اسے چھوڑ نے سے وفا ہار جاتی ۔۔۔۔۔۔ اصلاح طلب

اسے چھوڑ نے سے وفا ہار جاتی
مری عمر بھر کی دعا ہار جاتی

اگر رو برو ان سے ملتے تو شاید
جھکی وہ نظر کی حیا ہار جاتی

سنبھلنے کا موقع کبھی بھی نہ ملتا
مرے ٹوٹے دل کی صدا ہار جاتی

وہ بیتی عمر کی کہانی سنا کر
وہ کب تک نہ جانے مرا دل جلاتی

اگر آگ سے میں لپٹتی نہ یوں ہی
لپک کر وہ شعلہ نہ دامن جلاتی

وہ بھولے تومیرا تحمل بھی دیکھو
کبھی دکھ نہ اپنا کسی کو سناتی


اگر گلؔ کو روندا تو بس اتنا ہوگا
رہےگی نہ خوشبو کی وہ بے ثباتی

زنیرہ گلؔ

 

بہت خوبصورت ماشاءاللہ اب تو بہت نکھار آ گیا آپ کے الفاظ میں ۔ ساری غزل ٹھیک ہے ، لیکن اگر ہار جاتی والا قافیہ ساری غزل میں رکھتیں تو غزل اور زیادہ خوبصورت ہو جاتی

 

اب مزید ترمیم کے ساتھ دیکھ لیجیے

بھائی شکیل احمد خان صاحب
محترم انکل ارشد چوہدری صاحب
محترم ًمحمد سعید سعدی سعدی صاحب

اسے چھوڑ نے سے وفا ہار جاتی
مری عمر بھر کی دعا ہار جاتی

اگر رو برو ان سے ملتے تو شاید
جھکی وہ نظر کی حیا ہار جاتی

سنبھلنے کا موقع کبھی بھی نہ ملتا
مرے ٹوٹے دل کی صدا ہار جاتی

وہ بیتی عمر کی کہانی سناتے
مرے صبر کی انتہا ہار جاتی

اگر آگ سے میں لپٹتی نہ یوں ہی
جلاتی نہ شعلہ قضا ہار جاتی

وہ بھولے تومیرا تحمل بھی دیکھو
نہ دکھ میں سناتی بقا ہار جاتی

اگر گلؔ کو روندا، فقط اتنا ہوگا
کہ بوئے ثباتی بے جا ہار جاتی

زنیرہ گلؔ

 

اب بہترین ہو گئی ہے

 

بہت بہت شکریہ

 

بہت بہت شکریہ محترم

اللہ آپ کو جزائے خیر دے آمین

 

خان بھائی لگتا ہے میری کوئی باتآپ کو گراں گزری ہے تبھی آپ نے اس خاکسار پر سے نظرِ التفات ہٹا لی ہے

 

اُسے چھوڑنے سے وفا ہار جاتی
مری عمر بھر کی دعا ہار جاتی

اگر بالمشافہ ملاقات ہوتی
تو بارِ ادب سے حیا ہار جاتی

سنبھلنے کا موقع بھی شاید نہ ملتا
مرے سازِ دل کی صدا ہار جاتی

وہ عمرِ گزشتہ کا قصہ سناتے
مرے ضبط کی انتہا ہار جاتی

اگر آگ سے میں لپٹتی نہ یونہی
تو شعلوں کی ضد سے قضا ہار جاتی

وہ بھولے تحمل مگر میرا دیکھو
یہ وہ غم تھا شاید انا ہار جاتی

اگر دامنِ گل کوئی تار کرتا
تو سوزن یہ سیتے قبا ہار جاتی