سر کش مٹے کچھ ایسے کہ نابود ہو گئے ۔۔۔۔ زنیرہ گل

سر کش مٹے کچھ ایسے کہ نابود ہو گئے
رحمت سے رب کی دور وہ مردود ہو گئے
ہر عیب سے بری ہے یہ اللہ کی کتاب
مفروضے منکرین کے بےسود ہو گئے
عقل سلیم ، فکر رسا اور ادائے پاک
جن کو خدا نے بخشی وہ محمود ہو گئے
راہ ِ وفا میں پیکرِ صدق و صفا تھے جو
جویائے حق کی منزل مقصود ہو گئے
ذکرِ خدا میں دیکھ ذرا گلؔ کی بے خودی
کانٹے بھی کھِل کے شاہد و مشہود ہو گئے

زنیرہ گلؔ


شکریہ برائے اصلاح محترم بھائی شکیل احمد خان صاحب

 

وعلیکم شکریہ ،گڑیا رانی!!

 

یہ ایک روح فرسا حقیقت ہے کہ آپ کے تشبیہات، استعارات، محاورات اور ضرب المثال سے آراستہ پیراستہ ثقیل قسم کی اردو ہمارے لیے مشعل راہ ہے
بندہ ناچیز آپ کی سخن گوئی و سخن فہمی کا دل سے معترف ہے اور مشکور و ممنون ہیں آپ کی محبت کے اور دعا گو ہیں کہ آپ کا دستِ شفقت ہمارے سروں پر اسی طرح قائم و دائم رہے آمین

 

بہت خوبصورت الفاظ ہیں۔ اللہ نے بہت خوبصورت دل اور دماغ دئے ہیں آپ کو۔

 

محترم انکل آپ کے آنے سے اور محبت کے پھول نچاور کرنے سے مشام فکرو نظر مہک اٹھتے ہیں جو آپ کی قدر و منزلت میں مزید اضافے کا سبب بنتے ہیں آپ کے تحسین و آفرین میرے لیے باعث ِ مسرت و افتخار ہے جس سے میرے تصورات کو ایسی حرارت ملتی ہے کہ طائران ِ خیال و تصور عالم مدہوشی سے اٹھ کر پرواز کی جستجو لے کر پر تولنے لگتے ہیں

بھائی شکیل احمد خان صاحب کی وسیع انظر ی اور ان کی مثبت علمی اور فکری وسعت ہی ان کا خاصہ ہے دلوں کو جوڑنے اور ایک دوسرے سے ہم آہنگ کرنے کی غرض سے اور علم و فراست کے اضافے کی خاطر ان کی یہاں کوششیں قابل تحسین و آفرین ہیں اور ان کی محفل ہمارے لیے درس و تدریس کی جماعت کا درجہ رکھتی ہے

 

عمدہ ۔۔۔ وااہ واااہ ،،،

 

بہت بہت شکریہ محترم

 

بہت بہت شکریہ محترم