اَج مکی کالک ساری

رب کھیڈاں کھیڈ دا‘‘ میں سے نظم:
اَج مکی کالک ساری
چڑھیا چت نوں جنڈری چِھکا
چکھیا پھکا نہ کوئی مِٹھا
رہ گیا سبھناں کولوں نِکا
سڑ سڑ ہویا پکلُو سِکہ
کیہڑا اُنگلاں دے وچ جُوڑے
لکھاں حرف پریت دے گوڑھے
پئی اِک اِک ساہ تے چَٹی
گِھس گِھس ہوئی جنڈری پھٹی
لکُ جان ریکھاں کھٹ لاں کھٹی
گاچی لبھن کھلو گئی ہٹی
پا، پا پانی لاہواں دُھوڑے
لکھاں حرف پریت دے گوڑھے
ہوئی پانی دے وچ گِلی
میری پھٹی ہو گئی سلھی
نئیں اگانہہ پچھانہہ میں ہلی
پوچا دتا گاچی ڈِھلی
نئیں کیتے کم سنجوڑے
لکھاں حرف پریت دے گوڑھے
میری پھٹی کر اناری
پائی حرفاں دی پُھلکاری
اَج مکی کالک ساری
پکلُو سِکّے رَتّ کھلاری
آ گئے ویکھن نڈھے بوڑھے
لکھاں حرف پریت دے گوڑھے
​

 

ماریہ