سلجھ سکتی نہیں ہے وہ، جو الجھن زندگی میں ہے

سلجھ سکتی نہیں ہے وہ، جو الجھن زندگی میں ہے
فقط اتنا سمجھ آیا، مزا بس بندگی میں ہے

خدا کی ذات پر ہم نے توکل کر کے دیکھا ہے
کہیں پر بھی نہیں حاصل سکوں جو سادگی میں ہے

لبوں پر جب بھی آتا کوئی شکوہ شکایت تو
حلاوت نعمتوں کا بھی اگر چہ عاجزی میں ہے

یہ مشروباتِ دنیا بھی اگر پی لو تو کیا حاصل
اگر رب کی رضا ہو تو مزا پھر تشنگی میں ہے

معطر ہو فضا گل کی مہک سے میری خواہش ہے
مسل کر بھی مہکتا ہو مزا تو دائمی میں ہے

زنیرہ گل

 

ماشاءاللہ اچھی غزل ہے ۔۔۔

مطلع بہت عمدہ ہے باقی تمام اشعار بھی بہت خوب ہیں۔۔
لیکن قوافی کا مسئلہ ہے کیونکہ آپ نے مطلع میں زندگی اور بندگی باندھا ہے لہذا قوافی بھی صرف جیسے شرمندگی ، تابندگی، وغیرہ ہی استعمال ہو سکیں گے
اس کا ایک حل یہ ہے کہ ایک مزید مطلع کہہ دیں جن میں قوافی آزاد ہو جائیں،،،

ورنہ آپ کو مطلع تبدیل کرنا پڑے گا جس کا مشورہ میں نہیں دوں گا کیوں کہ مطلع بہت خوبصورت ہے

سلجھ سکتی نہیں ہے وہ، جو الجھن زندگی میں ہے
فقط اتنا سمجھ آیا، مزا بس بندگی میں ہے

 

بہت بہت شکریہ
ان شاء اللہ کوشش کرونگی

 

بہت عمدہ بہت خوب