا کریں تا کہ شاعر صاھب کو بھہی سراہا جا سکے ۔ اس سے یہ بھی پتہ چلتا رہے گا کہ اتنا اچھا کلام کس کا ہے ۔ ۔

 

ان کا تو معلوم نہیں تھا زلفی جی
آئندہ دھیان رکھوں گی ۔

 

اے شمع ہم سیکھ ضبط محبت کا حوصلہ
تو تو ایک ہی رات میں ساری پگھل گئی​

:a191:​