انگریزی لفظ Unique یونِیق

اچھا نکتہ اٹھایا آپ نے ۔ لیکن انگریزی الفاظ کو Q کے استعمال کی وجہ سے اردو کے قالب میں ڈھالتے ہوئے ک یا ق استعمال کرنے کا کوئی اصول اہل زبان نے وضع نہیں کیا۔ جب کسی دوسری زبان کے لفظ کو اصل تلفظ کے ساتھ استعمال کرنا مقصود ہو تو املاء میں زیادہ توجہ ادائیگی کی طرف دی جاتی ہے۔ یا پھر جو املاء عوام میں رواج پا جائے اسے ہی اپنایا جاتا ہے۔ انگریزی زبان کا ایک اصول ہے Q کبھی بھی اکیلا نہیں آتا۔ اس کے بعد a,e,i,o,u میں سے کم از کم 2 2واول آنے لازمی ہیں۔ دوسری بات یہ کہ جو مثالیں آپ نے پیش کیں وہ اصل میں انگریزی کے الفاظ نہیں ہیں۔ یعنی صدیق ، رفیق تو ان پر یہ کلیہ نہیں لگایا جا سکتا۔ مختلف لوگ اپنے نام کے سپیلنگ انگریزی میں مختلف لکھتے ہیں۔ جیسا کہ صدیق کو Sadiq, Saddiq, Sadeeq, Sadque کئی طرح لکھا جاتا ہے۔ چونکہ اصل بات لفظ کی دوسری زبان میں ادائیگی ہے تو ان میں سے کوئی بھی سپیلنگ چل سکتا ہے کسی ایک کو درست نہیں کہہ سکتے۔ دبئی میں 2 قدیر نام کے بندوں کو جانتا ہوں ایک اپنے نام کے سپیلنگ Kadeer لکھتا ہے اور دوسرا Qadeer لکھتا ہے۔ دونوں درست تصور کئے جائیں گے۔
آپ کی رائے کے مقابلے میں یہ مثال بھی پیش کرتا ہوں کہ Queen یعنی ملکہ کو قوین نہیں بلکہ کوئین لکھا جاتا ہے۔ اسی طرح Quick کو کوئیک لکھا جاتا ہے۔
اسی طرح K,C,Q بھی کئی الفاط میں ک یا ق کی آواز دیتے ہیں جو تو املاء رواج پا چکی ہے اسی کو اپنانا چاہیے اس میں کوئی ہرج نہیں ہے۔