اردو میں اردو شاعری

بسے ہوئے تو ہیں لیکن دلیل کوئی نہیں
کچھ ایسے شہر ہیں جن کی فصیل کوئی نہیں

 

رخصت ہوا تو آنکھ ملا کر نہیں گیا
وہ کیوں گیا ہے یہ بھی بتا کر نہیں گیا

 

بھلاتا لاکھ ہوں لیکن برابر یاد آتے ہیں
الہی ترک الفت پر وہ کیونکر یاد آتے ہیں

 

یہ داغ داغ اُجالا یہ شب گزیدہ سحر
وہ انتظار تھا جس کا یہ وہ سحر تو نہیں
یہ وہ سحر تو نہیں جس کی آرزو لے کر
چلے تھے یار کہ مل جائے گی کہیں نہ کہیں

 

کہانی لکھتے ہوئے داستاں سناتے ہوئے
وہ سو گیا ہے مجھے خواب سے جگاتے ہوئے

 

ذرا سی بات تھی، اندیشۂ عجم نے اسے
بڑھا دیا ہے فقط زیبِ داستاں کے لیے
مِرے گُلو میں ہے اک نغمہ جبرئیل آشوب
سنبھال کر جسے رکھّا ہے لامکاں کے لیے

 

جانتا ہوں کہ کئی لوگ ہیں بہتر مجھ سے
پھر بھی خواہش ہے کہ دیکھو کبھی مل کر مجھ سے

 

محبتوں میں ہوس کے اسیر ہم بھی نہیں
غلط نہ جان کہ اتنے حقیر ہم بھی نہیں
نہیں ہو تم بھی قیامت کی تند و تیز ہوا
کسی کے نقش ِ قدم کی لکیر ہم بھی نہیں

 

تم محبت کا اسے نام بھی دے لو لیکن
یہ تو قصہ کسی ہاری ہوئی تقدیر کا ہے

 

پھر کسی یاد نے شب بھر ہے جگایا مجھ کو
کیا سزا دی ہے محبت نے خدایا مجھ کو

دن کو آرام ہے نا رات کو ہے چین کبھی
جانے کس خاک سے قدرت نے بنایا مجھ کو

دکھ تو یہ ہے کے زمانے میں ملے غیر سبھی
جو ملا ہے وہ ملا بن کے پرایا مجھ کو

جب کوئی بھی نا رہا کندھا میرے رونے کو
گھر کی دیواروں نے سینے سے لگایا مجھ کو

یوں تو امید وفا تم سے نہیں ہے کوئی
پھر چراغوں کی طرح کس نے جلایا مجھ کو

بیوفا زندگی نے جب چھوڑ دیا ہے تنہا
موت نے پیار سے پہلو میں بٹھایا مجھ کو

وہ دیا ہوں جو محبت نے جلایا تھا کبھی
غم کی آندھی نے سرِ شام بجھایا مجھ کو

کیسے بھولوں گا وہی وصل کے لمحے
یاد آتا رہا زلفوں کا ہی سایہ مجھ کو

 

تارے گنوائے یا سحر دکھلائے
دیکھئے شام غم کہاں لے جائے

 

شامِ غم۔۔۔ کچھ اس نگاہِ ناز کی باتیں کرو
بے خودی بڑھتی چلی ہے راز کی باتیں کرو

یہ سکوتِ ناز۔۔۔ یہ دل کی رگوں۔۔ کا ٹوٹنا
خاموشی میں کچھ ۔۔ شکستِ ساز کی باتیں کرو

نکہتِ زلفِ پریشاں ۔۔۔۔ داستانِ شامِ غم
صبح ہونے تک ۔۔ اسی انداز کی باتیں کرو

ہر رگِ دل وجد میں آتی رہے ، دکھتی رہے
یوں ہی اس کے جا و بے جا ناز کی باتیں کرو

جو عدم کی جان ہے ، جو ہے پیامِ زندگی
اُس سکوتِ راز۔۔ اُس آواز کی باتیں کرو

عشق رسوا ہو چلا ۔۔۔ بے کیف سا بیزار سا
آج اس کی۔۔۔ نرگسِ غماز کی ۔۔ باتیں کرو

نام بھی لینا ہے جس کا اک جہانِ رنگ و بو
دوستو ! اس نَو ۔۔۔۔ بہارِ ناز کی باتیں کرو

