امانت میرے رب کی ہے

امانت میرے رب کی ہے یہ میرا جسم میری جاں
مجھے چاہے وہ رب جوڑے مجھے چاہے وہ رب توڑے

زنیرہ گلؔ

 

۔۔۔۔۔۔۔میر دریا ہے سنے شعر زبانی اُس کی

اللہ اللہ رے !طبیعت کی روانی اُس کی(میرتقی میر )​

ماشاء اللہ زنیرہ ماشاء اللہ !

 

امانت تو مونث ہوتی ہے ۔ آپ پٹھان ہیں کیا۔

 

بہت شکریہ محترم

اللہ جزائے خیر دے

 

بہت بہت شکریہ آپ نے میری اصلاح فرمائی

جی ہاں میں پختون ہوں

 

جناب!
آپ نے فلم ’’گیارہ ہزار لڑکیاں‘‘ کا وہ نغمہ ’دل کی تمنا تھی مستی میں منزل سے بھی دُور نکلتے۔۔۔۔۔۔۔۔۔۔۔۔الخ‘ ضرور سنا ہوگا۔مجروح سلطان پوری اِس گیت کے شاعراورطرزنگار دِتہ ملک تھے۔محمد رفیع اور آشاپوسلے نے ملکر اِس ترانے کو اپنی خوبصورت آوازوں سے سجایاتھا۔ زنیرہ گل باوجود اُردُو فیملی سے منسلک نہیں مگر اِن کا اُردُوزبان و ادب سے وہ رشتہ ، تعلق اور پیار ہے جو اُردُو داں خواتین وحضرات میں بھی کم کم اور خال خال نظر آتا ہے ۔ایسے میں دِلی جذبات کے اظہارمیں زبان وبیان کی غلطیاں جو کبھی کبھی یہ کرجاتی ہیں تو شاعری سے زیادہ یہ سادگی سامعین اور قارئین سے داد وتحسین کا بھولابھالا مطالبہ کرتی محسوس ہوتی ہے اور میں۔۔۔۔۔۔۔۔۔۔۔۔مجھے جب موقع ملتا ہے اِن کے اِس سچے جذبے کی تعریف میں شاعری پر مجبور ہوجاتا ہوں۔جانتا ہوں اُردُو فیملی کا رکن ہوں مگر نہیں جانتا اُردُو شعر ونثر کے تقاضے کیا ہیں ۔خود کو مطمئن کرنے کے لیے بطوردلیل مذکورہ گیت گنگناکر رہ جاتا ہوں۔۔۔۔۔۔۔۔۔۔۔۔۔۔۔۔۔۔۔۔۔۔آئیے تکلفات کو بھول کرہم ایک دوسرے کی کاوشوں کو سراہیں،ہمت اور حوصلہ بڑھائیں اور اِس فورَم کے ہر صفحے،ہر لڑی ،ہر موضوع اور ہرعنوان ۔۔۔۔۔۔۔۔۔ہر شعبے میں باہمی محبت اور احترام کے وہ دیے روشن کرجائیں جو مسابقت کی تیز ہواؤں سے بجھتے ہیں تو بجھیں۔۔۔۔۔۔۔۔۔مٹنے نہ پائیں۔۔۔۔۔۔۔بجھے دیے پھر جل اٹھتے ہیں،جو مٹ جائیں ۔۔۔۔۔۔۔۔اُنہیں کہاں سے لائیں گے۔

 

میرا مقصد یہاں پر کسی کا مذاق اڑانا نہیں تھا ۔ صرف معلومات کے لئے پوچھا تھا کیونکہ ہمارے پاکستانی پٹھان بھائی بہن اکثر مذکر کو مونث اور مونث کو مذکر بول دیتے ہیں ۔ یہ تو ایسی کوئی بڑی اہم بات نہیں ہے ۔ ہم لوگ بھی بہت سارے لفظوں کو غلط سلط بول دیتے ہیں ۔

 

شہزادے بھائی !
یقین کیجیے میں نے بھی اِسے طنز یا مذاق نہیں سمجھا تھا۔۔۔۔۔۔۔۔۔۔۔۔بلکہ اِس بہانے کچھ کہنے سننے کا موقع ملا سو۔۔۔۔۔۔۔میں نے کہا۔۔آپ ہرگز برانہ مانیے گا۔۔۔۔۔اصل میں یہاں بات کرنے کو زباں نہیں قلم ترستا ہے ۔۔۔۔۔آپ کی چھوٹی سی خوبصورت بات کے بدلے مجھے بڑی سی بے ڈھب نثر ۔۔۔۔۔۔۔۔۔۔۔۔۔لکھنے کا موقع ملا۔۔۔۔۔۔۔۔کمالی صاحب ،واللہ ۔۔۔۔۔۔۔باللہ میں آپ کی آمد پر دل و جان سے خوش ہوں ،خوش آمدیدکہتا ہوں اور دعاہے آپ ہمیشہ خوش رہیں:

خوش وضع و خوش لباس و خوش اندام وخوش فہم
گلشنِ دل میں نسیمِ صبح ہے، بادِ صبا یا محض میرا وہم​

 

مری نادان غلطی سے بکھیڑا پڑ گیا آخر
کمالی، خان سے فورم میں لیکن لڑ گیا آخر
فریق اس بات پر یکجا ہوئے معصوم ہے پشتو
کہ گل ؔ اس طرح سے ذکرِ محبت چِھڑ گیا آخر

زنیرہ گلؔ

 

وا وا واہ یہ تو بہت زبردست شعر کہے ہیں ۔
لیکن میری کسی سے کوئی لڑائی نہیں ہوئی تھی ۔ میں لڑائی میں یقین نہیں رکھتا بلکہ ہر طرف امن امان ہونا چاہئے ۔