اشعار برائے اصلاح:اساتذہ کی رہنمائی درکار ہے

مجھ کو اس شہرِ فنا کا کوئی رستہ نہ ملے
جس طرح تشنہ لب شخص کو بادہ نہ ملے

تیرے اک چاہنے والے نے مجھے کل یہ کہا
گر ہو سجدے میں کبھی اور اسے قبلہ نہ ملے

منزلِ عشق کو یہ عقل کہاں ڈھونڈ سکے
ہے یہ وہ راز کہ جس کا کوئی نقشہ نہ ملے

اس جہاں میں کبھی ایسا نہیں دیکھا کہ یہاں
بات حق ہو اور اس کو کوئی طعنہ نہ ملے

میں نہیں مانتا ایسے کسی عاشق کو یہاں
قیس خود کو وہ کہے اور اسے صحرا نہ ملے

وہ ترا ساتھ نبھانے کے کہاں ہیں قابل
جو یہ کہتے ہیں ہمیں زخم بھی گہرا نہ ملے

ہو ترپ سچی ترے دل میں توپھر اے ہمدم
ایسا ممکن نہیں ڈھونڈے تجھےمولی نہ ملے

 

استاد کے طور پر نہیں آپ ہی کی طرح شاعری سے دلچسپی کے سبب چند گزارشات اور سفارشات پیش ہیں:

مجھ کو اُس شہرِ فنا کا کوئی رستہ نہ ملے
جس طرح تشنہ لب شخص کو بادہ نہ ملے۔۔۔۔۔۔اِس مصرعے کو یوں بھی کیا جاسکتا ہے:۔۔۔1)جس طرح پیاسے کسی شخص کو بادہ نہ ملے۔۔2)جیسے لب تشنہ کسی شخص کو بادہ نہ ملے۔۔
حالانکہ تشنہ لب کے بعد ’’شخص ‘‘کا لگانا اضافی ہی لگتا ہے اور ساغر کے بغیر بادہ بھی زیادہ بھلا نہیں لگتا ’’ ساغرِ بادہ‘‘ ہو سکے تو بہتر ہے۔

 

تیرے اِک چاہنے والے نے یہ کل مجھ سے کہا
سر ہو گر سجدے میں اورجو اُسے قبلہ نہ ملے!

 

منزلِ عشق کو یہ عقل کہا ں ڈھونڈ سکی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔دوسرا مصرع یوں ہوسکتا ہے:

ہے یہ جس دنیامیں اُس کاکوئی نقشہ نہ ملے​

 

اس جہاں میں کبھی ایسا نہیں دیکھا کہ کوئی
حق کی رہ چلتے اسے ایک بھی طعنہ نہ ملے۔۔۔۔۔۔۔۔۔۔۔۔۔۔۔حق کی رہ چلتا ہو اور ایک بھی طعنہ نہ ملے

 

شکیل احمد خان محترم بے حد نوازش۔انشاءاللہ ان غلطیوں کو جلد دور کر کے حاضر ہوں گا ۔بےے حد شکریہ

 

شکیل احمد خان آپ کا بے حد شکریہ۔انشاءاللہ ان غلطیوں کو دور کر کے جلد حاضر ہوں گا۔

 

ہمارا راستہ تو علم کا تھا جستجو کا تھا

نہ جانے کون سے رستے سے یہ رستہ نکل آیا​

۔۔۔۔شکریے کی کوئی بات نہیں لکھنے لکھانے اور سیکھنے سکھانے کے عمل سے جڑے رہیں
اور ترقی کرتے جائیں۔یہاں اس بزم میں الحمدللہ دیگر حضرات بھی آپ کی رہنمائی کے لیے
موجود ہیں ، وہ بھی وقتاً فوقتاً انشااللہ اپنی آرا اور قیمتی مشوروں سے نوازتے رہیں گے ،جو آپس
میں ایک دوسرے کے لیے بیحدمفید ہوتے ہیں۔

والسلام​

دعا گو،
شکیل احمد خان۔

 

ماشاء اللہ خوبصورت کلام

اشتراک کا بہت بہت شکریہ

 

شکیل احمد خان
سر اب نظر فرمائیں

مجھ کو اس شہرِ فنا کا کوئی رستہ نہ ملے
جیسے لب تشنہ کسی شخص کو بادہ نہ ملے

راندۂ کوچۂ جاناں ہمیں کہتا تھا یہ کل
اس ستم گار کو سجدے میں بھی قبلہ نہ ملے

منزلِ عشق کو یہ عقل کہاں ڈھونڈ سکی
ہے یہ اس دنیا میں جس کا کوئی نقشہ نہ ملے

اس جہاں میں کبھی ایسا نہیں گزرا کوئی شخص
جادۂ حق پہ چلے اور اسے طعنہ نہ ملے

میں نہیں مانتا ایسے کسی عاشق کو یہاں
قیس خود کو وہ کہے اور اسے صحرا نہ ملے

وہ ترا ساتھ نبھانے کے کہاں ہیں قابل
جو ہیں کہتے ہیں ہمیں زخم بھی گہرا نہ ملے

ہو تڑپ سچی ترے دل میں توپھر اے ہمدم
ایسا ممکن نہیں ڈھونڈے تجھے مولٰی نہ ملے

 

بہت خوبصورت--باقی کمی خان صاحب نے دور کر دی ہے۔خان صاحب اور آپ کو رمضان مبارک اور آنے والی عید کی خوشیاں مبارک

 

محترم ارشد چوہدری صاحب !
آپ کی خیریت خداوند کریم سے نیک مطلوب ہوں۔آپ کو بھی رمضان المبار ک کی نیک ساعتیں اور ان کی برکات اور آنیوالی عید کی بہت بہت مبارکباد پیش کرتا ہوں۔

 

محترم ! بے حد شکریہ اور آنے والی عید کی بہت مبارک
آپ سب کا مشکور ہوں !

 

محترم شکیل احمد خان اس حوصلہ افزئی اور رہنمائی کا تہہ دل سے شکریہ
سدا خوش رہیں

 

شکریہ۔

 

شکریہ۔