کنے پھُل کنے پات

کنے پھُل کنے پات
رنگ رنگ دا کھڈئونا
میرے سائیں نے بنائونا
فیر مٹی تے کھلوؤنا
کیہڑے گھر چہ بلوؤنا
کیہڑی منجی تے بٹھوؤنا
کس بن کے پراؤہنا
کیہدا چِت پرچاؤنا
کنے ویکھنا وکھاؤنا
کون چھائیں مان دا
میرا سائیں جان دا
بال، بال، مَچ
اوہ تے رنگ ویکھدا
کِتھے جھوٹ کِتھے سچ
سارے ڈھنگ ویکھدا
کدھی کھچے، کدھی چھڈے
کر تنگ، ویکھدا
پھرے انگ انگ
سارے سنگ ویکھدا
کون کیہدے ہان دا
میرا سائیں جان دا
کِتے چاڑھدا اے دن
کتے پا دیندا رات
لیندا گھڑی وچ مِن
کیہدی کتنی اے ذات
رَکھے سب گِن گِن
کنے پھُل کنے پات
جدوں رَکھ دیندا ہات
اودوں بن جاندی بات
کون ہائیں بال دا
میرا سائیں جان دا
شکیلہ جبین​