خوشی کی پسندیدہ شاعری

:mashallah: :mashallah: :mashallah:
ہماری اردو کی خوش قسمتی کے آپ جیسے اعلی ذوق صارفین یہاں موجود ہیں۔
جو ہمیں ہمیشہ اچھی اچھی شاعری پڑھنے کو مہیا فرماتے رہتےہیں۔
:mashallah: :mashallah: :mashallah:

 

آپ کا بہت شکریہ دونوں صورتوں میں‌،

 

خوشی جی مزید کچھ شیئر کریں۔۔۔

 

دل ہی تھے ہم دکھے ہوئے تم نے دکھا لیا تو کیا
تم بھی تو بے اماں ہوئے ہمیں ستا لیا تو کیا

آپ کے گھر میں ہر طرف منظِر ماہ و آفتاب
ایک چراغِ شام اگر میں نے جلا لیا تو کیا

باغ کا باغ آپ کی دسترسِ ہوس میں ھے
ایک غریب نے اگر پھول اٹھا لیا تو کیا

لطف یہ ھے کہ آدمی عام کرے بہار کو
موجِ ہوائے رنگ میں آپ نہا لیا تو کیا

اب کہیں بولتا نہیں غیب جو کھولتا نہیں
ایسا اگر کوئی خدا تم نے بنا لیا تو کیا

جو ھے خدا کا آدمی اس کی ھے سلطنت الگ
ظلم نے ظلم سے اگر ہاتھ ملا لیا تو کیا

آج کی ھے یہ کربلا کل پہ ھے اس کا فیصلہ
آج ہی آپ نے اگر جشن منا لیا تو کیا

لوگ دکھے ہوئے تمام رنگ بجھے ہوئے تمام
ایسے میں اہل شام نے شہر سجا لیا تو کیا

پڑھتا نہیں ھے اب کوئی سنتا نہیں ھے اب کوئی
حرف جگا لیا تو کیا شعر سنا لیا تو کیا

 

بہت خوب جناب۔۔۔آداب عرض ہے۔۔!

 

بہت شکریہ ممبئی جی

 

خوشی جی اس کلام پر آپ کا جتنا بھی شکریہ ادا کریں کم ہے،
باغ کا باغ آپ کی دسترسِ ہوس میں ھے
ایک غریب نے اگر پھول اٹھا لیا تو کیا

لطف یہ ھے کہ آدمی عام کرے بہار کو
موجِ ہوائے رنگ میں آپ نہا لیا تو کیا

 

بے باک جی بہت شکریہ اس پسندیدگی کے لئے ،

 

کیا

واہ ۔ بہت خوبصورت غزل ہے۔
بہت خوب خوشی صاحبہ ۔ اعلی انتخاب ہے۔ :a180:

 

اچھا انتخاب ہے۔۔۔۔۔۔۔۔۔۔۔۔واہ واہ قبول فرمائیے۔۔۔۔۔۔۔۔۔۔۔۔۔۔

 

بہت شکریہ آپ سب کا

 

باھر کا دھن آتا جاتا اصل خزانہ گھر میں ھے
ہر دھوپ میں جو مجھے سایہ دے وہ سچاسایہ گھر میں ھے

پاتال کے دکھ وہ کیا جانیں جو سطح پہ ھیں ملنے والے
ھیں ایک حوالہ دوست مرے اور ایک حوالہ گھرمیں ھے

مری عمر کے اک اک لمحے کومیں نے قید کیا ھے لفظوں میں
جو ہارا ہوں یا جیتا ہوں وہ سب سرمایہ گھر میں ھے

تو ننھا منا ایک دیا میں ایک سمندر اندھیارا
تو جلتے جلتے بجھنے لگا اور پھر بھی اندھیرا گھر میں ھے

کیا سونگ بھرے روٹی کے لئے عزت کے لئے شہرت کے لئے
سنو شام ہوئی اب گھر کو چلو کوئی شخص اکیلا گھر میں ھے

