اسے دیکھا اسے چاہا اسے پایا اسے کھویا---برائے اصلاح

شکیل احمد خان
برائے اصلاح اور تنقید (شکیل احمد خان صاحب اور سعید سعدی صاحب سے اصلاح کی درخواست)
مفاعیلن مفاعیلن مفاعیلن مفاعیلن
-------
اسے دیکھا اسے چاہا اسے پایا اسے کھویا
حسابِ زندگی دیکھا تو پہروں پھوٹ کر رویا
--------------
گزاری زندگی تم نے خطاؤں میں گناہوں میں
لگے تھے داغ دامن پر تو کیوں ان کو نہیں دھویا
------------
قریبِ مرگ پہنچے ہو کرو توبہ گناہوں سے
تحمّل سے کبھی سوچو کہ کیا پایا ہے کیا کھویا
------------
دعائیں مانگتے ہیں لوگ تیری قبر پر آ کر
وہ کیا جانیں کہ پاپی تھا زمیں اوڑھے ہے جو سویا
------------
حسینوں کی محبّت ہے ترے دل میں ابھی ارشد
تمہیں نفرت گناہوں سے ہوئی اب تک نہیں گویا
-------یا
خدا کی یاد سے غافل ابھی ہے دل ترا گویا

 

بہت بہت شکریہ محترم خان صاحب خدا آپ کو جزائے خیر دے

 

خوش رہیں ، سلامت رہیں، آباد رہیں!
ایک مصرع بعد میں سُوجھا،پیشِ خدمت ہے:

 

دامن پر اور دامن میں

یہ فرق میرے ناقص عقل میں نہیں آیا
اس پر کچھ فرمانا پسند کرینگے محترم؟

 

حشر کے دن بھی داغ دامن میں
شرم اے چشم تر نہیں آتی

ریاضؔ خیرآبادی

لگے نہ پھر کبھی دامن میں داغ ان کے شمیمؔ
شراب ناب سے دھویا ہے جن گناہوں کو

شمیم جے پوری

محافظ ہے ترا دامن بہت ہی خون میں آلود
مگر یہ داغ دامن پر ترے اچھے نہیں لگتے

ارشد سعد ردولوی

ہر چند نظر نے تاروں پر شبخون تو مارا ہے لیکن
یہ رات سحر کے دامن پر کچھ داغ لہو کے چھوڑ گئی

قتیل شفائی

 

خان صاحب۔ زنیرہ بیٹی کی طرح یہ الجھن میری سوچ میں بھی تھی ۔آپ نے اتنی مدلّل تفصیل اور تشریح سے تشفّی فرما دی ہے ۔ شکریہ

 

شکریہ محترم :

 

وا ہ واہ ......... اس عدیم الفرصت دور میں دانا و بینا احباب گر میسر ہوں تو ہماری خوش بختی ہے
محترم آپ کے تہہ دل سے مشکور و ممنون ہیں کہ گراں قیمت اوقات سے ہمارے لیے وقت نکال کر اس قدر محبت نچھاور کی کہ آپ کی بھاری بھرکم ثقیل لفاظی نے دل موہ لیے میں اور پر کی تشریح فرمائی اور ہمیں نہاں اور عیاں کا فرق واضح کر دیا. محترم آپ کی فصاحت و بلاغت کے جوہر ہم پہلے بھی دیکھ چکے ہیں اور آج لفظوں کے شطرنج کو اس لڑی میں کھیل کر اردو کے متصرفین کے تسلط کو نابکار ثابت کیا

 

شکریہ زنیرہ شکریہ!!