اردو میں اردو شاعری

وہ ہم سفر تھا مگر اس سے ہم نوائی نہ تھی
کہ دھوپ چھاؤں کا عالم رہا جدائی نہ تھی

 

در و دیوار پہ حسرت سے نظر کرتے ہیں
خوش رہو اہل وطن ہم تو سفر کرتے ہیں

 

اس قدر رویا ہوں تیری یاد میں
آئینے آنکھوں کے دھندلے ہو گئے

 

آئنے کی آنکھ ہی کچھ کم نہ تھی میرے لیے
جانے اب کیا کیا دکھائے گا تمہارا دیکھنا

 

اس سے کچھ خاص تعلق بھی نہیں ہے اپنا
میں پریشان ہوا جس کی پریشانی پر

 

کوئی تو ہو جو میری روح سے کلام کرے
ہر ایک شخص تو چہرے سے بات کرتا ہے

 

لفظ بھی جس عہد میں کھو بیٹھے اپنا اعتبار
خاموشی کو اس میں کتنا معتبر میں نے کیا

 

مدت ہوئی کہ آپ نے دیکھا نہیں ہمیں
مدت کے بعد آپ سے دیکھا نہ جائے گا
.............۔

 

سلیقہ ہم نے سیکھا ایک پروانے سے جینے کا
اجل کی لو پہ رقصِ زیست کرنا اور مر جانا

 

سچ بولنے کا یہ بھی مجھے فائدہ ہوا
جو کہہ چکا تھا یاد نہ رکھنا پڑا مجھے

 

اسی سے جان گیا میں کہ بخت ڈھلنے لگے
میں تھک کے چھاؤں میں بیٹھا تو پیڑ چلنے لگے
میں دے رہا تھا سہارا تو اک ہجوم میں تھا
جو گر پڑا تو سبھی راستہ بدلنے لگے

 

کار فرہاد سے یہ کم تو نہیں جو ہم نے
آنکھ سے دل کی طرف موڑ دیا پانی کو
سعد اللہ شاہ

 

چاند بھی میری طرح حُسن شناسا نِکلا
اُس کی دیوار پہ حیران کھڑا کب سے

(امجد اسلام امجد)

 

تم آسمان میں اک چمکتا ستارہ ہو
تم طوفان میں سمندر کا کنارہ ہو

غوری​