دن کچھ ایسےگزارتی ہوں میں ۔۔ اصلاح طلب

دن کچھ ایسےگزارتی ہوں میں
رب کو اپنے پکارتی ہوں میں

اپنے غم اب نہیں سنبھل پاتے
کوششیں کر کے ہارتی ہوں میں

آئینہ ءِ دل چٹخ گیا شاید
کرچیاں ہی سنوارتی ہوں میں

میرا کوئی نہیں ہے اب لیکن
اللہ اللہ پکارتی ہوں میں

زخم چہرے سے نمایاں نہ ہو گل
زلفیں اپنی سنوارتی ہوں میں


زنیرہ گُل

 

دن کچھ ایسے گزارتی ہوں میں
اپنے۔ رب کو پکارتی ہوں ،میں

 

دل ۔کا ،شیشہ چٹخ کےٹوٹ گیا۔۔۔۔۔۔۔۔۔۔۔۔کیسا خوبصورت شعرہے مگر دوسرا مصرع خلافِ منطق ہے اِس لیے پہلے مصرعے
کرچیاں ہی سنبھالتی ہوں میں۔۔۔۔۔۔۔۔۔۔۔کی بے ساختگی بھی متاثر ہورہی ہے اورجوایک عین فطری بات تھی وہ غیر فطری سی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔لگتی ہے۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔کیونکہ شیشہ جب چٹختا ہے تو اُس میں لکیریں پڑ کر رہ جاتی ہیں ، یہ ریزہ ریزہ ہو کر تب
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بکھرتا ہے جب ٹوٹ کر پارہ پارہ ہوجائے۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔آئینۂ دل چٹخ گیا شاید۔۔۔کرچیاں ہی سنوارتی ہوں میں(سنوارنے کا کیا محل ہے؟)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔البتہ دل کے آئینے کو ٹوٹ کر بکھرا ہوا دکھایا جائے تو کرچیاں اب سنبھالتی ہوں میں کہنا بجا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ہوگا۔۔۔۔۔۔سنوارنا تو بہرحال بے محل ہوگا۔۔۔۔۔۔۔۔۔۔۔۔۔۔۔۔۔۔۔واللہ اعلم!

 

دردِ دل ہو عیاں نہ رُخ سے گُل
زلفیں اپنی سنوارتی ہوں میں

 

دن کچھ ایسے گزارتی ہوں میں
اپنے۔ رب کو پکارتی ہوں ،میں

اپنے غم اب نہیں سنبھل پاتے
کوششیں کر کے ہارتی ہوں میں

دل کا شیشہ چٹخ کےٹوٹ گیا
کرچیاں ہی سنبھالتی ہوں میں

میرا کوئی نہیں ہے اب لیکن
اللہ اللہ پکارتی ہوں میں

دردِ دل ہو عیاں نہ رُخ سے گُل
زلفیں اپنی سنوارتی ہوں میں


زنیرہ گُل

 

دن کچھ ایسے گزارتی ہوں میں
اپنے۔ رب کو پکارتی ہوں ،میں۔۔۔۔۔۔۔۔۔۔۔۔۔۔۔۔۔۔۔۔۔۔ویسے تو شعر وہی ہے کہ ایک نے کہی دوسرے نے سنی اور سمجھی مگر نومشق اورمبتدیانِ شعر وسخن
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔کے خیالات ،جو شعرمیں ڈھلے تو کہیں تکنیکی اور کہیں معنوی تشنگی کا رہ جانا کوئی بڑی بات نہیں ہے،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔چنانچہ پڑھنے والا یا سننے والا اپنی سمجھ بوجھ کے مطابق مشورے ، تجاویز اور آراء کا اظہار کرتا ہے تو یہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔محض مشورہ ، تجویز اور رائے ہی ہوتی ہے ماہرینِ فن کی اصلاحیں ،اور ہی وزن اور سند رکھتی ہیں۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔چنانچہ اِن کج مج ترمیمات کو محض ترمیمات ہی سمجھا جائے:
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔اِس بزم میں کیا کوئی سنے رائے ہماری
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔یہ بات ،،یہ اوقات کہاں ہائے ہماری۔۔۔۔۔۔۔(انورشعور)

اپنے غم اب نہیں سنبھل پاتے
کوششیں کر کے ہارتی ہوں میں

دل کا شیشہ چٹخ کےٹوٹ گیا
کرچیاں ہی سنبھالتی ہوں میں۔۔۔۔۔۔۔۔۔۔۔۔۔۔۔۔۔۔کرچیوں کو سنبھالتی ہوں میں

میرا کوئی نہیں ہے اب لیکن
اللہ اللہ پکارتی ہوں میں

دردِ دل ہو عیاں نہ رُخ سے گُل۔۔۔۔۔۔۔۔۔۔۔۔۔۔۔۔۔شاعرہ کہنا چاہتی ہیں کہ دل کے زخم اور اُن کی دکھن چہرے سے ظاہر ہونے سے بچانے کے لیے
زلفیں اپنی سنوارتی ہوں میں۔۔۔۔۔۔۔۔۔۔۔۔۔۔۔۔۔زلف کی آرائش کچھ اس ڈھب سی کی جاتی ہے کہ یہ پردے کا کام دے جائے۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔دردِ دل ہو عیاں نہ رخ سے گل
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔زلف کچھ یوں سنوارتی ہوں میں

 

مطلع میں گزارتی اور پکارتی قوافی کے استعمال کے بعد سنبھالتی قافیہ استعمال نہیں ہو سکتا۔۔۔ کیونکہ "رتی" ردیف میں شامل ہو گیا ہے
اس مصرعے کو دیکھ لیں باقی بہت خوبصورت غزل ہوئی ہے ماشاءاللہ