شکیل احمد خاں کی شاعری اور نثرنگاری ( اصلاح طلب )

بہت بہت شکریہ جناب

 

نہیں کسی کو بھی میرا خیال قسمت ہے
اجڑنے کا مرے دل کو ملال قسمت ہے

کبھی وہ لوٹ کے آئے کبھی چلا جائے
محبتوں میں عروج و زوال قسمت ہے

کبھی تو زیست کے لمحات بھول جاؤں گی
ملا ہے مجھ کو ہمیشہ ملال قسمت ہے

غرور تم کبھی اس بات پر نہیں کرنا
اگر ملے تمہیں حسن و جمال قسمت ہے

گلؔ ایک سوچ سے قائم ہیں میرے ہوش و حواس
نہ جائے دل سے یہ تیرا خیال قسمت ہے

زنیرہ گلؔ

 

واہ کیا بات ہے ..................بلی کے بچے

 

شکریہ!

 

بہت شاندار امپروومنٹ! اللہ کرے طرزِ بیاں اور مؤثر۔۔۔۔۔اللہ کرے اُردُو زباں اور مؤقر!!

 

تمام دوستوں کو دل کی اتھاہ گہرائیوں سے نئے سال کی مبارک باد پیش ہے۔خدا آپ سب کو خوش، صحتمند اور تندرست رکھے اور آپ کے دم قدم سے ہماری اُردُو بھی خوش ،صحتمند اور تندرست رہے، آمین !

 

بہت بہت شکریہ محترم
اللہ آپ کو بھی خوش و سلامت رکھے صحت کے ساتھ عمر عطا فرمائے
اللہ نیا سال آپ کے لیے اور ہم سب کے لیے مبارک کرے
اللہ ہمارے لیے اس سال کو بابرکت ، خوشیوں بھرا اور امن اور بھائی چارے کا گہوارہ بنا دے
آمین

 

بہت خوبصورت
بہت عمدہ

ماشاء اللہ

 

دل سلامت ہیں ابھی اور روابط قائم
ورنہ گلؔ کب کی فنا ہو گئی ہوتی صاحب


زنیرہ گلؔ

 

کھیت چک جاتی ہے چڑیا تب خیال آتا ہے گل
اپنی خوش فہمی کو خوش بختی سمجھ لیتے ہیں لوگ


زنیرہ گل ؔ

 

خان صاحب کیا خوبصورت طوطے پالے ہیں آپ نے یعنی طوطوں پر خوبصورت اشعار

 

بہت خوبصورت

 

کیا عجب سلسلہ ہوا دل میں
اک تلاطم بپا ہوا دل میں

میری کشتی بھنور میں چھوڑ گیا
بد گماں نا خدا ہوا دل میں

جب سے نسبت ہوئی ہے دنیا سے
نفس مجھ سے ہی لڑ پڑا دل میں

درد کے سلسلے بھی چل نکلے
یہ بھی کھاتہ نیا کھلا دل میں

مجھ کو اپنوں نے توڑ ڈالا ہے
اب بھروسہ نہیں رہا دل میں

رب کے ہاں دیر ہے اندھیر نہیں
رکھ گناہوں سے فاصلہ دل میں

زیست لمحوں میں بٹ گئی اپنی
نہ رہا کوئی آسرا دل میں

انس ہے مجھ کو میری خلوت سے
کیوں کہ کوئی نہیں رہا دل میں


بے بسی کی نہ بات کرنا تم
گل کی خوشبو رہے سدا دل میں


زنیرہ گلؔ

 

جب عید پہ گلیاں
سجتی ہیں
تو پھیکی خوشیاں
لگتی ہیں
جب عید کا موقع
آتا ہے
غریب کی بیٹی
روتی ہے

یہ عید ہماری ہوتی ہے؟

 

یہ کی بجائے یوں مناسب ہے شاید!
یوں عید ہماری ہوتی ہے!

 

خان بھائی لگتا میری کسی گستاخی پر ناراض ہو گئے ،کبھی خاکسار توجہ نہیں دی اگر غساخی کی نشاندہی فرما دیں تو معافی مانگنے میں تعمّل نہیں کروں گا

 

بہت بہت شکریہ محترم

 

محترم انکل بےشک ! محترم شکیل احمد خان بھائی صاحب عجوبہ صفات کے با کمال اور صاحبِ علم و عمل شخصیت ہیں اور گاہے گاہے اپنے علم کے بحر ذخار سے گواہر پارے ، مرجان و موتی ہم جیسے کم علموں پر نچھاور کرتے رہتے ہیں کبھی دیر سویر ہو جاتی ہے آنے میں لیکن شاید وہ ناچیز کے صدائے درد سے جاگ اٹھے جو اب تک کسی گوشے میں پردہ کیے ہوئے ہیں

یوں نہ رہ رہ کر ہمیں ترسائیے
آئیے آ جائیے آ جائیے

نہ حال اپنا بتاتے ہیں ......نہ ہی ہم سے سنتے ہیں ہمارا حال

بھائی صاحب!

ہم کو جب آپ بلاتے ہیں چلے آتے ہیں
آپ بھی تو کبھی آ جائیے بلوانے سے

 

خواب کا شہر اُجڑنے نہیں دوں گی لیکن
تم بھی اک بار مگر اس کے خرابوں سے نکل
ایک اندیشۂ بے نام ہے دل کا باسی
تم بھی گل زیست کے بے وجہ عذابوں سے نکل

زنیرہ گل