زمیں پہ رہ کے سرِ آسماں میں زندہ ہوں ۔۔

زمیں پہ رہ کے سرِ آسماں میں زندہ ہوں
قریبِ روضہء شاہِ شہاں میں زندہ ہوں

ملی بہشتِ بریں، وہ بھی زندگی میں مجھے
گمانِ خلد جہاں ہے وہاں میں زندہ ہوں

حیات بخش ہے ہر لمحہ اُن کی چوکھٹ پر
بتا رہی ہے یہ عمرِ رواں میں زندہ ہوں

وہیں پہ مرتا تو پیوندِ خاک ہوجاتا
غمِ حیات بھی ہے امتحاں، میں زندہ ہوں

وبائے دہر نے قربت میں فاصلے رکھے
سمیٹے خود میں یہ دردِ نہاں میں زندہ ہوں

عجیب کشمکشِ موت و زیست لاحق ہے
میں ایسے زندہ ہوں، ایسے میں، ہاں میں زندہ ہوں

ہے وقفِ مدحتِ سرکار دوجہاں ہردم
کچھ ایسے کہتی ہے میری زباں میں زندہ ہوں

فنائے عشقِ نبیﷺ میں یہ بے نیازی ہے
کہاں کا سود کہاں کا زیاں میں زندہ ہوں

دلیلِ لطف و کرم دمبدم ہے یوں عارفؔ
یہ جسم میرا، یہ ہے میری جاں، میں زندہ ہوں
------
سید وحید القادری عارفؔ
​

 

زمیں پہ رہ کے سرِ آسماں میں زندہ ہوں
قریبِ روضہء شاہِ شہاں میں زندہ ہوں

 

ملی بہشتِ بریں، وہ بھی زندگی میں مجھے
گمانِ خلد جہاں ہے وہاں میں زندہ ہوں

 

حیات بخش ہے ہر لمحہ اُن کی چوکھٹ پر
بتا رہی ہے یہ عمرِ رواں میں زندہ ہوں

 

وہیں پہ مرتا تو پیوندِ خاک ہوجاتا
غمِ حیات بھی ہے امتحاں، میںزندہہوں

 

عجیب کشمکشِ موت و زیست لاحق ہے
میں ایسے زندہ ہوں، ایسے میں، ہاں میں زندہہوں

 

ہے وقفِ مدحتِ سرکار دوجہاں ہردم
کچھ ایسے کہتی ہے میری زباں میں زندہ ہوں

 

فنائے عشقِ نبیﷺ میں یہ بے نیازی ہے
کہاں کا سود کہاں کا زیاں میں زندہ ہوں

 

دلیلِ لطف و کرم دمبدم ہے یوں عارفؔ
یہ جسم میرا، یہ ہے میری جاں، میں زندہ ہوں

 

سبحان اللہ ۔جزاک اللہ

 

اللہ تعالٰی آپ کو بھی جزائے خیر عطا کرے آمین