مستنیرِ نورِوحدت حضرتِ فاروق ہیں ۔تنویر پھول , نیو یارک (امریکہ

مستنیرِ نورِوحدت حضرتِ فاروق ہیں
ہالہ ء ماہِ رسالت حضرتِ فاروق ہیں

ہیں وصالِ مصطفیﷺ پر آپ صدمے سے نڈھال
غم زدہ , تصویرِ حسرت حضرتِ فاروق ہیں

ان کی حالت دیکھ لو پھر تم کہو انصاف سے
کیا طلب گارِ خلافت حضرتِ فاروق ہیں ؟

تاقیامت یار دونوں مصطفی ﷺ کے ہیں قریب
حاملِ اسرارِ قربت حضرتِ فاروق ہیں

آپ دامادِ علی ہیں اور مرادِ مصطفیٰﷺ
کون حفصہ کی ابوت ؟ حضرتِ فاروق ہیں

جب فلسطیں جا رہے تھے سونپا حیدر کو نظام
واقفِ رمزِ حکومت حضرتِ فاروق ہیں

شاہزادی شہر بانو , زوجِ شہزادہ حسین
فیصلہ کرنے کی قوت حضرتِ فاروق ہیں

آپ کی تحریک پر قرآں کتابی شکل میں
یوں مدد گارِ حفاظت حضرتِ فاروق ہیں

خادمِ نورالہدی' بے شک ہیں وہ تنویر پھول !
نکہتِ باغِ نبوت حضرتِ فاروق ہیں
-----
تنویر پھول , نیو یارک (امریکہ​

 

سبحان اللہ جزاک اللہ