اک ہجرزدہ بابل پیاری ترے جاگتے بچوں سے ہاری
اے شاعر کس دنیا میں ھے تو تری تنہا دنیا گھر میں ھے

دنیا میں کھپائے سال کئی آخر میں کھلا احوال یہی
وہ گھر کا ہو یا باہر کا ہر دکھ کا مداوہ گھر میں ھے

 

:flor: :flor:

کیا سونگ بھرے روٹی کے لئے عزت کے لئے شہرت کے لئے
سنو شام ہوئی اب گھر کو چلو کوئی شخص اکیلا گھر میں ھے​

بہت خوب خوشی جی ، واہ واہ ،

 

بہت شکریہ بے باک جی اس پسندیدگی کے لئے

 

واہ خوشی جی ۔ پردیسیوں کو اپنے وطن کی یاد اور احساس دلا دیا۔ :rona:
:a180:

 

خوشی بہت اچھا انتخاب ۔ اگر آپ شاعر کا نام ساتھ دے دیا کریں تو کیا ہی بات ہے ۔
عمدہ بہت عمدہ ۔

 

بہت شکریہ زلفی جی اس پسندیدگی کے لئے
جلدی میں شاعر کا نام لکھنا بھول جاتی ہوں

 

اتنی جلدی مت کیا کریں ۔ آخرشاعر جی کا بھی تو سراہے جانے کا حق ہے ۔ ۔

 

بڑی معذرت اب خیال رکھوں گی مجھے شاعروں کی بددعائیں تھوڑی نہ لینی ھیں

 

آپی ۔ شاعر انتقام لینے کے لیے بددعا کم ہی دیتے ہیں۔ صرف شعر سناتے ہیں :suno:

 

ہا ہا ہا !!! شاعر محترم کو دیکھتے ہی بندہ کہتا ہے اجی میں تو بہرا ہوں ۔ ۔ ۔

خیر ایسے اچھے کلام کے لئے تو ہم ہر دم ہمہ تن گوش ہیں

 

:a180: :a180: :a180: :a165:
زبردست کلام ہے خوشی جی،بہت خوب

 

شکریہ بے مثال جی آج یہاں‌کا رستہ کیسے بھول گئے

 

بہت خوب۔۔آداب عرض ہے۔۔!

 

بہت شکریہ مبارز جی آپ کا آنا اچھا لگا

 

شکریہ۔۔مجھے بھی آپ سے ملنا اچھا لگا۔۔۔ :happy:

 

دوست آپ کو ہر بات ہی اچھی لگتی ہے خاص کر صارفہ کی :happy:

 

تو اپنی آواز میں گم ھے میں اپنی آواز میں چپ
دونوں بیچ دیوار کھڑی ھے دنیا آئینہ الفاظ میں چپ

اول اول بول رھے تھے خواب بھری حیرانی میں
پھر دونوں چلے گئے پاتال سے گہرے راز میں چپ

خواب سرائے ذات میں زندہ ایک تو صورت ایسی ھے
جیسے کوئی دیوی بیٹھی ہو حجرہ رازونیاز میں چپ

اب کوئی چھو کے کیوں نہیں‌آتاادھر سرے کا جیون انگ
جانتے ھیں پر کیا بتلائیں لگ گئی کیوں پرواز کو چپ

پھر یہ کھیل تماشا سارا کس کے لئے اور کیوں صاحب
جب اس کے انجام میں چپ ھےجب اس کے آغاز میں چپ

نیند بھری آنکھوں سے چوما دئیے نے سورج کو اور پھر
جیسے شام کو اب نہیں جلنا کھینچ لی اس انداز میں چپ

غیب سمے کے گیان میں پاگل کتنی تان لگائے گا
جتنے سر ھیں ساز سے باھر اس سے زیادہ ساز میں چپ

 

کلام کچھ کچھ سمجھ آیا ہے۔
بہت خوب ہے۔ :mashallah:

 

میری باتیں آپ کی سمجھ میں نہیں‌آتیں میرا منتخب کلام آپ کو کیسے سمجھ آئے گا بہر حال ایسی داد کا بھی شکریہ