جو حیاتِ جاوداں ہے۔۔ جو ہے مرگِ ناگہاں
آج کچھ اس ناز ۔۔۔ اس انداز کی باتیں کرو

عشق بے پروا بھی اب ، کچھ ناشکیبا ہو چلا
شوخیٔ حسنِ کرشمہ ساز ۔۔۔۔ کی باتیں کرو

جس کی فرقت نے پلٹ دی عشق کی کایا فراقؔ
آج اس عیسی نفس ۔۔۔ دم ساز کی باتیں کرو

فراؔق گورکھپوری

 

یہ ورق ورق تیری داستاں یہ سبق سبق تیرے تذکرے
میں کروں تو کیسے کروں الگ تجھے زندگی کی کتاب سے

 

پوچھتے ہیں بیٹھ کر پہلو میں وہ
اب تو درد دل کو کچھ آرام ہے

 

اسی امید پہ برسیں گزار دیں ہم نے
وہ کہہ گیا تھا کہ موسم پلٹ کے آتے ہیں

 

اس شہر میں کتنے چہرے تھے کچھ یاد نہیں سب بھول گئے
ایک شخص کتابوں جیسا تھا وہ شخص زبانی یاد ہوا

 

کر رہا تھا غم جہاں کا حساب
آج تم یاد بے حساب آئے

فیض احمد فیض

 

اپنی رسوائی تیرے نام کا چرچا دیکھوں
ایک ذرا شعر کہوں اور میں کیا کیا دیکھوں

 

ہر جا تری قدرت کے ہیں لاکھوں جلوے
حیران ہوں دو آنکھوں سے کیا کیا دیکھوں

 

آنکھیں جو اٹھائے تو محبت کا گماں ہو
نظروں کو جھکائے تو شکایت سی لگے ہے

 

ابھی تلک تو نہ کندن ہوئے نہ راکھ ہوئے
ہم اپنی آگ میں ہر روز جل کے دیکھتے ہیں

 

سنا ہے درد کی گاہک ہے چشم ناز اس کی
سو ہم بھی اس کی گلی سے گزر کے دیکھتے ہیں

 

عمر بھر ملنے نہیں دیتی ہیں اب تو رنجشیں
وقت ہم سے روٹھ جانے کی ادا تک لے گیا

 

تشنگی آنکھوں میں اور دریا خیالوں میں رہے
ہم نوا گر، خوش رہے جیسے بھی حالوں میں رہے

 

تیرے خط آج میں گنگا میں بہا آیا ہوں
آگ بہتے ہوئے پانی میں لگا آیا ہوں

 

بہتے ہوئے اشکوں کی روانی میں مرے ہیں
کچھ خواب میرے عین جوانی میں مرے ہیں

 

گلوں میں رنگ بھرے باد نوبہار چلے
چلے بھی آؤ کہ گلشن کا کاروبار چلے

 

لو لگا تے ہیں جو بھی مولا سے
ان کا دنیاسے سروکار نہیں
پیار شرطوں پر آگیا ہے گُل
اب کسی پر بھی اعتبار نہیں

زنیرہ گل

 

چاند بھی حیران دریا بھی پریشانی میں ہے
عکس کس کا ہے کہ اتنی روشنی پانی میں ہے

 

مقیدّ کر نہیں سکتی مگر اپنی ہی خوشبو کو
عدو سے بھی مہک کو فاصلہ کرنا نہیں آتا
شکن بھی گلؔ کے ماتھے کی اسے اچھی نہیں لگتی
کہ خود جس کو کسی کے سامنے ہنسنا نہیں آتا
زنیرہ گل