خطرے میں انسان کی انسان سے ہی جان ہے---برائے اصلاح

شکیل احمد خان
--------
فاعلاتن فاعلاتن فاعلاتن فاعلن
خطرے میں انسان کی انسان سے ہی جان ہے
کیوں بنا انسان ایسا عقل بھی حیران ہے
-------------
ہر طرف ہی دیکھتے ہیں بے بسی قانون کی
مجرموں کے واسطے کیوں اس قدر بے جان ہے
--------
آج پانی سے بھی سستی ہو گئی ہے جان کیوں ؟
وحشتوں میں ڈوبتا کیوں جا رہا انسان ہے ؟
------------
آدمی نے چُن لیا کیوں راستہ شیطان کا ؟
آج کا انسان کیوں یہ اس قدر نادان ہے ؟
-----------------
جل رہے ہیں لوگ کیوں سب نفرتوں کی آگ میں ؟
جس کو چھوٹی بات سمجھے اک بڑا بحران ہے
-----------------یا
جس کو سمجھے بات چھوٹی وہ بنی طوفان ہے
------------------
مجرموں کو چھوڑ دینا یہ کہاں انصاف ہے
یہ وطیرہ ہی ہماری موت کا سامان ہے
-------------
ہر کسی سے ایک جیسا ہر طرح انصاف ہو
جان ہے قربان جن پر ﷺان کا یہ فرمان ہے
-----------------
شکر کرنا چاہئے ارشد خدا کی ذات کا
مملکت جو دی ہمیں ہے اس کا یہ احسان ہے
------------------

 

بہت خوبصورت انکل
خوش رہیے سلامت رہیے

 

قانون کا بے جان ہونا ۔ نہیں سنا۔۔۔
آج کا انسان کیونکر۔۔۔ یہاں لفظ " یہ " بھرتی کا ہے ۔۔۔
مملکت جو دی ہمیں اس کا بڑا احسان ہے


بہت خوب۔۔۔