خدا کا تم پہ ہے,فضل کرم غریب نواز ۔۔ خورشید عالم خورشید

خدا کا تم پہ ہے,فضل کرم غریب نواز
تمھارے حامی, شفیع امم غریب نواز

کہیں حبیب خدا آپ کو, معین الدیں
رکھا ہے آپ نے اس کا, بھرم غریب نواز

بہت قریب ہیں غوث الوری کے,خواجہ پیا
تمام ولیوں میں ہیں , محترم غریب نواز

فروغ دین ہوا ہند میں , ہر اک جانب
یہاں جو پہنچے تمھارے,قدم غریب نواز

شمع جلائی ہے دین مبین , کی تم نے
کیا ہے کفر کو تم نے , بھسم غریب نواز

تم ہی کو شرف ہے سلطان ہند , ہونے کا
رہے گا اونچا سدا یہ, علم غریب نواز

ہو ایسے مہرباں,غمخوار, مفلسون کے تم
تمھیں کہیں سب ہی عرب و عجم غریب نواز

تمھاری یاد میں محفل , سجائی ہے ہم نے
خصوصی کیجئے, نظر کرم غریب نواز

ہماری جھولیاں بھر دیجئے, عطاؤں سے
کھڑے ہیں در پہ, گدا بن کے ہم غریب نواز

یہاں جو بیٹھے ہیں محفل میں,سبکے سب سارے
تمھارے شیدا ہیں , رب کی قسم غریب نواز

دعا یہ مانگی ,صراط الذین انعمت
ہیں آپ ہھی وہ صراط انعم,غریب نواز

ہماری مشکلیں ٹالی ہیں, جب پکارا تمھیں
کئے ہیں دور ہمارے , الم غریب نواز

ہے آرزو یہی خورشید, باخدا دل میں
ہوں سامنے میرا نکلے, جو دم غریب نواز

دعا سے آپ کی کہتا رہوں , میں حمد و نعت
کہوں میں منقبتیں,لکھے قلم غریب نواز
----
خورشید عالم خورشید
​

 

سبحان اللہ ۔ جزاک اللہ

​

 

جزاک اللہ خیر

 

اللہ تعالٰی آپ کو بھی جزائے خیر عطا کرے آمین

 

اللہ تعالٰی آپ کو بھی جزائے خیر عطا کرے آمین

 

آمین