بے خوف کر دیا ہے خوفِ خدا نے مجھ کو---برائے اصلاح

شکیل احمد خان
زنیرہ عقیل
محمد سعید سعدی
----------
بے خوف کر دیا ہے خوفِ خدا نے مجھ کو
دنیا بھلا کے رکھ دی رب کی رضا نے مجھ کو
---------------
چاہت سے سب کو ملنا یہ ہے نبی کی سنّت
رستہ دکھا دیا ہے ان کی ادا نے مجھ کو
----------------
قدموں کو ان کے چھو کر سیکھا ہے عشق میں نے
اپنا سمجھ لیا ہے اہلِ وفا نے مجھ کو
-----------
دنیا ہے چار دن کی کرنا نہ مان اس پر
------یا
دنیا نہیں کسی کی کرنا نہ مان اس پر
اک روز یہ بتایا تھا اک گدا نے مجھ کو
---------
سارے جہاں سے بڑھ کر کرتا ہوں پیار تجھ سے
اپنا بنا لیا ہے تیری وفا نے مجھ کو
------------
دنیا میں بچ کے چلنا میرے کہاں تھا بس میں
خود ہی بچا لیا ہے میرے خدا نے مجھ کو
------------
جنّت کی ہے تمنّا دوزخ کا خوف دل میں
اچھا بنا دیا ہے خوفِ سزا نے مجھ کو
------------
نظریں جھکا کے چلا ارشد کی ہے یہ عادت
انداز یہ سکھایا میری حیا نے مجھ کو
---------------

 

خوب!

 

چاہت سے ملنا سب کو یہ ہے نبی ؐ کی سنت
رستہ دکھا دیا ہے اُن ؐ کی ادا نے مجھ کو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔استادِ محترم کے اعتراض کے بعد:
ہو پیار سب کا دل میں یہ ہے نبیؐ کی سنت
ایسا بنا دیا ہے ان کی ادا نے مجھ کو

 

دنیا میں شر سے بچ کر چلنا نہیں تھا ممکن
ہر گام پر بچایا لیکن خُدا نے مجھ کو

 

نظریں جھکا کے چلنا ارشد کی اب ہے عادت
انداز یہ سکھایا تیری حیا نے مجھ کو

 

بھائی خان صاحب بہت اچھے متبادل الفاظ تجویز کئے ہیں آپ نے ۔ بہت بہت شکریہ۔ مطلع کے متعلّق استادِ محترم کہتے ہیں کہ معانی واضع نہیں ۔ آپ بھی کوشش کریں میں بھی سوچتا ہوں کوئی متبادل

 

استادِ محترم کی مستند رائے میں نے بھی پڑھی۔۔۔۔
بے خوف کردیا ہے خوفِ خُدا نے مجھ کو
آئے گی اب یہ دنیا کیسے ڈرانے مجھ کو

۔۔۔۔یا۔۔۔​

اب کوئی غم نہیں جو آئے ڈرانے مجھ کو

۔۔۔۔یا ۔۔۔۔​

آئے تو اب مصیبت کوئی ڈرانے مجھ کو
۔۔۔۔۔۔یا ۔۔۔۔
ا ب دم نہیں کسی میں آئے ڈرانے مجھ کو

 

اگر آپ کو بُرا نہ لگے تو میں بھی کوشش کروں؟

بے خوف کر دیا ہے خوفِ خدا نے مجھ کو
اب آ نہیں سکے گا باطل ڈرانے مجھ کو

بے خوف کر دیا ہے خوفِ خدا نے مجھ کو
اب آ سکے گا کیسے باطل ڈرانے مجھ کو

 

واہ زنیرہ واہ!
پہلے مصرعے میں کیونکہ حق سبحانہ‘ تعالیٰ کا ذکر اور اُس کی عطاکردہ توفیق
سے شاعر میں تقوے کے خواص کا پیدا ہونا مندرج تھا سو اب ضرورت
تھی کہ کسی مخالف مگر نام نہاد قوت ،جس کے زیرِ اثر یہ رہےتھے، اُس
سے بیزاری کا اظہار ہوجائے۔۔۔۔۔۔۔۔۔۔چنانچہ میرے ذہن میں
کبھی دنیا،کبھی دنیا کے غم اور کبھی دنیا کی مصیبتیں اور پریشانیاں آئیں کہ
آدمی اِن سے بھی خائف رہتا ہے۔۔۔۔۔۔مگر آپ نے قصہ ہی تمام کر
دیا ۔۔۔۔۔۔باطل کا لفظ دیکر۔۔۔۔۔یوں شعر میں صنعتِ تضاد کا حسن
بھی پیدا ہوگیا ۔۔۔۔۔۔۔۔شاباش زنیرہ!
1)۔۔۔اب آنہیں سکے گا باطل ڈرانے مجھ کو
2)۔۔۔اب آسکے گا کیسے باطل ڈرانے مجھ کو
3)۔۔۔آئے گا اب نہ ہرگز باطل ڈرانے مجھ کو
4)۔۔۔باطل میں دم کہاں جو آئے ڈرانے مجھ کو
صنعتِ تضاد :
شعر میں دو ایسے الفاظ جو اپنے مطلب اور مفہوم میں ایک دوسرے کی
ضدہوں،صنعتِ تضاد کہلاتے ہیں:
صبح ہوتی ہے شام ہوتی ہے۔۔۔۔۔۔۔۔۔عمر یوں ہی تمام ہوتی ہے
یا۔۔ایک سب آگ ایک سب پانی ۔۔۔۔۔۔۔دیدہ و دل عذاب ہیں دونوں

 

بھائی مصرع بہت اچھا ہے----مگر قوافی خدا -ادا- رضا --- گدا وغیرہ ہیں ،اس لئے ڈرانے مختلف ہو جائے کیونہ ڈرانے پورا لفظ ہے

 

بے خوف کر دیا ہے خوفِ خدانے مجھ
ورنہ مٹا دیا تھا غم کی بلا نے مجھ کو

 

کتنا گرا دیا تھا حرص و ہوا نے مجھ کو
پھر سے اٹھا دیا ہے خوفِ خدا نے مجھ کو
۔۔۔۔۔۔۔۔۔یا۔۔۔۔۔۔۔۔۔۔۔
بے خوف کردیا ہے خوفِ خدا نے مجھ کو
با حوصلہ بنایا رب کی رضا نے مجھ کو

 

ہاں بھائی اب بات بنی ہے --شکریہ